ເມື່ອວັນເສົາວານນີ້ ສັນນິບາດຊາດອາຫຣັບ ໄດ້ກັກຊັບສິນຂອງພວກເຈົ້າໜ້າທີ່ສູງສຸດຊີ
ເຣຍ 19 ຄົນແລະຫ້າມພວກເຂົາເຈົ້າເດີນທາງໄປຍັງພວກປະເທດສັນນິບາດຊາດອາຫຣັບ
ຫລັງຈາກປະຊຸມກັນຢູ່ໂດຮາ ທ່ານ Sheik Hamad bin Jassim al-Thani ລັດຖະມົນ
ຕີຕ່າງປະເທດຄາຕາ ຊຶ່ງເປັນປະທານຄະນະກໍາມະ ການດໍາເນີນການສ້າງສັນຕິພາບຂອງ
ສັນນິບາດຊາດອາຫຣັບ ກ່າວວ່າ ຄະນະກໍາມະການຍັງໄດ້ໃຫ້ເວລາແກ່ດາມັສກັສ ຈົນເຖິງ
ວັນອາທິດມື້ນີ້ ເພື່ອໃຫ້ເດີນທາງໄປໂດຮາແລະເຊັນຂໍ້ຕົກລົງເພື່ອຍຸຕິການກວາດລ້າງພວກ
ປະທ້ວງ ໂດຍຝ່າຍທະຫານຂອງລັດຖະບານຊີເຣຍນັ້ນ.
ນອກນັ້ນ ໃນວັນເສົາວານນີ້ ມີພວກນັກເຄຶ່ອນໄຫວຢ່າງໜ້ອຍ 23 ຄົນເສຍຊີວິດໃນເຫດ
ການກໍ່ຄວາມບໍ່ສະຫງົບຕໍ່ຕ້ານລັດຖະບານຢູ່ທົ່ວຊີເຣຍ ໂຮມທັງການປະທະກັນຢ່າງຮຸນ
ແຮງຫລາຍໆບັ້ນ ລະຫວ່າງກໍາລັງຂອງ ລັດຖະບານ ແລະທະຫານກະບົດ ໃນແຂວງ
Idlib ທາງພາກເໜືອຂອງປະເທດ. ພວກເຫັນເຫດການກ່າວວ່າ ການສູ້ລົບການຫລາຍໆ
ບັ້ນ ໄດ້ໜັກໜ່ວງຂຶ້ນອີກໃນບໍ່ເທົ່າໃດມື້ຜ່ານມາບໍ່ດົນນີ້ ໃນຂະນະພວກທະຫານຫລາຍຄົນ
ຕື່ມອີກ ພາກັນໂຕນໜີຈາກກອງທັບລັດຖະບານ.
ການສູ້ລົບກັນບັ້ນລ່າສຸດ ແມ່ນມີຂຶ້ນມື້ນຶ່ງຫລັງວຈາກສະພາສິດທິມະນຸດຂອງອົງການສະຫະ
ປະຊາຊາດ ໄດ້ລົງຄະແນນສຽງປະນາມລັດຖະບານຊີເຣຍ ທີ່ໄດ້ທໍາການຝ່າຝືນສິດທິມະນຸດ
ຢ່າງສິ້ນເຊີງແລະຢ່າງມິລະບົບ ທີ່ອາດສາມາດເອົາໄປເຊຶ່ອມໂຍງໃສ່ກັບການກວາດລ້າງຂອງ
ລັດຖະບານຕໍ່ພວກທີ່ບໍ່ພໍໃຈລັດຖະບານໄດ້ນັ້ນ. ອົງກອນດັ່ງກ່າວຂອງອົງການສະຫະປະຊາ
ຊາດ ຍັງເຫັນພ້ອມກັນທີ່ຈະແຕ່ງຕັ້ງນັກສືບສວນສອບສວນພິເສດ ເພື່ອຕິດຕາມເບິ່ງການຝ່າ
ຝືນສິດທິມະນຸດຢູ່ໃນຊີເຣຍ.
ແຕ່ກະຊວງຕ່າງປະເທດຊີເຣຍບໍ່ຮັບຮູ້ມະຕິດັ່ງກ່າວຂອງອົງການສະຫະປະ ຊາຊາດ ແລະກ່າວ
ຫາສະພາສິດທະມະນຸດສະຫະປະຊາຊາດວ່າ ເຮັດໃຫ້ເລື່ອງນີ້ເປັນເລື່ອງການເມືອງຢ່າງໂຈ່ງ
ແຈ້ງ. ສື່ຂອງລັດຊີເຣຍ ໄດ້ອ້າງເອົາຄໍາເວົ້າຂອງເຈົ້າໜ້າທີ່ກະຊວງຕ່າງປະເທດຊີເຣຍຄົນນຶ່ງ
ທີ່ກ່າວວ່າ ສະພາສິດທິມະນຸດໄດ້ເມີນເສີຍຢ່າງຈົງໃຈ ຕໍ່ເອກະສານຕ່າງໆຈາກລັດຖະບານຊີ
ເຣຍ ທີ່ແຈ້ງຄວາມເປັນຈິງໄປແລ້ວນັ້ນ.
ທີ່ນະຄອນອີສຕັນບູນ ເມື່ອວັນເສົາວານນີ້ ຮອງປະທານາທິບໍດີສະຫະລັດ ທ່ານ ໂຈ ບາຍ
ເດັນ ທີ່ກໍາລັງຢ້ຽມຢາມເທີກີຢູ່ນັ້ນ ໄດ້ຍ້ອງຍໍເທີກີ ທີ່ໄດ້ເອົາບາດກ້າວເພື່ອແກ້ໄຂບັນຫາ
ການປາມປາມຢູ່ໃນຊີເຣຍ. ພ້ອມນີ້ ທ່ານ ໂຈ ບາຍເດັນ ຍັງໄດ້ສົມທົບກັບພວກຜູ້ນໍາໂລກ
ຄົນອື່ນໆ ຮຽກຮ້ອງໃຫ້ປະທານາທິບໍດີຊີເຣຍ ທ່ານ Bashar al-Assad ລາອອກ.
