ອົງການຂ່າວແຫ່ງລັດຊີເຣຍກ່າວວ່າ ປະທານາທິບໍດີ Bashar al-Assad ໄດ້ວາງ
ກໍານົດເວລາໃສ່ວັນທີ 26 ກຸມພານີ້ ເປັນວັນລົງປະຊາມະຕິແຫ່ງຊາດກ່ຽວກັບຮ່າງ
ລັດຖະທໍາມະນູນສະບັບໃໝ່ຂອງປະເທດ.
ປະທານາທິບໍດີ Assad ໃຫ້ຄໍາໜັ້ນສັນຍາກ່ຽວກັບການລົງປະຊາມະຕິ ນີ້ໃນລະ
ຫວ່າງການກ່າວປາໄສໃນເດືອນມັງກອນຜ່ານມາ ໂດຍກ່າວວ່າ ຮ່າງກົດໝາຍລັດ
ຖະທໍາມະນູູນສະບັບໃໝ່ນີ້ ຈະເພ່ງເລັງໃສ່ລະບົບການ ເມືອງທີ່ມີຫລາຍພັກເຂົ້າ
ຮ່ວມນໍາ.
ລັດຖະບານຊີເຣຍໄດ້ຮັບຮອງເອົາກົດໝາຍສະບັບນຶ່ງໃນເດືອນກໍລະກົດ ປີກາຍ
ໂດຍອະນຸມັດໃຫ້ຈັດຕັ້ງພັກການເມືອງຫລາຍພັກຂຶ້ນໄດ້ ນອກ ຈາກພັກ Ba’ath
ທີ່ກໍາລັງປົກຄອງປະເທດຢູ່ ໃນປັດຈຸບັນນີ້ ຊຶ່ງຄອງອໍານາດມາຕັ້ງແຕ່ປີ 1963
ນັ້ນ.
ໃນຂະນະດຽວກັນ ບັນດານັກເຄື່ອນໄຫວດ້ານສິດທິມະນຸດ ກ່າວວ່າ ກໍາລັງຂອງ
ລັດຖະບານ ໄດ້ທໍາການໂຈມຕີໃນວັນພຸດມື້ນີ້ ຕໍ່ເມືອງ Hama ຊຶ່ງເປັນສູນກາງ
ຂອງການປະທ້ວງ ໃນພາກກາງຂອງຊີເຣຍນັ້ນ. ພວກນັກເຄື່ອນໄຫວເຫລົ່ານີ້
ກ່າວຕື່ມວ່າ ພວກທະຫານຂອງລັດຖະບານໄດ້ບຸກຖະລົ່ມເຂົ້າໄປໃນບັນດາຄຸ້ມ
ທີ່ປະຊາຊົນອາໄສຢູ່ແລະວ່າພວກສາຍໂທລະສັບກໍໄດ້ຖືກຕັດຂາດ.
ທີ່ເມືອງ Homs ປະມານ 40 ຫລັກກິໂລແມັດໄປທາງທິດໃຕ້ ພວກ ນັກເຄື່ອນ
ໄຫວກ່າວວ່າ ລະເບີດໄດ້ແຕກຂຶ້ນ ຖືກທໍ່ລໍາລຽງນໍ້າມັນໃກ້ໆກັບຄຸ້ມ Baba
Amr ຊຶ່ງເປັນຄຸ້ມຂອງພວກມຸສລິມນິກາຍຊຸນນີອາໄສຢູ່ ຊຶ່ງໄດ້ສົ່ງຄວັນໄຟກຸ້ມ
ຂຶ້ນສູ່ທ້ອງຟ້າ ຊຶ່ງພວກນັກເຄື່ອນໄຫວເຫລົ່ານີ້ ຖິ້ມໂທດໃສ່ພວກທະຫານຂອງ
ລັດຖະບານ ທີ່ເຮັດໃຫ້ເກີດລະເບີດຂຶ້ນ ໃນຂະນະທີ່ລັດຖະບານກ່າວວ່າ ພວກ
ກໍ່ການຮ້າຍເປັນຜູ້ຮັບຜິດຊອບໃນເລື້ອງນີ້.
ໂຮງກັ່ນນໍ້າມັນແຫ່ງນຶ່ງໃນບັນດາໂຮງກັ່ນນໍ້າມັນ 2 ແຫ່ງຂອງຊີເຣຍ ແມ່ນຕັ້ງ
ຢູ່ໃນເມືອງ Homs ແລະພວກນັກເຄື່ອນໄຫວກ່າວວ່າ ການບຸກໂຈມຕີມາເປັນ
ເວລາເກືອບ 2 ສັບປະດາ ຂອງພວກທະຫານລັດ ຖະບານຕໍ່ເມືອງ Homs
ໄດ້ສັງຫານຜູ້ຄົນໄປແລ້ວຫລາຍຮ້ອຍຄົນ.
ບັນດາເຈົ້າໜ້າທີ່ຊີເຣຍ ໄດ້ຖິ້ມໂທດໃສ່ພວກກໍໍ່ການຮ້າຍປະກອບອາວຸດກ່ຽວ
ກັບການລຸກຮືຂຶ້ນຕໍ່ຕ້ານການປົກຄອງປະເທດແບບຜະເດັດການ ຂອງປະທາ
ນາທິບໍດີ Bashar Al-Assad ທີ່ດຳເນີນມາເປັນເວລາ 11 ເດືອນແລ້ວນັ້ນ.
