ການສູ້ລົບກັນລະຫວ່າງຝ່າຍກະບົດ ກັບກໍາລັງທະຫານລັດຖະບານຊີເຣຍຍັງດຳເນີນ
ຢູ່ຕໍ່ມາ ໃນນະຄອນຫລວງ ໃນວັນພະຫັດມື້ນີ້ ມື້ນຶ່ງລຸນຫລັງ ເຫດການວາງລະເບີດ
ທີ່ໄດ້ສັງຫານລັດຖະມົນຕີປ້ອງກັນປະເທດ ແລະເຈົ້າໜ້າທີ່ຄົນອື່ນອີກສອງຄົນ ໃນ
ລະຫວ່າງມີກອງປະຊຸມເຈົ້າໜ້າທີ່ລະດັບສູງຂອງຊີເຣຍຢູ່ນັ້ນ.
ພວກກະບົດໄດ້ອ້າງເອົາຄວາມຮັບຜິດຊອບໃນການວາງລະເບີດທີ່ເກີດຂຶ້ນ ໃນວັນພຸດ
ວານນີ້ ທີ່ນະຄອນຫລວງດາມັສກັສ ໂດຍອ້າງວ່າ ເຫດການນັ້ນ ເປັນການສະແດງເຖິງ
ການເລີ້ມຕົ້ນຂອງການສິ້ນສຸດລົງຂອງລະບອບການປົກຄອງຂອງປະທານທິບໍດີ Bashar al-Assad.
ນາຍົກລັດຖະມົນຕີອັງກິດ ທ່ານ David Cameron ໄດ້ຮຽກຮ້ອງໃຫ້ ສະພາຄວາມໝັ້ນ
ຄົງອົງການສະຫະປະຊາຊາດ ຮັບຜ່ານຂໍ້ກໍານົດ ອັນຈະແຈ້ງ ແລະໜັກແໜ້ນ ກ່ຽວກັບການ
ລົງໂທດຕໍ່ຊີເຣຍ ແລະເວົ້າວ່າ ມັນເຖິງເວລາແລ້ວ ທີ່ທ່ານ Assad ຈະຕ້ອງສະລະອຳນາດ.
ໃນຂະນະດຽວກັນ ສະພາຄວາມໝັ້ນຄົງອົງການສະຫະປະຊາຊາດຄາດວ່າຈະລົງຄະແນ
ນສຽງກັນໃນວັນພະຫັດມື້ນີ້ ກ່ຽວກັບການຮ່າງຍັດຕິ ທີ່ອາດຈະທຳການລົງໂທດຕໍ່ລັດ
ຖະບານຂອງທ່ານ Assad. ທາງດ້ານຣັດເຊຍ ກໍໄດ້ສັນຍາວ່າ ຈະໃຊ້ສິດຍັບຍັ້ງ ຫຼືວີໂຕ້ຕໍ່
ມາດຕະການດັ່ງກ່າວ.
ເລຂາທິການໃຫຍ່ອົງການສະຫະປະຊາຊາດ ທ່ານ ພັນ ກິມູນ ກໍາລັງຮຽກ ຮ້ອງໃຫ້ສະພາ
ຄວາມໝັ້ນຄົງ ແບກຫາບພາລະຄວາມຮັບຜິດຊອບຂອງ ຕົນ ແລະດໍາເນີນການຢ່າງມີປະສິດ
ທິຜົນ. ທ່ານຍັງກາວອີກວ່າ ປະຊາຊົນ ຊີເຣຍ ໄດ້ທົນທຸກທໍລະມານມາເປັນເວລາດົນນານ ໂພດແລ້ວ.
ເບິ່ງວີດີໂອກ່ຽວຂ້ອງ
