ລິ້ງ ສຳຫລັບເຂົ້າຫາ

ຊີເຣຍຍັງສືບຕໍ່ກວາດລ້າງ ພວກປະທ້ວງຢ່າງໜັກ

  • ທອງປານ ເທບວົງສາ

ລັດຖະບານຊີເຣຍສືບຕໍ່ ກວາດລ້າງພວກປະທ້ວງຢ່າງໜັກ

ກໍາລັງທະຫານຂອງຊີເຣຍສືບຕໍ່ກວາດລ້າງທົ່ວປະເທດ​ໃນວັນເສົາວານນີ້ ທີ່ມີລາຍງານວ່າ ມີຜູ້ເສຍຊີວິດເພີ່ມຂຶ້ນອີກຢ່າງໜ້ອຍຫ້າຄົນ.

ການກວາດລ້າງຢ່າງນອງເລືອດດັ່ງກ່າວ ມີຂຶ້ນໃນຂະນະທີ່ຄະນະກໍາມະການສາກົນຂອງ
ສະພາກາແດງ ມີກໍານົດທີ່ຈະພົບປະກັບປະທານາທິບໍດີ Bashar al-Assad ທີ່ນະຄອນ
ຫລວງດາມັສກັສ ​ໃນຕອນ​ແລງວັນເສົາວານນີ້ ແລະພ້ອມກັບການຫ້າມຊື້ນໍ້າມັນຈາກ​ຊີ​ເຣຍ ຂອງສະຫະພາບຢຸໂຣບ ເລີ່ມມີຜົນບັງຄັບໃຊ້ແລ້ວນັ້ນ.

ນອກນີ້ແລ້ວ ຄະນະລັດຖະມົນຕີຂອງສະຫະພາບຢຸໂຣບ ຍັງຕັກເຕືອນອີກວ່າ ພວກເຂົາ ເຈົ້າຈະພິຈາລະນາເອົາບາດກ້າວຕ້ານຊີເຣຍ ເພີ່ມຕື່ມອີກ.

ທ່ານ Sergei Lavrov ລັດຖະມົນຕີຕ່າງປະເທດຂອງຣັດເຊຍ ໄດ້ປະນາມການຕັດສິນໃຈ ຂອງສະຫະພາບຢຸໂຣບ ແລະກ່າວວ່າ ການລົງໂທດແຕ່ຝ່າຍດຽວ ຈະບໍ່ມີປະໂຫຍດຫຍັງ ແລະພຽງແຕ່ທໍາລາຍຄວາມເປັນພາຄີກັນຫລາຍກວ່າ. ແນວໃນກໍດີ ສະຫະລັດກ່າວວ່າ
ການຫ້າມດັ່ງກ່າວນັ້ນ ແມ່ນໄດ້ສົ່ງຂໍ້ຄວາມອັນເຂັ້ມແຂງໜັກ​ແໜ້ນ ໄປຍັງລັດຖະບານຂອງ ປະທານາທິບໍດີ Assad ເພື່ອ​ໃຫ້ຍຸຕິຄວາມຮຸນແຮງນັ້ນ.

ພວກນັກເຄື່ອນໄຫວຊາວຊີເຣຍກ່າວວ່າ ເມື່ອວັນເສົາວານນີ້ ກໍາລັງຮັກສາຄວາມປອດໄພ
​ໄດ້​ອອກຕາມລ່າຕົວທ່ານ Adnan Bakkour ລັດຖະມົນຕີກະຊວງຍຸຕິທໍາຂອງຊີເຣຍ ຜູ້ທີ່
​ໄດ້ກ່າວອອກມາ​ທາງວີດີໂອ ເມື່ອວັນພຸດຜ່ານມານີ້ວ່າ ທ່ານຈະລາອອກຈາກຕໍາແໜ່ງເພື່ອ ປະທ້ວງການກວາດລ້າງຂອງລັດຖະບານ. ແຕ່ລັດຖະບານຊີເຣຍກ່າວວ່າ ທ່ານ Bakkour
ຖືກລັກພາຕົວໄປ ແລະໄດ້ອອກຄໍາຖະແຫລງດັ່ງ​ກ່າວ ຍ້ອນຖືກບັງຄັບ.

ອີງຕາມຜູ້ເຫັນເຫດການທັງຫລາຍນັ້ນ ລົດຖັງຂອງຝ່າຍລັດຖະບານຍັງ​ໄດ້ເຄື່ອນໄປ​ໃນເມືອງ
Telkalakn ທີ່ຢູ່​ໃກ້ຊາຍແດນປະເທດເລບານອນ ໃນຂະນະທີ່ພວກໄວ້ອາ​ໄລໃນເມືອງ
Douma ເຂດຊານເມືອງຫລວງດາມັສກັສ ພາກັນຮ້ອງໂຮຄໍາຂວັນປະນາມການສັງຫານຜູ້ປະ
ທ້ວງໜຸ່ມຄົນນຶ່ງ ເມື່ອວັນສຸກຜ່ານມານີ້.

XS
SM
MD
LG