ເທີ​ກີສັ່ງ​ກັກ​ຊັບ​ສິນ​ ຂອງພວກ​ຜູ້​ນໍາຊີເຣຍ

ປະ​ເທດ​ເທີ​ກີ​ກ່າວ​ວ່າ ຕົນ​ກໍາລັງ​ກັກ​ຊັບ​ສິນ​ຂອງ​ພວກ​ຜູ້​ນໍາຊີເຣຍແລະ​ເອົາ​ບາດ​ອື່ນໆ​ອີກ
ເພື່ອ​ກົດ​ດັນ​ໃຫ້​ພວກ​ເຂົາ​ເຈົ້າຢຸດ​ເຊົາ​ການ​ກວາດ​ລ້າງຢ່າງ​ນອງ​ເລືອດຂອງ​ລັດຖະບານ ຕໍ່​
ການ​ລຸກ​ຮືຂຶ້ນເພື່ອ​ປະຊາທິປະ​ໄຕ ທີ່ດຳເນີນ​ມາ​ໄດ້​ແປ​ດ​ເດືອນ ແລ້ວ​ນັ້ນ.

ທ່ານ Ahmet Davutoglu ລັດຖະມົນຕີ​ຕ່າງປະ​ເທດ​ເທີ​ກີ​ປະກາດ​ການ​ລົງ​ໂທດ​ນີ້ ​ໃນ​ກອງ
ປະຊຸມຖະແຫຼງຂ່າວເມື່ອ​ວັນ​ພຸດ​ມື້​ນີ້. ມາດ​ຕະການ​ເຫລົ່າ​ນີ້​ມີ​ໂຮມ​ທັງ ຕັດ​ການ​ພົວພັນກັບ
ທະນາຄານ​ກາງຂອງ​ຊີ​ເຣຍ​ ​ຫ້າມ​ບໍ່​ໃຫ້​ນໍາ​ສົ່ງ​ອາວຸດ​ຍຸດ​ໂທ​ປະກອນ​ຕ່າງໆ​ໄປ​ຍັງ​ຊີ​ເຣຍ
ແລະ​ໂຈ​ະການປະຕິບັດສັນຍາ​ການ​ຮ່ວມ​ມື​ດ້ານ​ຍຸ​ທະ​ສາດ​ຂອງ​ສອງ​ປະ​ເທດ​ນັ້ນ​ໄວ້​ກ່ອນ.

ເທີກີເຄີຍເປັນປະເທດເພື່ອນມິດທີ່ໃກ້ຊິດຂອງລັດຖະບານປະທານາທິບໍດີ Bashar
al-Assad ກ່ອນເລີ່ມມີການລຸກຮືຂຶ້ນຂອງປະຊາຊົນໃນເດືອນ ມີນາຜ່ານມາ. ທ່ານ
Davutoglu ກ່າວວ່າ ອຳນາດການປົກຄອງຂອງຊີເຣຍໃນເວລານີ້ ແມ່ນມາຮອດຈຸດທີ່ເປັນ
ທາງຕັນແລ້ວ.

ການ​ຕັດສິນ​ໃຈ​ເພື່ອ​ໃຫ້​ມີ​ການ​ລົງ​ໂທດ​ຕໍ່​ຊີ​ເຣຍຂອງ​ເທີ​ກີ ມີຂຶ້ນ ຫຼັງຈາກການ​ອະນຸມັດ​ການ
ລົງ​ໂທດ​ຕ່າງໆ​ດ້ານ​ການ​ເງິນ​ແລະ​ການ​ເມືອງ​ແບບ​ທີ່ບໍ່ເຄີຍ​ມີ​ມາ​ກ່ອນ​ຕໍ່ດາ​ມັສກັສ ​ເມື່ອ​ວັນ
ອາທິດ​ຜ່ານ​ມາ. ມີ​ພຽງ​ແຕ່​ອີຣັກ ​ແລະ ​ເລ​ບາ​ນອນ ​ເທົ່າ​ນັ້ນ ທີ່​ປະຕິ​ເສດ​ບໍ່​ສະ​ໜັບສະ​ໜຸນ
ມາດ​ຕະການ​ເຫລົ່ານີ້ ທີ່​ປ່ອຍ​ໃຫ້ ລັດຖະບານ​ຊີ​ເຣຍຖືກ​ໂດດດ່ຽວ​ຢູ່​ໃນ​ຂົງ​ເຂດ​ເພີ່ມ​ຂຶ້ນນັບ​ມື້.

ທ່ານ Adnan Mahmoud ລັດຖະມົນຕີ​ກະຊວງ​ຖະ​ແຫລ​ງຂ່າວ​ຊີ​ເຣຍ ກ່າວ​ເມື່ອ​ວັນ​ອັງ
ຄານວານ​ນີ້​ວ່າ ຊີ​ເຣຍສາມາດ​ກຸ້ມ​ຕົນ​ເອງ​ໄດ້ ​ແລະ​ມີ​ອາ ຫານ​ສະ​ສົມ​ໄວ້​ຢ່າງ​ລົ້ນ​ເຫລືອ ​
ແລະ​ພ້ອມ​ດ້ວຍ​ສະບຽງເຄຶ່ອງໃຊ້​ທີ່ຈຳເປັນ ອື່ນໆ ​ເພື່ອຕ້ານຢັນກັບການ​ລົງ​ໂທດ​ນັ້ນ.