ກຸ່ມສິດທິມະນຸດກຸ່ມນຶ່ງກ່າວວ່າ ຊີເຣຍໄດ້ຍົກຍ້າຍພວກນັກໂທດໄປຢູ່ໃນສະຖານທີ່ຄຸມຂັງ
ຂອງທະຫານ ເພື່ອຈະຊຸກເຊຶ່ອງພວກນັກໂທດໃຫ້ພົ້ນສາຍຕາຂອງພວກນັກສັງເກດການ
ຈາກສັນນິບາດຊາດອາຫຣັບ ຊຶ່ງກໍາລັງ ຢ້ຽມຢາມຊີເຣຍຢູ່ໃນຂະນະນີ້.ກຸ່ມສິ້ງຊອມສິດທິ
ມະນຸດ ທີ່ມີສໍານັກງານໃຫຍ່ຢູ່ທີ່ນີວຢ໊ອກ ກ່າວວ່າ ສັນນິ ບາດຊາດອາຫຣັບຄວນຈະຢືນ
ຢັດໃນການຂໍເຂົ້າຫາເຂົ້າເຖິງສະຖານທີ່ກັກຂັງຕ່າງໆນັ້ນ ແລະຈະຕ້ອງກ້າເວົ້າອອກມາ
ໂລດ ເມື່ອເຫັນວ່າ ຊີເຣຍກີດກັນບໍ່ໃຫ້ພວກນັກສັງເກດການປະຕິບັດພາລະກິດຂອງພວກ
ເຂົາເຈົ້າ.
ກຸ່ມສິ້ງຊອມສິດທິມະນຸດນີ້ກ່າວອີກວ່າ ບາງທີພວກນັກໂທດຈໍານວນຫລາຍ ຮ້ອຍຄົນນັ້ນ
ໄດ້ຖືກຍົກຍ້າຍບໍ່ດົນກ່ອນພວກນັກສັງເກດການຈະເດີນທາງ ໄປເຖິງຊີເຣຍ ທີ່ກໍາລັງປະຕິ
ບັດງານສັງເກດການເບິ່ງລັດຖະບານຊີເຣຍ ຕາມທີ່ໄດ້ຮັບປາກວ່າ ຈະຖອນທະຫານ ປ່ອຍ
ພວກນັກໂທດການເມືອງ ແລະຍຸຕິການກໍ່ຄວາມຮຸນແຮງຕໍ່ພວກປະທ້ວງນັ້ນ.
ຫົວໜ້າສັງເກດການຂອງສັນນິບາດຊາດອາຣັບໃນຊີເຣຍ ນາຍພົນ Mohammed Dabi
ແຫ່ງຊູດານກ່າວໃນມື້ວັນພຸດວານນີ້ວ່າ ພວກ ນັກສັງເກດການຈະໄປຢ້ຽມເບິ່ງ 3 ເຂດໃໝ່
ຮວມທັງເມືອງ Hama, Idlib ແລະ Daraa.
ການໄປຢ້ຽມຢາມເຫຼົ່ານີ້ມີຂຶ້ນຫຼັງຈາກພວກນັກສັງເກດການຂອງສັນນິບາດຊາດອາຫຣັບ
ໄດ້ໄປຢ້ຽມຢາມເມືອງ Hom ເມື່ອວັນອັງຄານວານນີ້ ບ່ອນທີ່ພວກກໍາລັງຮັກສາຄວາມປອດ
ໄພຊີເຣຍ ໄດ້ຍິງລະເບີດນໍ້າຕາໃສ່ພວກປະທ້ວງເພື່ອໃຫ້ພວກເຂົາເຈົ້າສະຫລາຍຕົວນັ້ນ.
ກຸ່ມສັງເກດການສິດທິມະນຸດຊີເຣຍ ທີ່ມີສໍານັກງານໃຫຍ່ຢູ່ລອນດອນ ປະເທດອັງກິດ
ກ່າວວ່າ ພວກປະທ້ວງຕໍ່ຕ້ານລັດຖະບານປະມານ 70,000 ຄົນ ໄດ້ພາກັນຍ່າງໄປຍັງ
ໃຈກາງເມືອງ ເວລາພວກກໍາລັງຮັກສາຄວາມ ປອດໄພປະເຊີນໜ້າພວກເຂົາເຈົ້ານັ້ນ.
ພວກເດີນຂະບວນປະທ້ວງຮ້ອງໂຮ ໃຫ້ປະຫານຊີວິດປະທານາທິບໍດີ Bashar
al-AssadD
ກຸ່ມສັງເກດການສິດທິມະນຸດຊີເຣຍ ຢືນຢັນຮູບຖ່າຍວີດີໂອທີ່ເຫັນພວກກໍາລັງທະຫານ
ລັດຖະບານຍິງປືນລູກປືນແທ້ໃສ່ພວກເດີນຂະບວນ ປະທ້ວງທີ່ເມືອງ Homs. ແລະ
ເວົ້າອີກວ່າມີຫົກຄົນຖືກຂ້າຕາຍທີ່ເມືອງ Homs ເມື່ອວັນອັງຄານວານນີ້ ໃນຈໍານວນ
ເສຍຊີວິດ 15 ຄົນ ທີ່ກ່ຽວ ພັນກັບການປະທ້ວງໃນທົ່ວປະເທດນັ້ນ.
ພວກນັກເຄື່ອນໄຫວກ່າວວ່າ ຄວາມຮຸນແຮງຍັງດຳເນີນຢູ່ຕໍ່ມາໃນວັນພຸດມື້ນີ້ ໂດຍພວກ
ທະຫານທີ່ໂຕນທັບໄດສັງຫານທະຫານລັດຖະບານຊີເຣຍ ຢ່າງນ້ອຍ 4 ຄົນ ແລະບາດ
ເຈັບອີກ 12 ຄົນທີ່ແຂວງ Daraa.
