ລິ້ງ ສຳຫລັບເຂົ້າຫາ

ພວກສະໜັບສະໜຸນ ປ. Assad ບຸກ ສະຖານທູດ ຂອງຊາອູດີອາຣາເບຍ ແລະກາຕາ

  • ສິງ ບູຣົມມະວົງ

ພວກສະໜັບສະໜຸນລັດຖະບານຊີເຣຍ ຫລາຍພັນຄົນ ເດີນຂະບວນ ສະແດງການສະໜັບສະໜຸນລັດຖະບານ ທີ່ກຸງ Damascus, ວັນທີ13 ພະຈິກ, 2011.

ພວກ​ທີ່​ຈົງ​ຮັກ​ພັກດີ​ຕໍ່​ລັດຖະບານ​ຊີ​ເຣຍ​ ໄດ້ບຸກລຸກ​ເຂົ້າ​ໄປ​ໃນ​ສະຖານທູດ​ຊາ​ອູ​ດີ​ອາຣາ​ເບຍ ​
ແລະ​ສະຖານທູດ​ Qatar ​ໃນ​ນະຄອນຫລວງ Damascus ສະ​ແດງ​ຄວາມ​ໂກດ​ແຄ້ນ​ທີ່ທັງ
2 ປະເທດສະໜັບສະ​ໜຸນການ​ຕັດສິນ​ໃຈ​ຂອງ​ສັນນິບາດ​ຊາດ​ອາຫຣັບ ທີ່​ງົດ​ການ​ເປັນສະມາ
ຊິກ​ຂອງ​ຊີ​ເຣຍ​ໄວ້​ເປັນ​ການ​ຊົ່ວຄາວ​ ຍ້ອນ​ສາ​ເຫດ​ທີ່​ຊີ​ເຣຍຍັງ​ສືບ​ຕໍ່​ທໍາການ​ປາບ​ປາມ​ຢ່າງ ​
ນອງ​ເລືອດ​ຕໍ່​ການ​ລຸກ​ຮື​ຂຶ້ນ​ຂອງຝ່າຍ​ທີ່ຄັດຄ້ານ​ລັດຖະບານ​ນັ້ນ.

ຊາ​ອູ​ດີ​ອາຣາ​ເບຍ​ໄດ້​ປະນາມ​ການ​ບຸກລຸກສະຖານທູດ​ຂອງ​ຕົນ​ໃນ​ວັນ​ເສົາ​ວານ​ນີ້​ ທີ່​ນະຄອນ
ຫລວງ​ຂອງ​ຊີ​ເຣຍນັ້ນ ແລະກ່າວ​ວ່າ ຕົນ​ຖື​ວ່າ​ກຸງ Damascus ​ເປັນ​ຜູ້​ຮັບຜິດຊອບ​ຕໍ່​ເລື້ອງ​ນີ້
ແລະສໍາລັບ​ຄວາມ​ປອດ​ໄພຂອງ​ຜົນ​ປະ​ໂຫຍ​ດທັງ​ໝົດຂອງ​ຊາ​ອູ​ດີ​ອາຣາ​ເບຍ​ ໃນ​ຊີ​ເຣຍນັ້ນ.
ອົງການ​ຂ່າວທາງ​ການ​ຂອງ​ຊາ​ອູ​ດີ​ອາຣາ​ເບຍ ກ່າວ​ວ່າ ພວກ​ຕໍ່ຕ້ານ​ສັນນິບາດ​ຊາດ​ອາຫຣັບ
ພາກັນ​ແກວ່ງ​ກ້ອນ​ຫິນ​ໃສ່​ຕຶກສະຖານທູດ ທັບ​ປ່ອງຢ້ຽມ​ ແລະ​ຊອກ​ຄົ້ນ​ໄປ​ທົ່ວ​ພວກ​ຫ້ອງ
ການ​ຕ່າງໆ. ຝູງ​ຊົນ​ຈໍານວນຫລາຍກຸ່ມ​ນຶ່ງກໍ​ໄດ້​ພາກັນໂຮມຊຸມນຸມຢູ່​ຂ້າງ​ນອກ​ສະຖານທູດ
Qatar ​ເຊ່ນ​ກັນ​ ແລະ​ບຸກລຸກ​ຜ່ານປະຕູ​ໃຫຍ່​ເຂົ້າ​ໄປໃນ​ສະຖານທູດ.

ສື່​ມວນ​ຊົນແຫ່ງ​ລັດ​ຂອງ​ຊີ​ເຣຍກ່າວ​ວ່າ ພວກ​ສະໜັບສະ​ໜຸນ​ລັດຖະ ບານຫລາຍ​ພັນ​ຄົນ​ໄດ້​
ເຕົ້າ​ໂຮມ​ກັນ​ຢູ່​ໃນ​ນະຄອນຫລວງ Damascus, ​ເມືອງ Aleppo​, ​ເມືອງ Lattakia ​ແລະ​
ຫົວ​ເມືອງ​ອື່ນໆໃນ​ວັນ​ເສົາ​ວານ​ນີ້​ ເພື່ອ​ທໍາ​ການ​ປະ​ທ້ວງ​ຕໍ່​ການ​ລົງມະຕິ​ຂອງ​ສັນນິບາດ​ຊາດ
ອາຫຣັບ ຊຶ່ງມີ​ຂຶ້ນ​ໃນ​ຕອນ​ເຊົ້າ​ນັ້ນ. ພວກ​ປະ​ທ້ວງ​ຫລາຍ​ຄົນ​ພາກັນ​ໂບກ​ທຸງຊາດ​ຊີ​ເຣຍ
ແລະ​ຖື​ຮູບ​ພາບ​ຂອງ​ປະທານາ​ທິບໍດີ Bashar al-Assad.

