ລິ້ງ ສຳຫລັບເຂົ້າຫາ

ລະບົບຈ່າຍເງິນ ທາງອີເລັກໂທຣນິກ ຕັດທະນາຄານ ອີຣ່ານ ອອກຈາກຕາໜ່າງ


ລະບົບການຈ່າຍເງິນທາງອີເລກໂທຣນິກໃຫ່ຍທີ່ສຸດຂອງໂລກ ຈະຕັດທະນາຄານຕ່າງໆຂອງອີຣ່ານ ທີ່ມີຊື່ ຢູ່ໃນບັນຊີດໍາ ອອກຈາກຕາໜ່າງ

ລະບົບ​ການ​ຈ່າຍ​ເງິນ​ທາງ​ອີ​ເລັກ​ໂທຣນິກທີ່ໃຫ່ຍທີ່ສຸດ​ຂອງໂລກ ກ່າວ​ວ່າ​ ຈະ​ຕັດທະນາ
ຄານຕ່າງໆຂອງ​ອີຣ່ານ ທີ່​ມີ​ຊື່​ຢູ່​ໃນ​ບັນຊີ​ດຳ​ ຂອງ​ສະຫະພາບ​ຢູ​ໂຣບ ຊຶ່ງ​ເປັນອີກ​ບາດ
ກ້າວ​ນຶ່ງ​ໃນ​ການ​ດຳ​ເນີນ​ຄວາມ​ພະຍາຍາມ ຂອງ​ປະ​ເທດ​ຕາ​ເວັນ​ຕົກທີ່​ຈະ​ເຮັດ​ໃຫ້​ຄວາມ
​ສາມາດ​ໃນ​ການ​ໄດ້ຮັບ​ເງິນ​ສະໜັບສະໜຸນຂອງ​ເຕຫະຣານ ຕໍ່​ໂຄງການ​ນິວ​ເຄລຍຂອງ
​ຕົນນັ້ນ ຫຼຸດນ້ອຍ​ລົງ​ໄປ​ຕື່ມ​ອີກ.

ສະມາຄົມໂທລະ​ຄົມມະນາຄົມດ້ານການເງິນລະຫວ່າງທະນາຄານ​ຂອງ​ໂລກ​ຫລື SWIFT
ຊຶ່ງ​ມີຫ້ອງການ​ໃຫ່ຍຢູ່​ທີ່​ປະ​ເທດ​ແບ​ລຢ້ຽມ ​ໄດ້​ກ່າວ​ວ່າ​ ຕົນຈະ​ປະຕິບັດ​ຕາມ​ຄໍາ​ສັ່ງ​ຂອງ
ສະຫະພາບຢູ​ໂຣບ ​ໃນ​ການ​ຕັດ​ລະບົບການຈ່າຍ​ເງິນ​ຂອງບໍລິສັດອີຣ່ານ ທີ່​ຖືກ​ລະ​ບຸ​ຊື່
ອອກຈາກລະບົບ​ສົ່ງ​ລາຍ​ງານຂອງ​ຕົນ ໃນ​ວັນ​ເສົາ ​ເວລາ ​16 ​ໂມງ​ ຕາມ​ເວລາ​ສາກົນ.

ການເຄື່ອນ​ໄຫວ​ດັ່ງກ່າວໃນ​ວັນ​ພະຫັດວານ​ນີ້ ​ໄດ້​ມີ​ຂຶ້ນລຸນ​ຫຼັງການ​ຕັດ​ສີນ​ໃຈ​ຂອງ
ສະພາຢູ​ໂຣບ ຊຶ່ງ​ເປັນ​ຜູ້​ຕາງໜ້າ​ຂອງ​ປະ​ເທດສະມາຊິກ ຂອງ​ສະຫະພາບ​ຢູ​ໂຣບນັ້ນ
ຈະເພີ່ມການ​ກັກ​ຊັບ​ສິນຂອງບໍລິສັດ​ຕ່າງໆ ທີ່​ພົວພັນ​ກັບ​ກິດຈະການ​ນີວ​ຄ​ເລຍ​ຂອງ
ອີຣ່ານ.

SWIFT ​ແມ່ນຕາໜ່າງຂອງ​ບໍລິສັດເອກກະ​ຊົນ ທີ່ມີ​ຄວາມ​ປອດ​ໄພ​ທີ່​ສຸດຊຶ່ງເກືອບ​
ທຸກໆທະນາ​ຄານຢູ່​ໃນ​ໂລກ​ໄດ້​ໃຊ້ ໃນ​ການ​ສົ່​ງລາຍ​ງານ​ການ​ເງິນ ທີ່​ນໍາໄປ​ສູ່​ການ​ໂອນ​
ເງິນ​ຂ້າມ​ຊາຍແດນ​ຂອງ​ປະ​ເທດຕ່າງໆ. ການ​ຂັບ​ໄລ່​ທະນາຄານ​ຕ່າງໆ​ ທີ່​ຖືກ​ລະບຸ​ຊື່​
ຂອງ​ອີຣ່ານ​ ອອກຈາກ​ລະບົບຂອງ​ບໍລິສັດ SWIFT ຈະ​ເປັນ​ການ​ປິດ​ປະຕູ ສຳ​ຫຼັບ
​ເຕຫະຣານ ​ໃນ​ການຕິດ​ຕໍ່​ເຮັດ​ທຸລະກິດກັບ​ໂລກທັງ​ໝົດ.

XS
SM
MD
LG