ລິ້ງ ສຳຫລັບເຂົ້າຫາ

ວັນເສົາ, ໑໘ ພຶດສະພາ ໒໐໒໔

ກໍາລັງຊີເຣຍ ທໍາການໂຈມຕີ ເມືອງ Homs ຢ່າງໜັກ (ເບິ່ງສະໄລດ໌)


ທ່ານນາງ Navi Pillay ຂ້າຫລວງໃຫຍ່ດ້ານສິດທິມະນຸດຂອງສະຫະ ປະຊາຊາດ. ວັນທີ 13 ກຸມພາ 2012.
ທ່ານນາງ Navi Pillay ຂ້າຫລວງໃຫຍ່ດ້ານສິດທິມະນຸດຂອງສະຫະ ປະຊາຊາດ. ວັນທີ 13 ກຸມພາ 2012.



















ບັນດາ​ນັກ​ເຄື່ອນ​ໄຫວ​ດ້ານ​ສິດທິ​ມະນຸດ​ຊີ​ເຣຍກ່າວ​ວ່າ ກໍາລັງ​ຂອງ​ລັດຖະບານ​ໄດ້​ບຸກ​ໂຈມ
ຕີ​ເມືອງ Homs ຈຸດ​ໃຈ​ກາງຂອງ​ການ​ປະ​ທ້ວງດ້ວຍ​ການ​ລະດົມ​ຍິງ​ປືນ​ໃຫຍ່​ໃສ່ຢ່າງ​ໜັກ
ນຶ່ງ​ມື້​ຫລັງ​ຈາກ​ຫົວໜ້າ​ດ້ານ​ສິດທິມະນຸດ​ຂອງ​ສະຫະ​ປະຊາ​ຊາດ​ກ່າວ​ວ່າ ຄວາມ​ລົ້ມ​ແຫລວ
ຂອງ​ສະພາຄວາມ​ໝັ້ນຄົງ​ບໍ່​ທໍາ​ການ​ເຄື່ອນ​ໄຫວ​ໃດໆ​ນັ້ນ ​ໄດ້​ຊ່ອຍ​ໃຫ້​ເຮັດ ໃຫ້​ລັດຖະບານ
ຂອງ​ປະທານາທິບໍດີ Bashar al-Assad ​ແຂງ​ແຮງ ຂຶ້ນ.

ໃນ​ຄໍາ​ປາ​ໄສ​ຕໍ່​ສະມັດຊາ​ໃຫຍ່​ສະຫະ​ປະຊາ​ຊາດ​ໃນ​ວັນ​ຈັນ​ວານ​ນີ້ ຂ້າຫລວງ​ໃຫຍ່ດ້ານ​
ສິດທິ​ມະນຸດສະຫະ​ປະຊາ​ຊາດ ທ່າ​ນນາງ Navi Pillay ກ່າວ​ວ່າ ລະດັບ​ຂອງ​ການລະ​
ເມີດ​ສິດທິ​ມະນຸດ​ ໂດຍ​ພວກ​ກໍາລັງ​ທີ່​ນິຍົມ​ທ່ານ Assad ສະ​ແດງ​ໃຫ້​ເຫັນວ່າ ການ​ກໍ່
ອາ​ຊະ​ຍາ​ກໍາ​ຕ້ານ​ມະນຸດຊາດ ​ໄດ້​ເກີດຂຶ້ນ​ນັບ​ແຕ່​ເດືອນ​ມີນາ​ແລ້ວ​ນີ້​ເປັນ​ຕົ້ນ​ມາ ​ແລະ
ກໍາລັງ​ດໍາ​ເນີນ​ສືບຕໍ່​ໄປ.

