ລິ້ງ ສຳຫລັບເຂົ້າຫາ

ຕາຍ 1 ບາດເຈັບ 2 ໃນ ເຫດລະເບີດທີ່ Stockholm

  • ສິງ ບູຣົມມະວົງ

ຮູບພາບວີດີໂອ ສະແດງໃຫ້ເຫັນບ່ອນເກີດເຫດ ຫລັງຈາກລະເບີດແຕກ ທີ່ກຸງ Stockholm, ວັນທີ 11 ທັນວາ 2010.

ຕໍາຫລວດ​ສະ​ວີ​ເດັນ​ກ່າວ​ວ່າ ​ເຫດລະ​ເບີດ 2 ຄັ້ງໃນໃຈກາງ​ກຸງ Stockholm ທີ່ໄດ້​ເອົາຊີວິດ​ຜູ້​ຄົນ​ໄປ ນຶ່ງ​ຄົນ​ ແລະເຮັດ​ໃຫ້ບາດ​ເຈັບອີກ 2 ຄົນ​ນັ້ນ ​ແມ່ນເປັນ​ການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ.​ ທ່ານ Anders Thornberg​ ໂຄສົກ ຕໍາຫລວດ ​ກ່າວໃນກອງ​ປະຊຸມ​ຖະ​ແຫລ​ງ​ຂ່າວໃນ​ວັນ​ອາທິດ​ມື້​ນີ້ວ່າ ​ເວລາ​ນີ້ ທາງ​ການ​ກໍາລັງ​ທໍາ​ການ​ສືບສວນເຫດລະ​ເບີດສອງບັ້ນນີ້​ຢູ່ ພາຍ​ໃຕ້​ກົດໝາຍ​ຂອງ Sweden ​ໃນຖານະ​ເປັນ​ການໂຈມ​ຕີ​ຂອງ​ພວກກໍ່​ການ​ຮ້າຍ ​ແຕ່​ວ່າທາງ​ການ​ຂອງ Sweden ບໍ່​ໄດ້​ຍົກ​ລະດັບ​ການ​ຮັກສາ​ຄວາມ​ປອດ​ໄພ​ຂອງ​ຕົນ​ຂຶ້ນ.

ຕໍາຫລວດ​ເວົ້າວ່າ ​ເຫດລະ​ເບີດ​ບັ້ນ​ທໍາ​ອິດ​ໃນ​ວັນ​ເສົາ​ວານ​ນີ້ ​ໄດ້​ເກີດຂຶ້ນ​ໃນ​ລົດ​ຄັນ​ນຶ່ງ​ຢູ່​ໃກ້ໆ​ກັບ​ຖະໜົນສາຍ​ນຶ່ງ​ໃນ​ສູນ​ກາງ​ການ​ຄ້າແຫ່ງ​ນຶ່ງ ​ທີ່​ມີ​ຜູ້​ຄົນ​ໄປ​ທ່ຽວ​ຊື້ເຄື່ອງ​ຂອງ​ຢ່າງ​ໜາ​ແໜ້ນ ຊຶ່ງ​ໄດ້​ເຮັດ​ໃຫ້ 2 ຄົນ​ໄດ້​ຮັບ​ບາດ​ເຈັບ​ເລັກນ້ອຍ.

ຫລັງ​ຈາກ​ນັ້ນ​ບໍ່​ດົນ ​ກໍໄດ້​ຍິນ​ສຽງລະ​ເບີດ​ລູກ​ທີ​ສອງ​ດັງ​ຂຶ້ນ​ຢູ່ຖະໜົນ​ເສ້ນດຽວ​ກັນ. ໃນ​ເວລາ​ຕໍ່​ມາ ຕໍາຫລວດ​ໄດ້​ພົບ​ເຫັນ​ຄົນ​ນຶ່ງ​ເສຍ​ຊີວິດ​ຢູ່​ທີ່​ບ່ອນ​ເກີດເຫດ​ນັ້ນ. ທາງ​ການ​ເຊື່ອ​ວ່າ ຜູ້ກ່ຽວ​ເປັນຄົນ​ວາງ​ລະ​ເບີດ​ສະລະ​ຊີບ.

XS
SM
MD
LG