ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

​ຊາວປາແລສໄຕນ໌ ຫຼາຍເຖິງ ນຶ່ງໝື່ນຄົນ ຫາຍສາບສູນ


ລົດຖົງຂອງຊີເຮຍ ເຂົ້າປະຈໍາການຢູ່ເລາະແຄມຝັ່ງເມືອງລາຕາເກຍ, ວັນທີ 14 ສິງຫາ 2011. (Shaam News Network (SHAMSNN).
ລົດຖົງຂອງຊີເຮຍ ເຂົ້າປະຈໍາການຢູ່ເລາະແຄມຝັ່ງເມືອງລາຕາເກຍ, ວັນທີ 14 ສິງຫາ 2011. (Shaam News Network (SHAMSNN).

ພະແນກການນຶ່ງຂອງອົງການສະຫະປະຊາຊາດ ກ່າວວ່າ ມີຊາວປາແລສໄຕນ໌ ຫຼາຍ ເຖິງນຶ່ງໝື່ນຄົນໄດ້ຫາຍສາບສູນໄປ ລຸນຫຼັງທີ່ໄດ້ຫຼົບໜີໄປຈາກສູນອົບພະຍົບແຫ່ງນຶ່ງ
ທີ່ເມືອງທ່າ Latakia ຂອງຊີເຣຍ ບ່ອນທີ່ກຳລັງຮັກສາຄວາມສະຫງົບຂອງລັດຖະບານ
ໄດ້ທຳການໂຈມຕີຢ່າງຮ້າຍແຮງມາໄດ້ຫຼາຍມື້ແລ້ວນັ້ນ.

ໂຄສົກຂອງໜ່ວຍພະແນກຊ່ອຍເຫຼືອບັນເທົາທຸກແລະປະຕິບັດງານຂອງອົງການສະຫະ
ປະຊາຊາດ ທ່ານ Christopher Gunness ກ່າວຕໍ່ VOA ໃນວັນອັງຄານມື້ນີ້ວ່າ
ພວກ ອົບພະຍົບໄດ້ຫຼົບໜີອອກຈາກສູນໃນວັນຈັນວານນີ້ ທ່າມກາງການຍິງໂຈມຕີຢ່າງ
ໜັກ ແລະເວລານີ້ ຍັງບໍ່ຮູ້ຈັກວ່າພວກເຂົາເຈົ້າໄປຢູ່ໃສແທ້.

ທ່ານໄດ້ຂໍຮ້ອງໃຫ້ພະແນກການດັ່ງກ່າວຂອງສະຫະປະຊາຊາດເຂົ້າໄປປະຕິບັດງານແບບ
ສຸກເສີນຢູ່ໃນສູນ ທີ່ສາມາດໃຫ້ບໍລິການດ້ານສຸກສາລາ ໂຮງຮຽນແລະ ໂຄງການຕ່າງໆ
ສຳລັບເຍົາວະຊົນແລະວ່າ ພວກພະນັກງານດ້ານມະນຸດສະທໍາ ນັ້ນມີຄວາມຈໍາເປັນທີ່
ຈະໃຫ້ການປິ່ນປົວພວກຄົນປ່ວຍ ພວກຄົນເຈັບໃກ້ຈະຕາຍແລະພວກທີ່ຂາດເຂີນຕ້ອງ
ການຄວາມຊ່ອຍເຫຼືອຢ່າງເປັນທີ່ສຸດນັ້ນ.

ພະແນກການດັ່ງກ່າວ ຍັງບໍ່ໄດ້ຮັບຄໍາຕອບກ່ຽວກັບການຮ້ອງຮຽນນັ້ນເທື່ອ ແຕ່ທ່ານ​
Gunness ຫວັງວ່າ ຄົງຈະໄດ້ຮັບຄໍາຕອບອີກໃນມື້ ສອງມື້ຂ້າງໜ້ານີ້.

ພວກນັກເຄື່ອນໄຫວລາຍງານວ່າ ໄດ້ຍິນສຽງປືນຍິງໂຈມຕີຢ່າງໜັກ ຕໍ່ເມືອງ Latakia ຊຶ່ງເປັນການຍິງໂຈມຕີພວກຕໍ່ຕ້ານລັດຖະບານເປັນມື້ທີ 4 ຢູ່ທີ່ນັ້ນ.

ພວກນັກເຄື່ອນໄຫວກ່າວວ່າ ກຳລັງຮັກສາຄວາມສະຫງົບໄດ້ສັງຫານໄດ້ສັງຫານປະຊາ
ຊົນຢ່າງນ້ອຍ 30 ຄົນ ນັບແຕ່ມື້ວັນເສົາແລ້ວເປັນຕົ້ນມາ.



XS
SM
MD
LG