ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ທ່ານນາງ Suu Kyi ຢ້ຽມຢາມ ປະເທດອັງກິດ (ສະໄລດ໌)


ທ່ານນາງ Aung San Suu Kyi ໄດ້ຮັບລາງວັນກິຕິມະສັກ ເສລີປະຊາທິປະໄຕ ທີ່ Dublin, Ireland
ທ່ານນາງ Aung San Suu Kyi ໄດ້ຮັບລາງວັນກິຕິມະສັກ ເສລີປະຊາທິປະໄຕ ທີ່ Dublin, Ireland

ທ່ານ​ນາງອອງຊານ ຊູ​ຈີ ຜູ້​ນໍາ​ປະຊາທິປະໄຕຂອງມຽນມາ ຍັງສືບ​ຕໍ່ການ​ຢ້ຽມ ຢາມ​ຢູໂຣບ ທີ່ປະ​ເທດ​ອັງກິດ ​ໃນ​ວັນ​ອັງຄານ​ມື້​ນີ້ ບ່ອນ​ທີ່​ທ່ານ​ນາງ​ຈ​ະໄດ້ພົບ ​ກັບ​ຄອບຄົວ​ຂອງ​ທ່ານ​ນາງ​ ລຸນຫຼັງທີ່​ໄດ້​ອອກ​ຈາກ​ອັງກິດ​ໄປ​ເປັນ​ເວລາເກືອບ​ 25 ປີ​ແລ້ວ.

ທ່ານ​ນາງອອງຊານ ​ຊູ​ຈີ ຜູ້ທີ່​ເຄີຍ​ໄດ້​ຮັບ​ລາງວັນ​ໂນ​ແບ​ລ ​ທີ່​ຫາ​ກໍ​ມີ​ອາຍຸ​ຄົບ 67 ປີໃນວັນອັງຄານ​ມື້​ນີ້ ຈະ​ປະກອບສ່ວນເຂົ້າ​ຮ່ວ​ມ​ໃນການ​ສົນທະນາ​ຫາລືທີ່ສະ​ຖາ​ບັນເສດຖະກິດ ກ່ອນ​ຈະ​ໄປ​ຮ່ວມ​ການ​ພົບ​ປະ​ສັງ​ສັນ​ກັບ​ຄອບຄົວ​ຂອງທ່ານ​ນາງ ທີ່​ເມືອງ Oxford.

ທ້າ​ຍ​ສັບປະດາ​ນີ້ ທ່ານ​ນາງ ອອງຊານ ຊູ​ຈີ ຈະ​ໄດ້​ກ່າວ​ຄໍາ​ປາ​ໄສ​ຕໍ່ສະພາ​ທັງ​ສອງຂອງ ​ອັງກິດທີ່​ກຸງ​ລອນ​ດອນ ອັນເປັນກຽດຊຶ່ງ​ຕາມ​ປົກກະຕິ​ແລ້ວ​ມອບ​ໃຫ້ແກ່ແຂກຜູ້​ມີ​ກຽດຊາວ​ຕ່າງປະ​ເທດທີ່​ສຳຄັນໆ​ເທົ່າ​ນັ້ນ.

ທ່ານ​ນາງເຄີຍ​ພຳນັກ​ແລະ​ສຶກສາ​ຢູ່​ທີ່​ອັງກິດເປັນ​ເວລາ​ຫຼາຍໆ​ປີກ່ອນ​ທີ່​ຈະ​ກັບຄືນ ເມືອບ້ານ​ເກີດ​ເມືອງ​ນອນ ​ໃນ​ປີ 1988 ​ເພື່ອ​ໄປ​ຮັກສາ​ດູ​ແລມານ​ດາ​ຂອງ​ທ່ານ​ນາງ ທີ່​ໄດ້​ລົ້ມ​ປ່ວຍ​ນັ້ນ. ທ່ານ​ນາງ​ໄດ້ກາຍ​ເປັນ​ຜູ້​ນໍາຂະ​ບວນການເພື່ອ​ປະຊາ ທິປະໄຕ​ໃນມຽນມາ​ ແລະ​ກໍ​ໄດ້​ໃຊ້ເວລາ​ສ່ວນ​ໃຫຍ່​ໃນ​ໄລຍະ 2 ທົດ​ສະ​ວັດຕໍ່​ມາ ຖືກ​ກັກ​ບໍລິ​ເວນ​ ​ໂດຍ​ພວກ​ທະຫານ​ ທີ່ປົກຄອງ​ປະ​ເທດ​ມຽນມານັ້ນ.

ກຸງ​ລອນ​ດອນແມ່ນ​ບ່ອນ​ຢຸດ​ແວ່​ຫລ້າ​ສຸດ ​ໃນການ​ເດີນທາງຢ້ຽມຢາມ​ຢູ​ໂຣບ​ເປັນ​ເວລາ 17 ວັນ​ຂອງທ່ານ​ນາງ ອອງຊານ ຊູ​ຈີ ບ່ອນ​ທີ່​ທ່ານ​ນາງໄດ້​ຮັບ​ການ​ຕອບ​ຮັບຢ່າງ​ອົບ​ອຸ່ນ​ຈາກ​ຝູງ​ຊົນຈຳນວນ​ຫຼາຍພັນ​ຄົ​ນຜູ້​ທີ່ມີ​ຄວາມ​ສັດທາ​ແລະ​ມອງເຫັນ ວ່າ ທ່ານ​ນາງ​ຄື​ຜູ້ນຳ​ໃນ​ການ​ຕໍ່ສູ້​ເພື່ອ​ສິດທິ​ມະນຸດນັ້ນ.

XS
SM
MD
LG