ກໍາລັງທະຫານຝ່າຍລັດຖະບານ ແລະຝ່າຍກະບົດຍັງສືບຕໍ່ປະທະກັນຢູ່ເມືອງ Aleppo ທາງພາກເໜືອຂອງຊີເຣຍ ຊຶ່ງຕ່າງຝ່າຍ ຕ່າງກໍອ້າງວ່າຕົນໄດ້ຮັບໄຊຊະນະ.
ຝ່າຍລັດຖະບານເວົ້າວ່າ ຕົນໄດ້ເຂົ້າຍຶດເອົາຄຸ້ມ Salahhedine ໄດ້ແລ້ວ ແລະໄດ້ສ້າງ ຄວາມເສຍຫາຍຢ່າງໃຫຍ່ຫລວງໃຫ້ແກ່ຝ່າຍກະບົດ.
ແຕ່ທາງກອງກໍາລັງຂອງຝ່າຍກະບົດ
ໄດ້ປະຕິເສດຕໍ່ລາຍງານດັ່ງກ່າວ ແລະ
ເວົ້າວ່າ ເຖິງແມ່ນວ່າການຕໍ່ສູ້ກັນຍັງ
ດໍາເນີນສືບຕໍ່ໄປກໍຕາມ ແຕ່ກໍບໍ່ມີກໍາ
ລັງ ທະຫານໃດໆ ຂອງຝ່າຍລັດຖະ
ບານ ຢູ່ໃນຄຸ້ມດັ່ງກ່າວ ຊຶ່ງເປັນເຂດ
ທີ່ໝັ້ນຂອງ ຝ່າຍກະບົດນັ້ນ.
ລັດຖະມົນຕີກະຊວງການຕ່າງປະເທດຊີເຣຍ ທ່ານ Walid al-Moallem ໃຫ້ຄໍາໝັ້ນ
ສັນຍາວ່າ ຝ່າຍກະບົດຢູ່ເມືອງ Aleppo ຈະຖືກຜາບແພ້ຢ່າງແນ່ນອນ. ທ່ານໄດ້ໃຫ້ຄໍາ
ເຫັນດັ່ງກ່າວ ໃນຂະນະທີ່ຢ້ຽມຢາມອີຣ່ານ, ພັນທະມິດທີ່ມີຄວາມສໍາພັນກັນອັນແໜ້ນ
ແກ່ນທີ່ສຸດກັບຊີເຣຍ ຢູ່ໃນຂົງເຂດ.
ເບິ່ງສະໄລດ໌ຮູບຂອງການສູ້ລົບຢູ່ເມືອງ Aleppo
ຢູ່ໃນກອງປະຊຸມຖະແຫລງຂ່າວຮ່ວມກັບທ່ານ Moallem ນັ້ນ ລັດຖະມົນຕີກະຊວງການ
ຕ່າງປະເທດອີຣ່ານ ທ່ານ Ali Akbar Salehi ກ່າວວ່າ ຄວາມຫວັງໃດໆ ກໍຕາມທີ່ວ່າ ຈະມີການຫັນປ່ຽນຢ່າງສັນຕິໃນຊີເຣຍ ພາຍຫລັງການລົງຈາກອໍານາດຂອງທ່ານ Assad ໄປນັ້ນ ແມ່ນເປັນ “ຄວາມເພີ້ຝັນ”.
ຫົວໜ້າດ້ານມະນຸດສະທໍາຂອງສະຫະປະຊາຊາດ ທ່ານນາງ Valerie Amos ເວົ້າຢູ່ໃນ
ຖະແຫລງການ ໃນວັນອາທິດວານນີ້ວ່າ ການສູ້ລົບກັນໄດ້ບັງຄັບໃຫ້ 2 ແສນຄົນ ຕ້ອງອົບພະຍົບລົບໜີອອກຈາກເຂດດັ່ງກ່າວ ໃນໄລຍະສອງມື້ມານີ້.
ເບິ່ງວີດິໂອເລື້ອງກ່ຽວຂ້ອງກັນ
