ສະພາກາແດງສາກົນ ກ່າວໃນສິ່ງທີ່ຕົນເອີ້ນວ່າ ສົງຄາມກາງເມືອງໃນຊີເຣຍ ກໍາລັງລຸກລາມໄປຍັງເຂດໃໝ່ຫຼາຍເຂດຂອງຊີເຣຍ.
ສະພາກາແດງໄດ້ເວົ້າມາກ່ອນແລ້ວວ່າ ມີການປະທະກັນລະຫວ່າງກໍາລັງຂອງລັດຖະບານ ແລະຂອງກຸ່ມຝ່າຍຄ້ານ ຢູ່ເຂດທີ່ມັກມີການສູ້ລົບກັນ ໃນເມືອງ Homs, Hama ແລະ Idlib.
ບັນດາເຈົ້າໜ້າທີ່ສະພາກາແດງ ກ່າວເມື່ອວັນອາທິດວານນີ້ວ່າ ການສູ້ລົບກັນໄດ້ລຸກລາມໄປຍັງເຂດອື່ນໆຂອງຊີເຣຍອີກ.
ຫຼັກຖານຂອງສະພາກາແດງມີຂຶ້ນໃນຂນະທີ່ຊີເຣຍປະຕິເສດວ່າກໍາລັງທະຫານຂອງຕົນບໍ່ໄດ້ໃຊ້ອາວຸດໜັກ ແລະເຮືອບິນຕໍ່ຕ້ານເມືອງ Tremseh ເມື່ອ ອາທິດຜ່ານມາ ທັງໆທີ່ມີຫຼັກຖານຂອງບັນດານັກສັງເກດການຂອງອົງການ ສະຫະປະຊາຊາດ ທີ່ໄດ້ໄປຢ້ຽມຢາມເຂດດັ່ງກ່າວເມື່ອວັນເສົາ ແລະວັນອາທິດຜ່ານມານີ້ກໍຕາມ.