ໄດ້​ມີ​ລາຍ​ງານ​ວ່າ ປະຊາຊົນ​ຫລາຍ​ຮ້ອຍ​ຄົນ​ໄດ້​ເສຍ​ຊີວິດ​ໃນ​ເມືອງ Homs ນັບ​ແຕ່​
ລັດຖະບານ​ໄດ້​ເລີ້ມ​ຍິງ​ປືນ​ໃຫຍ່​ໂຈມ​ຕີ​ໃສ່ເຂດ​ຕ່າງໆ​ທີ່ຢູ່​ພາຍ​ໃຕ້​ຄວາມ​ຄຸ້ມ​ຄອງ​ຂອງ
ພວກ​ກະບົດ​ນັ້ນ.

ເອກ​ອັກຄະ​ລັດຖະທູດ​ຊີ​ເຣຍປະ​ຈໍາ​ສະຫະ​ປະຊາ​ຊາດ ທ່ານ Bashar Ja’afari ບໍ່​ຍອມ
ຮັບ​ເອົາຄໍາ​ກ່າວ​ຫາ​ຂອງທ່ານ​ນາງ Pillay ນັ້ນ ​ແລະ​ເນ້ນ​ເຖິງ​ສິດທິ​ຂອງ​ປະ​ເທດ​ຂອງ​
ທ່ານ​ໃນ​ການ​ປ້ອງ​ກັນ​ພົນລະ​ເມືອງ ຂອງ​ຕົນ ​ແລະ​ທໍາ​ການ​ປາບ​ປາມພວກ​ກໍ່​ການ​ຮ້າຍ​
ນັ້ນ. ນອກ​ນັ້ນ​ທ່ານຍັງ​ກ່າວ​ຫາ​ພວກ​ປະ​ເທດ​ສະມາຊິກ​ສະຫະ​ປະຊາ​ຊາດ​ເຊ່ນ​ກັນ​ວ່າ
ໃຫ້ການ​ສະໜັບສະໜຸນ​ເຄືອ​ຂ່າຍ al-Qaida ​ແລະ​ສົ່ງ​ພວກ​ກໍ່​ການຮ້າຍ​ເຂົ້າ​ໄປ​ຍັງ​ຊີ
ເຣຍນັ້ນ.

ບັນດາ​ເຈົ້າ​ໜ້າ​ທີ່​ຊີ​ເຣຍ​ໄດ້​ຖິ້ມ​ໂທດ​ໃສ່​ພວກ​ກໍ່​ການ​ຮ້າຍ​ປະກອບ​ອາວຸດກ່ຽວ​ກັບ​ການ​
ລຸກ​ຮື​ຂຶ້ນ​ຕໍ່ຕ້ານ​ທ່ານ Assad ມາ​ເປັນ​ເວລາ 11 ​ເດືອນແລ້ວ​ນັ້ນ.

ເອກ​ອັກຄະ​ລັດຖະທູດ​ຈີນ​ປະ​ຈໍາ​ຊີ​ເຣຍ ​ໄດ້​ພົບ​ປະກັນ​ກັບ​ທ່ານ Nabil Elaraby ​ເລ
ຂາທິການ​ໃຫຍ່​ສັນນິບາດ​ອາຣັບ​ໃນ​ມື້ວັນ​ຈັນ​ວານ​ນີ້ ​ໃນ​ອັນ​ທີ່​ກະຊວງ​ການຕ່າງປະ​ເທດ
ຈີນ​ເອີ້ນ​ວ່າ ການ​ໂອ້​ລົມ​ສົນທະນາ​ແບບ​ກົງ​ໄປ​ກົງ​ມາ​ແລະເປັນ​ປະ​ໂຫຍ​ດກ່ຽວ​ກັບ​ສະຖາ
ນະ​ການ​ໃນ​ຊີ​ເຣຍນັ້ນ.

ທ່ານ Li Huaxin ກ່າວ​ຕໍ່​ບັນດາ​ນັກ​ຂ່າວ​ທີ່​ກຸງ​ໄຄ​ໂຣວ່າ ຈີນ​ຈະ​ຮຽກຮ້ອງ​ໃຫ້​ທຸກ​ພັກ
ຝ່າຍ​ຍຸດຕິ​ການ​ກໍ່ຄວາມ​ຮຸນ​ແຮງ​ນີ້ໃນ​ທັນທີ .

XS
SM
MD
LG