ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ທ່ານໂກຟີ ອັນນັນ ກໍາລັງລໍຖ້າ ຄໍາຕອບ ຈາກຜູ້ນໍາຊີເຣຍ (ເບິ່ງວີດີໂອ)


ທ່ານໂກຟີ ອັນນັນ ທູດພິເສດ ຂອງສະຫະປະຊາຊາດແລະສັນ
ນິບາດອາຣັບກ່ຽວກັບຊີເຣຍອ່ານຖະແຫລງການ ສະບັບນຶ່ງ ຫລັງຈາກພົບປະກັບປະທານາທິບໍດີ ອັສສັສ ແຫ່ງຊີເຣຍ.
ວັນທີ 12 ມີນາ 2012.
ທ່ານໂກຟີ ອັນນັນ ທູດພິເສດ ຂອງສະຫະປະຊາຊາດແລະສັນ ນິບາດອາຣັບກ່ຽວກັບຊີເຣຍອ່ານຖະແຫລງການ ສະບັບນຶ່ງ ຫລັງຈາກພົບປະກັບປະທານາທິບໍດີ ອັສສັສ ແຫ່ງຊີເຣຍ. ວັນທີ 12 ມີນາ 2012.

ທ່ານ​ໂກ​ຟີ ອັນ​ນັນ ທູດ​ພິ​ເສດ​ຂອງອົງການ​ສະຫະ​ປະຊາ​ຊາດ​ແລະ​ສັນນິບາດ​ອາຣັບກ່ຽວ​ກັບ
​ຊີ​ເຣຍກ່າວ​ວ່າ ທ່ານ​ຄາດ​ວ່າ ລັດຖະບານ​ຂອງ​ປະທານາທິບໍດີ Bashar al-Assad ຈະ​ໃຫ້​ຄຳ​
ຕອບ​ໃນ​ວັນ​ອັງຄານ​ມື້​ນີ້ ​ຕໍ່​ຂໍ້​ສະ​ເໜີ​ທີ່​ເປັນຮູບ​ປະ​ທໍາ​ຕ່າງໆ​ທີ່​ທ່ານ​ໄດ້​ຍື່ນ​ຕໍ່​ກຸງ​ດາ​ມັສກັສ ທີ່​ມີ
​ວັດຖຸ​ປະສົງ​ແນ​ໃສ່ເພື່ອ​ແກ້​ໄຂ​ວິ​ກິດ​ການ​ໃນ​ຊີ​ເຣຍນັ້ນ.

ອະດີດ​ຫົວໜ້າ​ສະຫະ​ປະຊາ​ຊາດ​ໄດ້​ເດີນທາງ​ອອກ​ຈາກ​ຊີ​ເຣຍ​ໃນ​ວັນ​ອາທິດ​ຜ່ານ​ມາ​ນີ້ ຫລັງ​
ຈາກ​ທໍາ​ການໂອ້​ລົມ​ສົນທະນາ​ເປັນ​ເວລາ 2 ມື້ທີ່​ເສັດ​ສິ້ນ​ລົງ​ໂດຍ​ບໍ່​ໄດ້​ຮັບ​ການ​ຕົກລົງ​ກັນ​ໃດໆ​
ນັ້ນ.

ທ່ານ​ອັນ​ນັນ ​ໄດ້​ກ່າວ​ໃນ​ວັນ​ອັງຄານ​ມື້​ນີ້ ຫລັງ​ຈາກ​ທໍາ​ການ​ພົບ​ປະ​ຫາລື​ກັນ​ທີ່​ກຸງອັງກາຣາ
ກັບ​ພວກ​ສະມາຊິກ​ຂອງ​ກຸ່ມສະພາ​ແຫ່ງ​ຊາດ​ຊີ​ເຣຍ ຊຶ່ງ​ເປັນ​ກຸ່ມ​ຝ່າຍ​ຄ້ານ​ພັດ​ຖິ່ນ​ທີ່​ສໍາຄັນ​ນັ້ນ.

ໃນ​ວັນ​ອັງ​ຄານມື້​ນີ້ເຊ່ນ​ກັນ ກຸ່ມ​ປົກ​ປ້ອງ​ສິດທິ​ມະນຸດ Observatory ຊີ​ເຣຍທີ່​ມີ​ຫ້ອງ​ການ
​ຕັ້ງ​ຢູ່ໃນ​ອັງກິດ ກ່າວ​ວ່າ ພວກ​ທະຫານ​ທີ່​ໂຕນ​ໜີ ໄດ້ດັກ​ສະກັດ​ໂຈມ​ຕີ​ທີ່​ດ່ານ​ກວດກາ​ທະ
ຫານ​ແຫ່ງ​ນຶ່ງ​ໃນ​ແຂວງ Idlib ​ໃນ​ພາກ​ເໜືອ​ຂອງ​ຊີ​ເຣຍ ໂດ​ຍ​ໄດ້​ສັງຫານ​ພວກ​ທະຫານ​ລັດ
ຖະບານ​ຢ່າງ​ໜ້ອຍ 10 ຄົນ.