ສັນນິບາດ​ຊາດ​ອາຫຣັບ​ໄດ້​ລົງມະຕິ​ງົດ​ການເປັນ​ສະມາຊິກ​ຂອງ​ຊີ​ເຣຍເລີ່​ມ​ຕັ້ງ​ແຕ່​ວັນ​ພຸດ​ໜ້າ​ນີ້
ເປັນ​ຕົ້ນ​ໄປ ຖ້າ​ຫາກລັດຖະບານ​ຂອງ​ທ່ານ Assad ຍັງ​ສືບ​ຕໍ່​ບໍ່​ເອົາ​ຫົວຊາ​ນໍາ​ແຜນການ​ຂອງ​
ສັນນິບາດຊາດ​ອາຫຣັບ ທີ່​ຮຽກຮ້ອງ​ໃຫ້​ລັດຖະບານ​ທໍາ​ການ​ໂອ້​ລົມ​ສົນທະນາ​ກັນກັບ​ຝ່າຍ​
ຄ້ານ​ແລະ​ໃຫ້​ຍຸດຕິ​ການ​ປາບ​ປາມ​ທີ່​ຮຸນ​ແຮງ​ຕໍ່​ພວກ​ຝ່າຍ​ຄ້ານ​ທີ່​ໄດ້​ທໍາ​ການ​ລຸກ​ຮື​ຂຶ້ນ​ຕໍ່ຕ້ານ​ລັດ
ຖະບານ​ມາ​ໄດ້ 8 ​ເດືອນ​ແລ້ວ​ນັ້ນ.

ຊີ​ເຣຍ​ໄດ້​ເຊັນ​ຮັບ​ເອົາ​ແຜນການ​ດັ່ງກ່າວ​ໃນ​ວັນ​ທີ 2 ພະຈິກ​ນີ້ ແຕ່ຄວາມ​ຮຸນ​ແຮງ​ໄດ້​ເພີ່ມ
ທະວີ​ຂຶ້ນ ​ໂດຍ​ມີ​ປະຊາຊົນ​ຫລາຍ​ກວ່າ 100 ຄົນ​ໄດ້​ເສຍ​ຊີວິດ​ ໃນ​ການ​ໂຈມ​ຕີ​ຂອງ​ພວກ​ກໍາ
ລັງ​ຮັກສາ​ຄວາມ​ສະຫງົບ​ຕໍ່​ພວກ​ປະ​ທ້ວງ​ຕໍ່ຕ້ານ​ທ່ານ Assad ​ແລະ​ໃນ​ການສູ້​ລົບ​ກັນຢ່າງ
ນອງ​ເລືອດ​ລະຫວ່າງ​ພວກ​ທະຫານ​ໃນ​ກອງທັບ​ຊີ​ເຣຍ​ແລະ​ທະຫານ​ທ່ີ​ໂຕນ​ໜີ​ຈາກ​ລັດຖະ
ບານ​ນັ້ນ.

ການ​ລົງ​ມະຕິ​ຂອງ​ສັນນິບາດ​ຊາດ​ອາຫຣັບ​ໄດ້​ຮັບ​ການ​ຊົມ​ເຊີຍ​ຈາກ​ສະຫະປະຊາ​ຊາດ ພ້ອມ
ທັງ​ຈາກ​ສະຫະລັດ​ແລະ​ອັງກິດ. ທ່ານ​ພັນກິ​ມູນເລຂາທິການ​ໃຫຍ່​ສະຫະ​ປະຊາ​ຊາດ​ເອີ້ນ​ການ
ເຄື່ອນ​ໄຫວ​ຂອງ​ສັນນິບາດ​ຊາດ​ອາຫຣັບວ່າ ​ແຂງ​ແຮງ​ແລະ​ກ້າຫານ ​ແລະ​ສະ​ແດງ​ຄວາມ​ຍິນ
ດີນໍາ​ເຈດ​ຕະນາ​ຂອງ​ສັນນິບາດ​ ທີ່​ອໍານວຍ​ໃຫ້ການ​ປົກ​ປ້ອງ​ພວກ​ພົນລະ​ເຮືອນ​ຊີ​ເຣຍນັ້ນ.
ທ່ານພັນ​ກິ​ມູນກ່າວ​ຕື່ມ​ວ່າ ປະຊາ​ຄົມ​ໂລກ​ຕຽມ​ພ້ອມທີ່​ຈະ​ໃຫ້ການ​ຊ່ອຍ​ເຫລືອທີ​ພົວພັນ​ກັບ​
ເລື້ອງ​ນີ້​ ຍາມ​ໃດ​ມີ​ການ​ຂໍ​ຮ້ອງ​ມາ​ນັ້ນ.

XS
SM
MD
LG