ຊີເຣຍກ່າວວ່າຕົນໄດ້ຕອບໄປໃນທາງບວກ ຕໍ່ຄໍາຮຽກຮ້ອງຂອງສັນນິບາດຊາດອາຫຣັບ
ທີ່ທວງໃຫ້ຊີເຣຍອະນຸຍາດໃຫ້ພວກນັກສັງເກດການເຂົ້າໄປໃນຊີເຣຍ ເພື່ອພິສູດຄໍາໝັ້ນ
ສັນຍາຂອງປະທານາທິບໍດີ Bashir al-Assad ທີ່ຈະຍຸຕິການກວາດລ້າງຢ່າງນອງເລືອດ
ຕໍ່ການລຸກຮືຂຶ້ນເພື່ອປະຊາທິປະໄຕນັ້ນ.
ທ່ານ Jihad Makdissi ໂຄສົກກະຊວງຕ່າງປະເທດຊີເຣຍ ກ່າວໃນວັນຈັນມື້ນີ້ວ່າລັດຖະ
ບານຊີເຣຍໄດ້ໃຫ້ຄໍາຕອບໄປໃນຈົດໝາຍທີ່ສົ່ງເຖິງທ່ານ Nabil Elaraby ຫົວໜ້າສັນນິ
ບາດຊາດອາຫຣັບ ໃນເມື່ອຕອນແລງວັນອາທິດວານນີ້. ສັນນິບາດໄດ້ທວງໃຫ້ຊີເຣຍອະນຸ
ຍາດໃຫ້ພວກນັກສັງເກດການຈາກຄ້າຍສັນນິບາດ ເຂົ້າປະເທດພາຍໃນວັນອາທິດວານນີ້
ຖ້າບໍ່ດັ່ງນັ້ນຈະຖືກລົງໂທດບັ້ນໃໝ່. ຍັງບໍ່ມີຄໍາເຫັນໃນທັນທີນີ້ເທື່ອກ່ຽວກັບຈົດໝາຍຂອງ
ຊີເຣຍ ຈາກກຸ່ມຈັດຕັ້ງປະຈໍາຂົງເຂດທີ່ມີສະມາຊິກ 22 ປະເທດນັ້ນ.
ສັນນິບາດຊາດອາຫຣັບ ໄດ້ໂຈະການເປັນສະມາຊິກຂອງຊີເຣຍໄວ້ ແລະ ອະນຸມັດການລົງ
ໂທດຫລາຍບັ້ນເມື່ອເດືອນຜ່ານມາ ໃນການຕອບໂຕ້ຕໍ່ ການຂັດຂືນຂອງຊີເຣຍ ຕໍ່ຄໍາຂາດ
ຊຸດກ່ອນທີ່ໃຫ້ຮັບເອົາພວກນັກສັງເກດການ ຍຸດຕິການກວາດລ້າງ ແລະໃຫ້ເລິ່ມໂອ້ລົມສົນ
ທະນາກັບພວກຝ່າຍ ຄ້ານນັ້ນ. ຊີເຣຍໄດ້ຈົ່ມວ່າ ຄະນະນັກສັງເກດການທີ່ມີຈໍານວນຫລາຍ
ຄົນນັ້ນ ຈະບ່ອນທໍາລາຍອະທິປະໄຕຂອງຕົນ.
ການລົງໂທດຕ່າງໆ ແມ່ນມີໂຮມທັງຫ້າມບໍ່ໃຫ້ເດີນທາງ ແລະກັກຊັບສິນ ຂອງພວກຜູ້ນໍາຊີ
ເຣຍ. ຄະນະລັດຖະມົນຕີສັນນິບາດຊາດອາຫຣັບທີ່ໄດ້ ພົບປະກັນທີ່ໂດຮາເມື່ອວັນເສົາ
ຜ່ານມານີ້ ໄດ້ເຫັນພ້ອມກັນທີ່ນໍາໃຊ້ການລົງໂທດຕໍ່ພວກເຈົ້າໜ້າທີ່ຊີເຣຍ 19 ຄົນ ໂຮມທັງ
ນ້ອງຊາຍຂອງປະທາ ນາທິບໍດີ Assad ທ່ານ Maher ທີ່ເປັນຜູ້ບັງຄັບກອງພົນນຶ່ງທີ່ມີອໍາ
ນາດທີ່ສຸດຂອງຊີເຣຍນັ້ນນໍາ.
ພວກນັກເຄຶ່ອນໄຫວດ້ານສິດທິຊີເຣຍກ່າວວ່ ກໍາລັງຂອງລັດຖະບານຊີເຣຍ ໄດ້ສັງຫານຜູ້
ຄົນໄປແລ້ວຢ່າງໜ້ອຍ 35 ຄົນ ໃນລະຫວ່າງການໂຈມຕີ ຫລາຍໆບັ້ນຕໍ່ພວກຊາວເມືອງ
ໃນເມືອງຕ່າງໆທີ່ເປັນສູນກາງປະທ້ວງ ແລະໃນການສູ້ລົບກັບພວກທະຫານໂຕນໜີ.
ພວກນັກເຄຶ່ອນໄຫວກ່າວອີກວ່າ ການເຂັ່ນຂ້າສ່ວນໃຫຍ່ ແມ່ນເກີດຂຶ້ນທີ່ເມືອງ Homs
ທີ່ຕັ້ງຢູ່ພາກກາງຂອງປະເທດ ແລະເປັນສູນກາງໃຫຍ່ຂອງການລຸກຮືມາເປັນເວລາເກົ້າ
ເດືອນແລ້ວນັ້ນ. ບໍ່ມີການຢືນຢັນຈາກແຫລ່ງຂ່າວອິດສະຫລະໃດໆກ່ຽວກັບ ຈໍານວນຜູ້
ບາດເຈັບລົ້ມຕາຍ.
