ລິ້ງ ສຳຫລັບເຂົ້າຫາ

ວັນອາທິດ, 03 ກໍລະກົດ 2022

ຊີເຣຍ ປະຕິເສດວ່າ ບໍ່ໄດ້ໃຊ້ ອາວຸດໜັກ ແລະເຮືອບິນລົບ ປາບພວກຕໍ່ຕ້ານ ລັດຖະບານ


ພວກທີ່ໄດ້ຮັບບາດເຈັບ ຍ້ອນການກໍ່ຄວາມຮຸນແຮງຢູ່ທີ່ບ້ານ Tremseh ໃນການປະຕິບັດງານທາງທະຫານ ຂອງຊີເຣຍ ທີ່ເຮັດໃຫ້ 39 ຄົນເສຍຊີວິດໃນວັນພະຫັດທີ່ 12 ກໍລະກົດ, 2012 ຜ່ານມານີ້

ຊິີເຣຍໄດ້ປະຕິເສດວ່າ ກອງກໍາລັງທະຫານຂອງລັດຖະບານ ບໍ່ໄດ້ໃຊ້ອາວຸດໜັກ ແລະ
ເຮືອບິນລົບ ໃນລະຫວ່າງ​ການ​ປະຕິບັດ​ງານທາງທະຫານ ທີ່ພາໃຫ້ມີການກ່າວປະນາມ ຂອງສາກົນຢ່າງກວ້າງຂວາງນັ້ນ.

ໂຄສົກຂອງກະຊວງ​ການ​ຕ່າງປະ​ເທດຊີ​ເຣຍເວົ້າວ່າ ການກໍ່ຄວາມຮຸນແຮງ ຢູ່ທີ່​ບ້ານ
Tremseh ແມ່ນ​ເປັນ​ການ​ປະຕິບັດ​ງານ ທີ່ເລັງໃສ່ພວກຕໍ່ສູ້ທີ່ປະກອບອາວຸດ. ທ່ານກ່າວ
ວ່າ ມີ 39 ຄົນໄດ້ເສຍຊີວິດຢູ່ທີ່​ບ້ານ​ດັ່ງກ່າວ ​ໃນ​ມື້ວັນ​ພະຫັດ​ແລ້ວ ຊຶ່ງໝົດທຸກຄົນໃນຈໍາ
ນວນນັ້ນ ລ້ວນ​ແລ້ວແຕ່ຖືອາວຸດ ຍົກເວັ້ນສອງຄົນເທົ່າ ນັ້ນ.

ທີ່​ບ້ານ Tremseh ນັ້ນ ທ່ານນາງ Sausan Ghosheh ໂຄສົກຍິງປະຈໍາສະຫະປະຊາ
ຊາດເວົ້າວ່າ ການໂຈມຕີປະກົດວ່າ ແນໃສ່ບ້ານເຮືອນຂອງພວກນັກເຄື່ອນໄຫວ ແລະພວກ
ທະຫານທີ່​ໂຕນ​ທັບ. ທ່ານນາງກ່າວອີກວ່າ ປະກົດວ່າ ໄດ້ມີການນໍາໃຊ້ອາວຸດໜັກ ຊຶ່ງເປັນ ການລະເມີດຕໍ່ຂໍ້ພັນທະຂອງຊີເຣຍພາຍໃຕ້ ມະຕິຕ່າງໆຂອງສະພາຄວາມໝັ້ນຄົງຂອງ ສະຫະປະຊາຊາດ.

ນັກສັງເກດການຂອງສະຫະປະຊາຊາດເວົ້າວ່າ ມີຫລາຍກວ່າ 150 ຄົນໄດ້ຖືກສັງ ຫານ ໃນວັນພະຫັດຜ່ານມາ.

ໃນການໂທລະສັບ​ໄ​ປຫາທ່ານ ຢາງ ເຈຍຈີ ລັດຖະມົນຕີກະຊວງ​ການ​ຕ່າງປະ​ເທດ​ຈີນນັ້ນ ເລຂາທິການໃຫຍ່ສະຫະປະຊາຊາດທ່ານພັນ ກິມູນ ໄດ້ຮຽກຮ້ອງ ໃຫ້ຈີນໃຊ້ອິດທິພົນຂອງ ຕົນເພື່ອຊ່ວຍຢຸດຕິການກໍ່ຄວາມຮຸນແຮງ ຢູ່ໃນຊີເຣຍ.

ກຸ່ມ​ສິ້ງຊອມສິດ​ທິມະນຸດ​ໃນ​ຊີ​ເຣຍ ຊຶ່ງ​ເປັນ​ກຸ່ມ​ຝ່າຍ​ຄ້ານ ກ່າວ​ຕໍ່ວີໂອເອວ່າ ຢ່າງໜ້ອຍມີ 31
ຄົນເສຍຊີວິດ ໃນການກໍ່ຄວາມຮຸນແຮງ ທີ່ກ່ຽວພັນກັບການຕໍ່ຕ້ານລັດຖະບານຢູ່ທົ່ວປະເທດ
ຊີເຣຍ ໃນວັນເສົາວານນີ້. ພວກນັກເຄື່ອນໄຫວ ຍັງໄດ້ເວົ້າອີກວ່າ ກໍາລັງທະຫານຂອງຊີເຣຍ ໄດ້ຍິງຖະຫລົ່ມເມືອງ Khirbet Ghazaleh ຢູ່ທາງພາກໃຕ້ຂອງປະເທດນັ້ນ.

XS
SM
MD
LG