ການປະຕິບັດງານຜິດພາດຂອງໜ່ວຍຈູ່ໂຈມພິເສດ ເຮັດໃຫ້ທາ
ລົກລາວ-ອາເມຣິກັນ ເກືອບເສຍຊີວິດ.
ໃນຕອນເຊົ້າມືດ ຂອງວັນທີ 28 ເດືອນພຶດສະພາທີ່ຜ່ານມານີ້
ໜ່ວຍຈູ່ໂຈມພິເສດ ຫລື SWAT Team ຂອງຕຳຫລວດ ລັດ
Georgia ໄດ້ບຸກເຂົ້າໄປໃນເຮືອນຂອງຄົນ ລາວ-ອາເມຣິກັນ
ຄອບຄົວນຶ່ງ ທີ່ເມືອງ Cornelia ເພື່ອຈັບຜູ້ຕ້ອງສົງໄສຄ້າຢາ
ເສບຕິດ.
ຜູ້ຕ້ອງສົງໄສທີ່ຕຳຫລວດຕ້ອງການນັ້ນ ບໍ່ໄດ້ຢູ່ເຮືອນຫລັງດັ່ງ
ກ່າວ ແຕ່ບັງເອີນ ໃນເວລານັ້ນທ່ານ ບຸນຄ້ຳອາຍຸ 45 ປີ ພ້ອມ
ດ້ວຍພັນລະຍາ ນາງ Alicia ພອນສະຫັວນ ແລະລູກສີ່ຄົນ ໄດ້
ເດີນທາງຈາກລັດ Wisconsin ໄປຢ້ຽມຢາມເອື້ອຍ ແລະໄດ້ພັກເຊົາຢູ່ໃນເຮືອນຫລັງດັ່ງກ່າວ. ໜ່ວຍ SWAT ທີມໄດ້ບຸກເຂົ້າໄປ ພ້ອມກັບຍິງລະເບີດຄວັນໄຟ ເຂົ້າໄປກ່ອນ ຊຶ່ງໄດ້ຕົກລົງໃສ່ໜ້າເອິກ ຂອງລູກຊາຍນ້ອຍຂອງ ທ່ານ ບຸນຄໍ້າ ທີ່ຍັງນອນຢູ່ໃນອູ່່ ຊື່ວ່າ ທ້າວບຸນຄຳ້ ພອນຈັນ ພອນສະຫວັນອາຍຸ 20 ເດືອນ ເຮັດໃຫ້ໄດ້ຮັບບາດເຈັບໜັກ. ທ່ານບຸນຄຳ້ ຜູ້ເປັນພໍ່ໄດ້ເລົ່າເຖິງ ອຸບັດເຫດ ອັນສະຫຍອງຂວັນດັ່ງກ່າວ ສູ່ວີໂອເອ ຟັງວ່າ :
ຄວາມຜິດພາດໃນການປະຕິບັດງານຂອງເຈົ້າໜ້າທີ່ຕຳຫລວດ
ຄັ້ງນີ້ ໄດ້ກາຍມາເປັນຂ່າວໃຫຍ່ ແລະຖືກພາດຫົວເລື້ອງຢູ່ໜ້າ
ສື່ມວນຊົນສຳຄັນໆໃນສະຫະລັດ.
ຕົກມາເຖິງປັດຈຸບັນນີ້ ເຈົ້າໜ້າທີ່ຕຳຫລວດ ຍັງບໍ່ທັນໄດ້ອອກ
ມາຖະແຫລງຢ່າງເປັນທາງການ ກ່ຽວກັບຄວາມຜິດພາດໃນ
ການປະຕິບັດງານດັ່ງກ່າວ. ແຕ່່ວ່າ ຄອບຄົວພອນສະຫວັນ
ກ່າວວ່າ ຕົນຈະບໍ່ລົດລະໃນການດຳເນີນການຟ້ອງຮ້ອງເຈົ້າ
ໜ້າທີ່ຕຳຫລວດ ໃນຖານບຸກລຸກ ເຮັດໃຫ້ໄດ້ຮັບບາດເຈັບ ແລະສ້າງຄວາມເສຍຫາຍ.
ສ່ວນບັນດາຜູ້ຕ້ອງສົງໄສ ທີ່ເຈົ້າໜ້າທີ່ຕຳຫລວດຕ້ອງການໂຕແທ້ໆນັ້ນ ໄດ້ຖືກຈັບແລ້ວ ຢູ່ທີ່ເຮືອນຫລັງນຶ່ງອີກ.