ແຜນທີ່ສະແດງ ເມືອງແລະຈໍານວນພວກພົນລະເຮືອນ ທີ່ເສຍຊີວິດ ໃນເຫດການວຸ້ນວາຍ ທີ່ຊີເຣຍ.
ແຜນທີ່ສະແດງ ເມືອງແລະຈໍານວນພວກພົນລະເຮືອນ ທີ່ເສຍຊີວິດ ໃນເຫດການວຸ້ນວາຍ ທີ່ຊີເຣຍ.

ໃນ​ຂະນະ​ດຽວ​ກັນ ກຸ່ມ​ປົກ​ປ້ອງ​ສິດທິ​ມະນຸດ Human Rights Watch ​ໄດ້​ອອກ​ລາຍ​ງານ
​ສະບັບນຶ່ງ ທີ່​ກ່າວ​ວ່າ ກໍາລັງ​ຂອງ​ຊີ​ເຣຍ ໄດ້​ວາງ​ລະ​ເບີດ​ຝັງ​ດິນ​ໄວ້​ໃກ້ໆ​ຊາຍ​ແດນ​ຂອງ​ຊີ​ເຣຍ
ຕິດ​ກັບ​ເຕີ​ກກີ​ແລະ​ເລ​ບາ​ນອນ ຊຶ່ງ​ກຸ່ມ​ປົກ​ປ້ອງ​ສິດທິ​ມະນຸດ​ດັ່ງກ່າວ​ ເອີ້ນ​ການ​ກະທໍາ​ເຊ່ນ​ນີ້
ເປັນ​ກະທໍາ​ທີ່​ໄຮ້​ຈິດ​ສໍານຶກ ​ແລະ​ຮຽກຮ້ອງ​ໃຫ້​ກອງທັບ​ຊີ​ເຣຍຢຸດ​ເຊົາ ໃຊ້​ລູກ​ລະ​ເບີດ​ຝັງ​ດິນ
​ຕໍ່ຕ້ານ​ມະນຸດ​ນີ້.

ສະຫະລັດ ອັງກິດ​ແລະຣັດ​ເຊຍ​ຕ່າງ​ຮຽກຮ້ອງ​ໃຫ້​ຍຸດຕິຄວາມ​ຮຸນແຮງ​ໃນ​ຊີ​ເຣຍ ​ແຕ່​ສະພາ
​ຄວາມ​ໝັ້ນຄົງ​ສະຫະ​ປະຊາ​ຊາດ​ຍັງ​ຄົງ​ແຕກ​ແຍກ​ກັນ​ຢູ່​ກ່ຽວ​ກັບ​ວິທີ​ການ​ແກ້​ໄຂ​ວິ​ກິດ​ການ​ໃນ​ຊີ​ເຣຍນັ້ນ.

ບັນດາ​ລັດຖະມົນຕີ​ຕ່າງປະ​ເທດ​ຂອງ​ປະ​ເທດ​ສະມາຊິກ​ສະພາ​ຄວາມ​ໝັ້ນຄົງ​ໄດ້​ພົບ​ປະກັນ​ໃນ​ວັນ​ຈັນ​ວານ​ນີ້​ທີ່​ນະຄອນ​ນີວຢອກບ່ອນ​ທີ່ທ່ານ​ນາງ​ຮີນ​ລາຣີ ຄລິນ​ຕັນ ລັດຖະມົນຕີ​ການ​ຕ່າງປະ​ເທດ​ສະຫະລັດ​ຮຽກຮ້ອງ​ໃຫ້ຣັດ​ເຊຍ​ແລະ​ຈີນ​ເຂົ້າ​ຮ່ວມ​ໃນ​ການ​ດຳ​ເນີນ​ຄວາມ​ພະຍາຍາມ​ທາງ​ດ້ານ​ມະນຸດສະ​ທໍາ​ແລະ​ການ​ເມືອງ​ນາໆ​ຊາດ ​ເພື່ອ​ຍຸດຕິຄວາມ​ຮຸນ​ແຮງ ຊຶ່ງ​ທ່ານ​ນາງ​ໄດ້​ຖິ້ມ​ໂທດ​ໂດຍ​ກົງ​ໃສ່​ກົນ​ໄກ​ທະຫານ​ຂອງ​ປະທານາທິບໍດີ Bashar al-Assad ນັ້ນ ຊຶ່ງ​ທ່ານ​ນາງຄລິນຕັນ​ກ່າວ​ວ່າ:

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Rodham Clinton, ສົນທະນາກັບ ຄູ່ຕໍາແໜ່ງຈາກຣັດເຊຍ ທ່ານ Sergei Lavrov ເລື່ອງຊີເຣຍ ຢູ່ອົງການສະຫະປະຊາຊາດ ທີ່ນະຄອນນິວຢອກ, ວັນຈັນ ທີ 12 ມີນາ 2012. (AP Photo/Richard Drew)
ລັດຖະມົນຕີການຕ່າງປະເທດສະຫະລັດ ທ່ານນາງ Hillary Rodham Clinton, ສົນທະນາກັບ ຄູ່ຕໍາແໜ່ງຈາກຣັດເຊຍ ທ່ານ Sergei Lavrov ເລື່ອງຊີເຣຍ ຢູ່ອົງການສະຫະປະຊາຊາດ ທີ່ນະຄອນນິວຢອກ, ວັນຈັນ ທີ 12 ມີນາ 2012. (AP Photo/Richard Drew)

“ທໍາ​ອິດ​ແລະກ່ອນ​ອື່ນ​ໝົດ ຈະ​
ຕ້ອງ​ມີ​ການ​ຍຸດຕິ​ຄວາມ​ຮຸນ​ແຮງ​
ນີ້ ​ໂດຍ​ອໍານາດ​ປົກຄອງ​ຊີ​ເຣຍ
ຫລັງ​ຈາກ​ນັ້ນ​ ພວກ​ເຮົາສາມາດ
ຫັນ​ໄປ​ຖາມຄົນ​ອື່ນໆວ່າ ຜູ້​ໃດ
​ບໍ່​ຕ້ອງການ​ປ້ອງ​ກັນ​ຕົນ​ເອງ​
ອີກ​ແລ້ວ ​ເພາະວ່າພວກ​ເຮົາ​ຈະ
​ຢູ່​ໃນ​ຂັ້ນ​ຕອນ​ດ້ານ​ການ​ເມືອງ ​
ເພື່ອ​ຍຸດຕິ​ການ​ໃຊ້​ຄວາມຮຸນ​
ແຮງ​ຕໍ່​ກັນ​ແລະ​ກັນ​ນັ້ນ.”

ທ່ານ Sergei Lavrov ຄູ່​ຕໍາ
​ແໜ່​ງຝ່າຍຣັດ​ເຊຍ ຂອງ​ທ່ານ
​ນາງ​ຄລິນຕັນເຫັນ​ດີ​ນໍາທີ່​ວ່າ
ພວກ​ເຈົ້າ​ໜ້າ​ທີ່ຊີ​ເຣຍມີ​ສ່ວນ
​ຮັບຜິດຊອບ​ຢ່າງ​ຫຼວງຫລາຍ
​ໃນ​ເລື້ອງ​ນີ້ ​ແຕ່​ທ່ານ Lavrov
ຢືນ​ຢັດ​ວ່າ ພວກ​ກຸ່ມປະກອບ​
ອາວຸດ​ຕ່າງໆ​ຂອງ​ຝ່າຍ​ຄ້ານ​ຊີ​ເຣຍ ກໍ​ມີ​ສ່ວນ​ຮັບຜິດຊອບ​ເຊ່ນກັນ​ໃນ​ວິ​ກິດ​ການ​ນີ້ ​ແລະ​ວ່າ
ສະພາ​ຄວາມ​ໝັ້ນຄົງ​ຈະ​ຕ້ອງ​ທໍາ​ການເຄື່ອນ​ໄຫວ​ໂດຍ​ບໍ່​ມີ​ການວາງ​ການ​ຕັດສິນ​ໃດໆ​ລ່ວງ
​ໜ້າ​ໃນ​ການ​ແກ້​ໄຂ​ບັນຫາ​ນີ້.

ເບິ່ງວີດີໂອລາຍງານຈາກພວກທະຫານຊີເຣຍທີ່ໂຕນໜີ ທີ່ເລົ່າເຖິງຄວາມໂຫດຮ້າຍ
ປ່າເຖື່ອນ ຂອງກໍາລັງຝ່າຍລັດຖະບານ:

XS
SM
MD
LG