ອິຣ່ານ ກ່າວວ່າ ສະຫະລັດຕ້ອງເປັນຜູ້ຮັບຜິດຊອບໃນການລັກພາຕົວຂອງຊາວອິຣ່ານ
48 ຄົນ ໃນວັນເສົາແລ້ວ ຢູ່ທີ່ຊິີເຣຍ.
ສື່ມວນຊົນຂອງທາງການອິຣ່ານຖະແຫຼງວ່າ ກະຊວງການຕ່າງປະເທດຂອງຕົນ ໄດ້ແຈ້ງ
ໃຫ້ ນັກການທູດຂອງ Swiss ທີ່ກຸງເທຣ່ານ ຊາບວ່າ ອິຣ່ານຄາດວ່າ ສະຫະລັດຈະໃຊ້
ອິດທິພົນຂອງຕົນ ເພື່ອໃຫ້ມີການປ່ອຍຕົວປະກັນເຫຼົ່ານີ້ ໂດຍບໍ່ມີເງື່ອນໄຂລ່ວງໜ້າໃດໆ
ທັງສິ້ນ. ປະເທດສວີສ ເປັນຜູ້ຕາງໜ້າຮັກສາຜົນປະໂຫຍດ ໃຫ້ສະຫະລັດຢູ່ໃນອິຣ່ານ
ເພາະວ່າ ກຸງວໍຊິງຕັນ ແລະກຸງເທຣ່ານນັ້ນ ບໍ່ມີການສໍາພັນທາງການທູດລະຫວ່າງກັນ.
ອິຣ່ານກ່າວວ່າ ພວກທີ່ຖືກລັກພາຕົວ 48 ຄົນ ໃນນະຄອນຫຼວງ Damascus ແມ່ນພວກ
ທີ່ໄປສະແຫວງບຸນ ແຕ່ຜູ້ບັງຄັບບັນຊາກອງພັນຄົນນຶ່ງຂອງພວກກຸ່ມກະບົດ ກອງທັບຊີ
ເຣຍເສຣີ ກ່າວເຖິງພວກດັ່ງກ່າວນີ້ວ່າ ເປັນໜ່ວຍສອດແນມຂອງກຳລັງພິທັກປະຕິວັດ
ຂອງອິຣ່ານ.
ລັດຖະມົນຕີການຕ່າງປະເທດອິຣ່ານ ທ່ານ Ali Akbar Salehi ກໍາລັງຢ້ຽມຢາມເທີກີ
ໃນວັນອັງຄານມື້ນີ້ ເພື່ອປຶກສາຫາລືກ່ຽວກັບວິກິດການໃນຊີເຣຍ ກັບຄູ່ຕຳແໜ່ງຝ່າຍ
ເທີກີທ່ານ Ahmet Davutoglu.
ນອກນັ້ນແລ້ວ ໃນວັນອັງຄານມື້ນີ້ ສື່ມວນຊົນຂອງທາງການອິຣານຍັງກ່າວວ່າ ເລຂາທິ
ການຂອງສະພາຄວາມໝັ້ນຄົງແຫ່ງຊາດອິຣ່ານ ທ່ານ Saeed Jalili ໄດ້ເດີນທາງໄປ
ນະຄອນ Damascus ເພື່ອພົບປະກັບປະທານາທິບໍດີຊີເຣຍ ທ່ານ Bashar al-Assad
ແລະບັນດາຜູ້ນໍາຄົນອື່ນໆນໍາ.
ລັດຖະບານຂອງຊີເຣຍແມ່ນໄດ້ຮັບຄວາມເສຍຫາຍຢ່າງໜັກ ໃນວັນຈັນວານນີ້ ເວລານາ
ຍົກລັດຖະມົນຕີ ທ່ານ Riyad Hijab ໄດ້ໂຕນໜີ ພຽງ 2 ເດືອນ ຫຼັງຈາກໄດ້ເຂົ້າກໍາຕໍາ
ແໜ່ງສູງສຸດນັ້ນ. ທ່ານ Hijab ກ່າວວ່າ ທ່ານໄດ້ໂຕນໜີຈາກອັນທີ່ທ່ານເອີ້ນວ່າ “ອຳນາດ
ການປົກຄອງທີ່ເຂັນຂ້າປະຊາຊົນ ແລະກໍ່ການຮ້າຍນັ້ນ.” ເຈົ້າໜ້າທີ່ຈໍແດນ ໄດ້ກ່າວວ່າ
ທ່ານໄດ້ໂຕນໜີໄປຍັງຈໍແດນ.
ໃນຂະນະດຽວກັນນີ້ ພວກນັກເຄື່ອນໄຫວຝ່າຍຄ້ານຊີເຣຍກ່າວວ່າ ກອງກໍາລັງຮັກສາ
ຄວາມປອດໄພຂອງລັດຖະບານ ໄດ້ຍິງປືນໃຫຍ່ໂຈມຕີຫຼາຍໆຄຸ້ມ ໃນເມືອງ Aleppo
ໃນວັນອັງຄານມື້ນີ້.
