ພວກນັກເຄື່ອນໄຫວດ້ານສິດທິມະນຸດຂອງຊີເຣຍກ່າວວ່າ ກໍາລັງຮັກສາຄວາມປອດໄພໄດ້
ສັງຫານ 11 ຄົນ ແລະເຮັດໃຫ້ບາດເຈັບອີກຫລາຍສິບຄົນໃນເຂດພາກຕາເວັນຕົກສຽງ
ເໜືອຂອງຊີເຣຍ ໃນຂະນະທີ່ອົງການສະຫະປະຊາຊາດກ່າວວ່າ ຜູ້ຄົນລົ້ມຕາຍຈາກຄວາມ
ບໍ່ສະຫງົບໃນໄລຍະ ຫຼາຍເດືອນຜ່ານມາຂອງປະເທດນັ້ນ ມີຈໍານວນສູງສຸດເຖິງ 5,000
ຄົນແລ້ວ.
ກຸ່ມສິ້ງຊອມສິດທິມະນຸດຊີເຣຍ ທີ່ມີສໍານັກງານໃຫຍ່ຢູ່ນະຄອນຫລວງລອນດອນຂອງອັງ
ກິດ ກ່າວເມື່ອວັນອັງຄານມື້ນີ້ວ່າ ການເຂັ່ນຂ້າຄັ້ງລ່າສຸດນັ້ນ ແມ່ນເກີດຂຶ້ນທີ່ແຂວງ Idlib
ຊຶ່ງເປັນເຂດທີ່ມີຄວາມວຸ້ນວາຍຕະ ຫລອດມາ ທີ່ຕັ້ງຢູ່ຕິດຊາຍແດນກັບເທີກີນັ້ນ.
ທ່ານນາງ Navi Pillay ຫົວໜ້າສະພາສິດທິມະນຸດອົງການສະຫະປະຊາຊາດ ກ່າວເມື່ອ
ວັນຈັນວານນີ້ວ່າ ຫ້ອງການຂອງທ່ານນາງ ໄດ້ຮັບ ລາຍງານທີ່ເຊື່ອຖືໄດ້ຈາກແຫລ່ງຂ່າວ
ຕ່າງໆ ທີ່ຊີ້ແນະວ່າ ຈໍານວນຜູ້ເສຍ ຊີວິດນັບຕັ້ງແຕ່ການກໍ່ຄວາມບໍ່ສະຫງົບເລິ່ມຕົ້ນຂຶ້ນ
ນເດືອນມີນາຜ່ານມາ ນັ້ນອາດເກີນກວ່າ 5,000 ຄົນ. ທ່ານນາງ ໄດ້ອອກຖະແຫລງການ
ນີ້ບໍ່ດົນຫລັງຈາກກອງປະຊຸມບັ້ນນຶ່ງກັບພວກຜູ້ຕ່າງໜ້າສະພາຄວາມໝັ້ນຄົງອົງການສະ
ຫະປະຊາຊາດທີ່ນີວຢ໊ອກ ບ່ອນທີ່ທ່ານນາງເວົ້າວ່າ ທ່ານນາງ ກ່າວວ່າ ຄວາມຮຸນແຮງດັ່ງ
ກ່າວຄວນຈະຖືກກວດກາໂດຍສານອາຍານາໆ ຊາດ.
ນອກນີ້ແລ້ວທ່ານນາງ Pillay ຍັງໄດ້ຕັກເຕືອນອີກວ່າ ແຫລ່ງຂ່າວຕ່າງໆຢ້ານກົວວ່າ
ອາດຈະມີການໂຈມຕີຄັ້ງໃຫຍ່ທີ່ເມືອງ Hom ຊຶ່ງເປັນຈຸດແຫ່ງຄວາມຮຸນແຮງນັ້ນໃນໄວໆນີ້.
ໃນຂະນະດຽວກັນ ອົງການຂ່າງ SANA ຂອງທາງການຊີເຣຍ ເວົ້າເມື່ອວັນອັງຄານມື້ນີ້ວ່າ
າລັງທະຫານຊາຍແດນ ໄດ້ເກີດປະທະກັນກັບກຸ່ມກໍ່ການຮ້າຍທີ່ມີ 15 ຄົນ ທີ່ພະຍາຍາມ
ເລັດລອດເຂົ້າໄປຍັງຊີເຣຍ ຈາກປະເທດເທີກີ ທີ່ຍັງຜົນໃຫ້ພວກກໍ່ການຮ້າຍດັ່ງກ່າວເສຍ
ຊີວິດ 2 ຄົນ.
