ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະພາກາແດງສາກົນ ຮ້ອງຂໍຕໍ່ຊີເຣຍ ເພື່ອນໍາເຄື່ອງຂອງ ຊ່ວຍເຫລືອ ໄປຍັງເມືອງ Homs (ເບິ່ງວີດີໂອ)


ເຈົ້າໜ້າທີ່ສະພາກາແດງສາກົນ ຫລື ICRC
ເຈົ້າໜ້າທີ່ສະພາກາແດງສາກົນ ຫລື ICRC

ຄະນະ​ກໍາມະການ​ສະພາກາ​ແດງ​ສາກົນ​ ຫລື ICRC ກໍາລັງ​ຮ້ອງ​ຂໍພວກ​ເຈົ້າໜ້າ​ທີ່​ຊີ​ເຣຍ
ອະນຸຍາດ​ໃຫ້​ພວກ​ອົງການ​ເພື່ອ​ມະ​ນຸດ​ສະ​ທໍາ ​ໄດ້ ນໍາ​ເອົາອາຫານແລະ​ສະບຽງການ​
ຊ່ວ​ຍ​ເຫ​ລື​ອອື່ນໆ​ ໄປ​ໃຫ້​ພວກ​ປະຊາຊົນ​ຫລາຍ​ພັນ​ຄົນ​ທີ່ມີ​ຄວາມຕ້ອງການ​ທີ່​ສຸດ ທີ່
ຕົກ​ຄ້າງ​ຢູ່​ໃນ​ເມືອງ Homs ທີ່​ໝັ້ນ​ຂອງ​ພວກ​ກະບົດ​ນັ້ນ.

ພວກ​ນັກ​ເຄຶ່ອນ​ໄຫວ​ກ່າວ​ວ່າ ສະຖານະ​ການ​ດ້ານ​ມະນຸດສະ​ທໍາ​ແມ່ນ​ຮ້າຍ​ແຮງ​ທີ່​ສຸດ​ ຢູ່​
ໃນເຂດ​ຄຸ້ມ Babr Amr ທີ່​ອາຫານ ນໍ້າ ​ແລະ​ໄຟຟ້າ​ກໍາລັງ ຂາດແຄນ​ລົງ​ໄປ​ນັບ​ມື້ ​ໃນ
ຂະນະ​ທີ່​ກໍາລັງ​ທະຫານ​ລັດຖະບານ​ສືບ​ຕໍ່​ຖະລົ່ມ ຕົວ​ເມືອງ​ດັ່ງກ່າວ​ຢ່າງ​ບໍ່​ລົດ​ລະ​ນັ້ນ.

ທ່ານ Sean Maguire ​ໂຄສົກ ICRC ບອກ​ອົງການ​ຂ່າວ Sky News ຂອງ​ອັງກິດ​
ເມື່ອ​ວັນ​ເສົາ​ວານ​ນີ້​ວ່າ ຂະ​ບວນລົດ​ບັນທຸກ 7 ຄັນ ທີ່​ກໍາລັງລໍາລຽງ​ຢຸກຢາ​ແລະ​ອາຫານ
ໄດ້​ເຂົ້າ​ໄປ​ຍັງ​ເມືອງ Homs ​ແຕ່​ບໍ່​ໄດ້​ຮັບ​ອະນຸຍາດ ​ໃຫ້​ເຂົ້າ​ໄປ​ຍັງ​ເຂດ​ຄຸ້ມ Baba Amr
ໂຄສົກ Maguire ກ່າວ​ວ່າສະພາ​ກາ​ແດງໄດ້​ຖືກ​ບອກ​ໃຫ້​ຊາບ​ວ່າ​ມັນ​ບໍ່​ປອດ​ໄພ​ທີ່​ຈະ​ເຂົ້າ​
ໄປ​ຮອດ​ພຸ້ນ.

ທາງ​ດ້ານ ທ່ານ ພັນ ຄີ​ມູນ ​ເລຂາທິການ​ອົງການ​ສະຫະ​ປະຊາ​ຊາດນັ້ນ ກໍ​ໄດ້ຮ້ອງ​ຂໍ​ໃຫ້
ທາງ​ການ​ຊີ​ເຣຍ ຈົ່ງປ່ອຍ​ໃຫ້ພວກ​ອົງການ​ມະນຸດສະ​ທໍາ ​ເຂົ້າ​ໄປ​ເຖິງຫົວ​ເມືອງ​ຕ່າງໆ
ຂອງ​ຊີ​ເຣຍ ໄດ້​ໂດຍ​ປາດ​ສະ​ຈາກ​ເງຶ່​ອນ​ໄຂ ໃດໆ ​ໂດຍ​ກ່າວ​ວ່າ ມີ​ລາຍ​ງານ​ທີ່​ໜ້າ​ຢ້ານ​ກົວ
ທີ່​ສຸດ ວ່າ​ມີ​ການ​ປະຫານ​ ແລະ​ການ​ທໍລະມານ​ປະຊາຊົນ​ຢ່າງລວບ​ລັດ​ ໃນ​ເມືອງ Homs
ນັ້ນ.

ທ່ານ Ahmet Davutoglu ລັດຖະມົນຕີ​ຕ່າງປະ​ເທດ​ເທີ​ກີ ກ່າວ​ວ່າ ຄວາມ​ໂຫດຮ້າຍ​ປ່າ​
ເຖື່ອນ​ຂອງ​ລັດຖະບານ​ຊີ​ເຣຍຈະ​ຕ້ອງ​ຍຸຕິ​ລົງ.

ນອກ​ນີ້ ຈີນ​ກໍໄດ້​ຮຽກຮ້ອງ​ໃຫ້​ມີ​ການ​ຢຸດ​ຍິງ​ໂດຍ​ທັນທີ ​ແລະ​ໃຫ້​ມີ​ການ ​ເຈລະຈາ​ກັນ​ລະ
ຫວ່າງ​ລັດຖະບານ​ຊີ​ເຣຍ​ແລະ​ພວກ​ຝ່າຍ​ຄ້ານ ​ແຕ່​ໂຄສົກ ກະຊວງ​ຕ່າ​ງປະ​ເທດ​ຊີ​ເຣຍກ່າວ​
ວ່າ ຈະ​ຕ້ອງ​ບໍ່​ມີ​ການ​ແຊກ​ແຊງ​ໃດໆ​ໃນ ກິດຈະການ​ພາຍ​ໃນຂອງ​ຊີ​ເຣຍ ​ໂດຍ​ໃຊ້​ເລື່ອງ​ມະ
ນຸດສະ​ທໍາ​ເປັນ​ຂໍ້​ອ້າງ​ນັ້ນ.

ທັງ​ຈີນ​ແລະຣັດ​ເຊຍ​ໄດ້​ໃຊ້​ສິດ​ຍັບ​ຍັ້ງ​ສອງ​ມະຕິທີ່ປະນາມ​ຊີ​ເຣຍ ຂອງ​ອົງ ການ​ສະຫະ​ປະ
ຊາ​ຊາດ.

ເບິ່ງວີດີໂອລາຍງານ ກ່ຽວກັບຝ່າຍຄ້ານຂອງຊີເຣຍ ຕ້ອງການອາວຸດເພີ່ມຂຶ້ນ:

XS
SM
MD
LG