ຂ່າວການຄໍຣັບຊັ່ນທີ່ນອງນັນ ພົວພັນກັບອົງການຄຸ້ມຄອງເຕະ
ບານໂລກຫລື FIFA ໄດ້ຂະຫຍາຍວົງກວ້າງອອກ.
ໃນວັນພະຫັດວານນີ້ ກະຊວງຍຸຕິທຳຂອງສະຫະລັດ ໄດ້ລະບຸຊື່
ເຈົ້າໜ້າທີ່ອົງ ການ FIFA ຕື່ມອີກ 16 ຄົນ ທີ່ຖືກຟ້ອງຮ້ອງໃນຂໍ້
ຫາຕົວະຕົ້ມ ສໍ້ໂກງທາງໂທລະສັບຫລືການສື່ສານຄົມມະນາຄົມ
ແລະສົມຮູ້ຮ່ວມຄິດໃນການຟອກເງິນພ້ອມທັງຂໍ້ຫາຄໍຣັບຊັ່ນນຳ
ດ້ວຍ. ພວກທີ່ຖືກກ່າວຫາຫລ້າສຸດນີ້ ເຮັດໃຫ້ສ່ວນບຸກຄົນແລະ
ອົງການຕ່າງໆທີ່ຖືກຟ້ອງທັງໝົດເພີ້ມຈຳນວນຂຶ້ນເປັນ 41.
ຈຳເລີຍໃໝ່ແມ່ນຮວມທັງສະມາຊິກ ໃນຄະນະກຳມະການບໍລິ
ຫານທັງໃນປັດຈຸບັນແລະອະດີດຂອງອົງການ FIFA ພ້ອມທັງປະທານຄົນປັດຈຸບັນຂອງ
ອົງການຄຸ້ມຄອງເຕະບານໂລກ ໃນເຂດອາເມຣິກາເໜືອ ອາເມຣິກາກາງແລະເຂດທະເລ
ຄາຣິບບຽນ ຫຼື CONCACAF ແລະອົງການຄຸ້ມຄອງເຕະບານໃນເຂດອາເມຣິກາໃຕ້ຫລື
CONMEBOL.
ຈຳເລີຍ 8 ຄົນທີ່ຍອມຮັບຜິດແມ່ນຮວມທັງ 3 ຄົນທີ່ຖືກຟ້ອງເມື່ອເດືອນພຶດສະພາປີກາຍ
ໃນການຈັບກຸມຮອບທຳອິດ ຊຶ່ງໄດ້ມີການປະກາດໃຫ້ຊາບໃນວັນພະຫັດວານນີ້ເຊັ່ນດຽວ
ກັນ. ການຕັ້ງຂໍ້ຫາເພີ້ມຕື່ມຕໍ່ຈຳເລີຍ 7 ຄົນນັ້ນແມ່ນກຳລັງລໍຖ້າໃຫ້ມີການສົ່ງໂຕຄົນຮ້າຍ
ຈາກການຟ້ອງຮ້ອງໃນຮອບທຳອິດ.
ກະຊວງຍຸຕິທຳກ່າວວ່າ 12 ສ່ວນບຸກຄົນ ແລະ ບໍລິສັດໂຄສະນາດ້ານກິລາ 2 ບໍລິສັດໄດ້
ຖືກພົບເຫັນວ່າ ມີຄວາມຜິດໄປແລ້ວ ຊຶ່ງເປັນຜົນ ເນື່ອງມາຈາກການສືບສວນ ແລະຈຳ
ເລີຍຜູ້ທີ່ຖືກຟ້ອງ ໄດ້ຕົກລົງ ທີ່ຈະສົ່ງເງິນ 190 ລ້ານໂດລາຄືນ. ນອກນັ້ນ ເງິນຈຳນວນ
100 ລ້ານໂດລາຍັງໄດ້ຖືກສັ່ງໃຫ້ກັກໄວ້ຢູ່ໃນສະຫະລັດແລະຕ່າງປະເທດ ຖານພົວພັນ
ກັບກິດຈະການທີ່ຜິດກົດໝາຍ.
ສະຫະລັດໄດ້ອອກຄຳຮ້ອງຂໍການຊ່ອຍເຫລືອທາງດ້ານກົດໝາຍເພື່ອຊອກຫາຊ່ອງທາງ
ໃຫ້ມີການກັກຊັບສິນ ຢູ່ໃນ 13 ປະເທດ.
