ລິ້ງ ສຳຫລັບເຂົ້າຫາ

ຊີເຣຍ ຈະເຄົາລົບ ຂໍ້ຕົກລົງຢຸດຍິງ ກັບພວກກະບົດ (ເບິ່ງວີດີໂອ)

  • ສິງ ບູຣົມມະວົງ

ທ່ານໂກຟີ ອັນນັນ ທູດພິເສດສະຫະປະຊາຊາດ. ວັນທີ 10 ເມສາ 2012.

















ທ່ານ​ໂກ​ຟີ ອັນນັນ ທູດ​ພິ​ເສດ​ສະຫະ​ປະຊາ​ຊາດ​ກ່າວ​ວ່າ ລັດຖະບານຊີ​ເຣຍ​ໃຫ້​ຄວາມ​ໝັ້ນ​ໃຈ​ຕໍ່​ທ່ານ​ວ່າ ຕົນ​ຈະ​ເຄົາລົບ​ນັບຖື​ຂໍ້​ຕົກລົງ​ຢຸດ​ຍິງກັບ​ກໍາລັງ​ຝ່າຍ​ກະບົດ​ໃນ​ເວລາ​ບໍ່​ຮອດ 24 ຊົ່ວ​ໂມງ ​ກ່ອນ​ກໍາ​ນົດ​ເສ້ນ​ຕາຍ​ເພື່ອ​ຍຸດຕິ​ການ​ເປັນ​ປໍ​ລະ​ປັກ​ກັນ​ນັ້ນ.

ທ່ານ​ອັນນັນ ກ່າວ​ວ່າ ທ່ານ​ໄດ້​ທໍາ​ການ​ຕິດ​ຕໍ່​ພົວພັນ ​ກັບ​ພວກ​ລັດຖະບານ​ປະ​ເທດ​ທີ່​ມີ​ອິດ​ທິພົນ​ເພື່ອ​ຮັບປະກັນ​ໃຫ້​ທຸກ​ພັກ​ຝ່າຍ​ເຄົາລົບ​ນັບຖື ​ເສ້ນ​ຕາຍ​ຂອງ​ການ​ຢຸດ​ຍິງ​ກັນ​ນັ້ນ ທີ່​ໄດ້​ກໍານົດ​ໃສ່​ເວລາ 6:oo ​ໂມງ​ເຊົ້າ​ຂອງວັນ​ພະຫັດ​ມື້​ອື່ນ​ນີ້​ ຕາມ​ເວລາ​ໃນ​ຊີ​ເຣຍ.

ທ່ານ​ອັນ​ນັນໄດ້​ຖະ​ແຫຼງ​ຕໍ່​ບັນດາ​ນັກ​ຂ່າວໃນ​ວັນ​ພຸດ​ມື້​ນີ້ ຫຼັງ​ຈາກໄດ້ໂອ້​ລົມ​ສົນທະນາ​ກັບ​ທ່ານ Ali Akbar Salehi ລັດຖະມົນຕີ​ຕ່າງປະ​ເທດ​ອີຣ່ານ​ໃນ​ກຸງ​ເຕຫະຣ່ານບ່ອນ​ທີ່​ທ່ານ​ອັນ​ນັນ​ໄດ້​ຮຽກຮ້ອງໃຫ້ພັນທະ​ມິດ​ທີ່​ສໍາຄັນ​ຂອງ​ຊີ​ເຣຍ ​ຊ່ອຍ​ຍຸຕິຄວາມ​ຮຸນ​ແຮງ​ທີ່​ກໍາລັງ​ທໍາລາຍ ຊີ​ເຣຍຢູ່​ໃນ​ເວລາ​ນີ້. ທ່ານ​ອັນ​ນັນ​ກ່າວ​ຕື່ມ​ວ່າ ທ່ານ Salehi ​ໄດ້​ໃຫ້ ການ​ສະໜັບສະໜຸນ​ແຜນການ​ສັນຕິພາບ 6 ຂໍ້​ຂອງ​ທ່ານແລະ​ຕົກລົງເຫັນ​ດີ​ວ່າ ມັນ​ສາມາດ​ສ້າງ​ຜົນ​ກະທົບຮ້າຍ​ແຮງທີ່​ບໍ່​ຄາດ​ຄິດ​ໄດ້ ຖ້າ​ຫາກ​ມີ​ຄວາມ​ຜິດພາດ​ໃດໆ​ເກີດ​ຂຶ້ນ​ໃນ​ຊີ​ເຣຍ​ເນື່ອງ​ຈາກ​ສະຖານ​ທີ່ຕັ້ງ​ດ້ານພູມສາດ​ຂອງ​ປະ​ເທດ​ທີ່ຢູ່​ໃນ​ເຂດ​ໃຈ​ກາງຂອງ​ໂລກ​ອາຣັບນັ້ນ.

ຢູ່​ໃນ​ສານ​ສະບັບ​ນຶ່ງ​ທີ່​ສົ່ງ​ໄປ​ຍັງ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດໃນ​ວັນ​ອັງຄານ​ວານ​ນີ້
ທ່ານ​ອັນ​ນັນ​ໄດ້​ໂຕ້​ແຍ່ງ​ ຕໍ່​ການ​ກ່າວ​ອ້າງ​ຂອງ ກຸງ​ດາ​ມັສກັສ ທີ່​ວ່າ ຕົນ​ກໍາລັງ​ຖອນ​ທະ
ຫານ​ຂອງ​ຕົນ​ອອກ​ຈາກ​ຫຼາຍຫົວ​ເມືອງ​ນັ້ນ. ທ່ານ​ອັນ​ນັນ ​ໄດ້​ຮຽກຮ້ອງ​ໃຫ້​ຝ່າຍ​ຄ້ານຮັກ
ສາ​ຄໍາ​ໝັ້ນສັນຍາຂອງ​ຕົນ​ທີ່​ຈະຢຸດເຊົາ​ການ​ສູ້​ລົບ​ກັນນັ້ນ ​ແລະ​ຮຽກຮ້ອງ​ໃຫ້​ພວກປະ​ເທດ
ຕ່າງໆທີ່​ມີອິດ​ທິພົນ​ກັບ​ຊີ​ເຣຍ​ໃຫ້​ຊ່ອຍ​ຍຸຕິ​ບັນຫາ​ຂັດ​ແຍ່ງ​ກັນ​ນີ້.

ພວກ​ສະມາຊິກ​ສະພາ​ຄວາມ​ໝັ້ນຄົງ​ສະຫະ​ປະຊາ​ດ ໄດ້​ສະ​ແດງ​ຄວາມເປັນ​ຫ່ວງ​ກັງວົນ
ຢ່າງເລິກ​ເຊິ່ງອອກ​ມາ​ເຊ່ນ​ກັນ​ ກ່ຽວ​ກັບ​ລະດັບຂອງຄວາມ​ໝາຍ​ໝັ້ນ​ຕໍ່​ການ​ຢຸດ​ຍິງ​ຂອງ​
ລັດຖະບານ​ຊີ​ເຣຍ ​ທີ່ໄດ້​ສະ​ແດງໃຫ້ເຫັນ​ນັ້ນ.

XS
SM
MD
LG