ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທ່ານນາງ Suu Kyi ຈະເຂົ້າກຳຕຳແໜ່ງ ‘ທີ່ສູງກວ່າ ປະທານາທິບໍດີ’ ຖ້າພັກ NLD ຊະນະ ການເລືອກຕັ້ງ


ບັນດາຜູ້ສະໜັບສະໜູນ ຜູ້ນຳພັກຝ່າຍຄ້ານ ພັກສັນນິບາດແຫ່ງຊາດ ເພື່ອປະຊາທິປະໄຕ ຂອງທ່ານນາງ Aung San Suu Kyi ພາກັນໂບກທຸງປະຈຳພັກ ກ່ອນໜ້າການເຕົ້າໂຮມຊຸມນຸມ ໂຄສະນາຫາສຽງ ໃນ ເມືອງ Thandwe ຢູ່ທາງພາກຕາເວັນຕົກຂອງລັດ Rakhine, ປະເທດມຽນມາ.
ບັນດາຜູ້ສະໜັບສະໜູນ ຜູ້ນຳພັກຝ່າຍຄ້ານ ພັກສັນນິບາດແຫ່ງຊາດ ເພື່ອປະຊາທິປະໄຕ ຂອງທ່ານນາງ Aung San Suu Kyi ພາກັນໂບກທຸງປະຈຳພັກ ກ່ອນໜ້າການເຕົ້າໂຮມຊຸມນຸມ ໂຄສະນາຫາສຽງ ໃນ ເມືອງ Thandwe ຢູ່ທາງພາກຕາເວັນຕົກຂອງລັດ Rakhine, ປະເທດມຽນມາ.

ຜູ້ນຳຝ່າຍຄ້ານຂອງມຽນມາ ທ່ານນາງ Aung San Suu Kyi
ກ່າວວ່າ ຖ້າພັກຂອງທ່ານນາງ ໄດ້ຮັບໄຊຊະນະການເລືອກຕັ້ງ
ໃນທ້າຍສັບປະດານີ້ ທ່ານນາງຈະເຂົ້າຮັບຕຳແໜ່ງ “ສູງກວ່າ
ປະທານາທິບໍດີ”
ເພື່ອລີກລ່ຽງການຫ້າມ ບໍ່ໃຫ້ທ່ານນາງມີຕຳ
ແໜ່ງນັ້ນ.

ທ່ານນາງ Aung San Suu Kyi ໄດ້ຈັດກອງປະຊຸມຖະແຫລງ
ຂ່າວ ເມື່ອຕອນເຊົ້າວັນພະຫັດມື້ນີ້ ຊຶ່ງທ່ານນາງ ໄດ້ປະກາດແຜນ
ການຂອງເພິ່ນ ແຕ່ບໍ່ໄດ້ບັນລະຍາຍເຖິງລາຍລະອຽດ. ທ່ານນາງ
ເວົ້າພຽງແຕ່ວ່າ “ຂ້າພະເຈົ້າ ຈະຢູ່ສູງກວ່າ ປະທານາທິບໍດີ. ມັນ
ເປັນຂໍ້ສະເໜີທີ່ງ່າຍດາຍຫຼາຍ.”

ທ່ານນາງ Aung San Suu Kyi ໄດ້ຖືກຫ້າມ ຈາກການຮັບຕຳແໜ່ງ ໂດຍບົດບັນຍັດ
ລັດຖະທຳມະນູນສະບັບນຶ່ງ ທີ່ວ່າ ບັນດາຜູ້ສະໝັກ ທີ່ມີຄູ່ສົມລົດ ເປັນຄົນທີ່ເກີດ ຢູ່ຕ່າງ
ປະເທດ ແລະ/ຫຼື ມີລູກເຕົ້ານຳກັນ ຈະບໍ່ສາມາດເປັນປະທານາທິບໍດີໄດ້.

ເຈົ້າໜ້າທີ່ຄະນະກຳມະທິການເລືອກຕັ້ງ ເຄື່ອນຍ້າຍ ບັດອອກສຽງ ທີ່ໄດ້ຖືກລົງຄະແນນ ຫລ່ວງໜ້າ ຢູ່ທີ່ຕ່າງປະເທດ ໂດຍພົນລະເມືອງມຽນມາ ໃນຂະນະທີ່ບັນດາຜູ້ຕາງໜ້າ ພັກຕ່າງໆ ສັງເກດການຢູ່ນັ້ນ ຢູ່ທີ່ນະຄອນຫຼວງເນປຕໍ ຂອງມຽນມາ, ວັນທີ 3 ພະຈິກ 2015.
ເຈົ້າໜ້າທີ່ຄະນະກຳມະທິການເລືອກຕັ້ງ ເຄື່ອນຍ້າຍ ບັດອອກສຽງ ທີ່ໄດ້ຖືກລົງຄະແນນ ຫລ່ວງໜ້າ ຢູ່ທີ່ຕ່າງປະເທດ ໂດຍພົນລະເມືອງມຽນມາ ໃນຂະນະທີ່ບັນດາຜູ້ຕາງໜ້າ ພັກຕ່າງໆ ສັງເກດການຢູ່ນັ້ນ ຢູ່ທີ່ນະຄອນຫຼວງເນປຕໍ ຂອງມຽນມາ, ວັນທີ 3 ພະຈິກ 2015.


ໃນລະຫວ່າງ ການໃຫ້ຄຳເຫັນຂອງທ່ານນາງ ຕໍ່ສື່ມວນຊົນ ທ່ານນາງຍັງກ່າວວ່າ ເພິ່ນມີ
ຄວາມເປັນຫ່ວງກ່ຽວກັບວ່າ ບັນດາເຈົ້າໜ້າທີ່ເລືອກຕັ້ງວ່າ ຈະມີມາດຕະການຮັບມື ທີ່
ເໝະສົມ ກັບຂໍ້ກ່າວຫາຕ່າງໆ ຂອງຄວາມບໍ່ຖືກຕ້ອງ ໃນການກະກຽມ ການລົງຄະແນນ
ສຽງ ໃນວັນອາທິດຈະມາເຖິງນີ້. ແຕ່ທ່ານນາງ ກ່າວຕື່ມອີກວ່າ ມັນມີຄວາມສຳຄັນ ທີ່ພັກ
ຂອງທ່ານນາງ ຈະຈັດຕັ້ງລັດຖະບານ “ປອງດອງຊາດ” ຖ້າພັກສັນນິບາດແຫ່ງຊາດ ເພື່ອ
ປະຊາທິປະໄຕ ໄດ້ຮັບໄຊຊະນະ.

Mynmar Elections
please wait
Embed

No media source currently available

0:00 0:00:29 0:00

XS
SM
MD
LG