ກຸ່ມສິ້ງຊອມຊີເຣຍກຸ່ມນຶ່ງ ກ່າວວ່າ ກໍາລັງທະຫານຂອງລັດຖະບານຊີເຣຍ ກໍາລັງລະດົມຖິ້ມລະເບີດ ຖະລົ່ມຫຼາຍໆແຫ່ງໃນທົ່ວປະເທດ.
ກຸ່ມສັງສິ້ງຊອມດ້ານສິດທິມະນຸດຊີເຣຍ ລາຍງານໃນວັນອາທິດມື້ນີ້ວ່າ ການຖິ້ມລະເບີດຂອງລັດຖະບານກໍາລັງດໍາເນີນໄປ ຢູ່ໃນເມືອງຫຼວງດາມັສກັສ ພ້ອມທັງແຂວງ Homs ແລະແຂວງ Deir Izzor. ກຸ່ມສັງສິ້ງຊອມດັ່ງກ່າວ ເວົ້າວ່າ ໄດ້ຍິນສຽງຍິງຈະຫຼວດ ແລະລົດຂະໜາດໜັກ ຢູ່ໃນເຂດຄຸ້ມ Mazzah ຂອງເມືອງຫຼວງດາມັສກັສ.
ນອກນັ້ນແລ້ວ ຍັງມີລາຍງານວ່າ ມີການປະທະກັນຫຼາຍບັ້ນລະຫວ່າງກໍາລັງລັດຖະບານ ແລະກໍາລັງຝ່າຍກະບົດ ເກີດຂຶ້ນຢູ່ແຂວງ Aleppon ເຊັ່ນກັນ.
ໃນຂະນະດຽວກັນ ທາງກໍາລັງຂອງຝ່າຍກະບົດແຈ້ງໃຫ້ຊາບໃນວັນອາທິດມື້ນີ້ວ່າ ພວກຕົນໄດ້ຍຶດເອົາດ່ານຂ້າມຊາຍແດນ al-Salam ທາງກໍ້າເໜືອຂອງແຂວງ Aleppo ແລ້ວ ຊຶ່ງເປັນເວລາຫຼາຍມື້ຫຼັງຈາກໄດ້ຍຶດເອົາດ່ານອີກແຫ່ງນຶ່ງ ເລາະຕາມຊາຍແດນເທີກີນັ້ນ.
ວີດີໂອລາຍງານກ່ຽວກັບຣັດເຊຍແລະຈີນໃຊ້ສິດຍັບຍັ້ງມະຕິລົງໂທດຊີເຣຍຂອງ ສປຊ: