ອົງການຄຸ້ມຄອງເຕະບານໂລກຫຼື FIFA ໄດ້ສັ່ນສະເທືອນໃນວັນ
ພຸດ ວານນີ້ ໂດຍການຟ້ອງຮ້ອງຂອງລັດຖະບານກາງສະຫະລັດ
ກ່ຽວກັບ ການສໍ້ລາດບັງຫຼວງ ຕໍ່ພວກເຈົ້າໜ້າທີ່ຂັ້ນສູງ ທັງໃນປະ
ຈຸບັນ ແລະອະດີດຂອງອົງການດັ່ງກ່າວ ແລະການປະກາດຂອງ
ການສືບສວນສອບສວນອີກຕ່າງຫາກໂດຍເຈົ້າໜ້າທີ່ Swiss ທີ່
ກ່າວຫາວ່າ ພົວພັນກັບການ ໃຫ້ອະນຸມັດໃນການຈັດການແຂ່ງຂັນ
ເຕະບານໂລກ ຫລື World Cup ປີ 2018 ແລະ 2022. ມີເຈົ້າໜ້າທີ່ອົງການ FIFA
ຫຼາຍໆຄົນຖືກຈັບກຸມ ທີ່ນະຄອນ Zurich.
ການຟ້ອງຮ້ອງຂອງສະຫະລັດ ແມ່ນຮວມທັງຂໍ້ຫາ 47 ກະໂທງ ຕໍ່ເຈົ້າໜ້າທີ່ 14 ຄົນທີ່ຮວມທັງ ການຂູ່ເຂັນເອົາເງິນ ສົ່ງຂໍ້ມູນຜິດໆແລະການຟອກເງິນ ໃນແຜນກນາທີ່ໄອຍະການ ກ່າວວ່າ ພົວພັນກັບຜູ້ບໍລິຫານລະດັບສູງຂອງສື່ມວນຊົນດ້ານກິລາ ທີ່ຈ່າຍ ຫຼືບໍ່
ກໍຕົກລົງ ທີ່ຈະຈ່າຍ ຫຼາຍກວ່າ 150 ລ້ານໂດລາ ໃນການແລກປ່ຽນ ສິດໃນການຕະຫຼາດ ຂອງການແຂ່ງຂັນຕ່າງໆ.
ກະຊວງຍຸຕິທຳ ໄດ້ອະທິບາຍເຖິງເລື້ອງນີ້ ວ່າ ແມ່ນ “ເປັນຄະດີສໍ້ໂກງ 24 ປີ ເພື່ອຄວາມຮັ່ງມີຂອງພວກເຂົາເຈົ້າ ຜ່ານທາງກິລາເຕະບານນາໆຊາດ.”
WATCH: ເບິ່ງວີດີໂອ ກ່ຽວກັບ ອົງການ FIFA
ບັນດາເຈົ້າໜ້າທີ່ໃນນະຄອນ Zurich ໄດ້ຈັບກຸມເຈົ້າໜ້າທີ່ຂອງອົງການ FIFA 7 ຄົນ
ໃນວັນພຸດມື້ນີ້ ລໍຖ້າສົ່ງມາຍັງສະຫະລັດ. ເຈົ້າໜ້າທີ່ສະຫະລັດພວມທຳການກວດຄົ້ນຕື່ມ
ອີກ ໃນວັນພຸດມື້ນີ້ ທີ່ນະຄອນ Miami ແລະກະຊວງຍຸຕິທຳ ໄດ້ກ່າວວ່າ ມີຈຳນວນ 4 ຄົນ
ໄດ້ຮັບສາລະພາບວ່າ ມີຄວາມຜິດໃນຄະດີນີ້ແລ້ວ.
ລັດຖະມົນຕີ ກະຊວງກະຊວງຍຸຕິທຳ ທ່ານນາງ Loretta Lynch ເອີ້ນການກ່າວຫານີ້ວ່າ ເປັນການສໍ້ລາດບັງຫຼວງ ທີ່ “ຮຸນແຮງ ເປັນລະບົບ ແລະຝັງຮາກເລິກ” ທີ່ໄດ້ສ້າງຄວາມ ເສຍຫາຍຢ່າງເລິກເຊິ່ງແກ່ພວກເຄາະຮ້າຍຈຳນວນຫຼວງຫຼາຍ.
ທ່ານ ນາງ Lynch ກ່າວວ່າ “ມັນໄດ້ເລີ້ມມາ ຢ່າງນ້ອຍ 2 ຊົ່ວຄົນແລ້ວ ຂອງບັນດາເຈົ້າໜ້າທີ່ເຕະບານດັ່ງທີ່ມີການກ່າວຫາວ່າ ໄດ້ໃຊ້ຕຳແໜ່ງທີ່ເປັນໜ້າເຊື່ອຖືຂອງພວກເຂົາເຈົ້າ ໄປໃນທາງທີ່ບໍ່ຖືກຕ້ອງ ເພື່ອໃຫ້ໄດ້ມາຊຶ່ງເງິນຫຼາຍລ້ານໂດລາ ໃນການຮັບສິນບົນແລະ ເງິນກ້ອງໂຕະຕ່າງໆ.”
