ຢູ່ພາກໃຕ້ຂອງໄທ ເຈົ້າໜ້າທີ່ໄດ້ກັກໂຕ ຊາວມຸສລິມປະມານ
200 ຄົນທີ່ເຂົ້າເມືອງມາ ໂດຍທີ່ຍັງບໍ່ຮູ້ວ່າ ເຂົາເຈົ້າແມ່ນໃຜ
ມາຈາກໃສ ເພາະເຂົາເຈົ້າບໍ່ຍອມບອກ ພຽງແຕ່ເວົ້າວ່າເຂົາ
ເຈົ້າຕ້ອງການໄປຕັ້ງຖິ່ນຖານຢູ່ປະເທດເທີກີ. ຫລາຍໆຄົນສົງ
ໄສວ່າ ເຂົາເຈົ້າເປັນມຸສລິມວີເກີ້ ມາຈາກຈີນ ແລະພວກກຸ່ມ
ສິດທິກໍກຳລັງກົດດັນເຈົ້າໜ້າທີ່ໄທ ບໍ່ໃຫ້ສົ່ງເຂົາເຈົ້າກັບໄປ
ຈີນ ຂະນະທີ່ທາງການໄທກໍກຳລັງພະຍາຍາມຊອກຮູ້ວ່າ
ເຂົາເຈົ້າແມ່ນພວກໃດ ແລະຄວນຈະສົ່ງເຂົາເຈົ້າຕໍ່ໄປໃສ.
ດາຣາມີລາຍລະອຽດ ຈາກລາຍງານທີ່ Steve Sandford
ນັກຂ່າວວີໂອເອ ສົ່ງມາຈາກຫາດໃຫຍ່ ປະເທດໄທ.
ເບິ່ງວີດີໂອລາຍງານນີ້ ເປັນພາສາລາວ:
ຢູ່ຫາດໃຫຍ່ ພາກໃຕ້ຂອງປະເທດໄທ ເກມລໍຖ້າຍັງດຳເນີນສືບຕໍ່ມາ ສຳຫລັບຊາວມຸສລິມ
ກຸ່ມນຶ່ງ ທີ່ລັກລອບເຂົ້າເມືອງມາ ອ້າງວ່າມີເຊື້ອສາຍເທີກີ ແລະຖືກເຈົ້າໜ້າທີ່ໄທກັກໂຕໄວ້
ໃນຂະນະທີ່ປະຊາຄົມມຸສລິມທ້ອງຖິ່ນ ພາກັນສະໜອງການຊ່ວຍເຫລືອໃຫ້ເຂົາເຈົ້າ.
ບໍ່ຄືກັບພວກມຸສລິມໂຣຮິງຢາ ຈຳນວນຫລາຍພັນຄົນ ທີ່ເດີນທາງມາທາງເຮືອ ຫລົບໜີ
ການປະຫັດປະຫານຢູ່ໃນມຽນມາ ປະກົດວ່າຄົນກຸ່ມນີ້ໄດ້ຈ້າງພວກລັກລອບຄ້າມະນຸດ
ໃຫ້ພາເຂົາເຈົ້າຫລົບໜີມາ ທາງບົກ.
ພວກກຸ່ມສິດທິສົງໄສວ່າ ເຂົາເຈົ້າເປັນຊາວວີເກີ້ ທີ່ຫລົບໜີມາຈາກເຂດຊິນຈຽງ ທາງ
ພາກຕາເວັນຕົກຂອງຈີນ ບ່ອນທີ່ພວກຊົນເຜົ່າພື້ນເມືອງໄດ້ພາກັນຈົ່ມວ່າ ມາດົນນານ ກ່ຽວກັບການຈຳແນກກີດກັນ ແລະການກົດຂີ່ທາງສາສະໜາຂອງພວກເຈົ້າໜ້າທີ່ຈີນ
ຕໍ່ເຂົາເຈົ້າ.
ແຕ່ວ່າ ຊາວມຸສລິມກຸ່ມນີ້ບໍ່ເຕັມໃຈທີ່ຈະບອກຫຍັງເລີຍ ອິງຕາມທ່ານ Ismail Mat-
Adam ຫົວໜ້າສະມາຄົມຊາດອິສລາມແຫ່ງປະເທດໄທ ທີ່ສາມາດສື່ສານໄດ້ກັບບາງຄົນ
ໂດຍໃຊ້ພາສາອາຫຣັບພື້ນເມືອງ. ທ່ານ Mat-Adam ເວົ້າວ່າ:
“ພວກເຮົາສື່ສານກັບເຂົາເຈົ້າ ໂດຍຜ່ານນາຍພາສາ ແລະຮູ້ວ່າ ເຂົາເຈົ້າຢາກ
ໄປປະເທດເທີກີ. ເຂົາເຈົ້າບໍ່ຍອມໃຫ້ຂໍ້ມູນຫຍັງຕື່ມອີກ. ພວກເຮົາຢ້ານວ່າ
ເຂົາເຈົ້າກຳລັງກັກຂໍ້ມູນໄວ້ຈາກກພວກເຮົາ. ມັນເປັນເຫດຜົນທີ່ພວກເຂົາເຈົ້າ
ບໍ່ສະດວກໃຈ ທີ່ຈະລົມນຳພວກເຮົາ.”
ການຮັກສາຄວາມປອດໄພແມ່ນເຄ່ງຄັດ ຢູ່ບ່ອນພັກເຊົາທີ່ແມ່ຍິງກັບເດັກນ້ອຍ ຈຳນວນ
150 ຖືກກັກໄວ້ຕ່າງຫາກ ແຍກຈາກພວກຜູ້ຊາຍ.
ໃນຂະນະທີ່ພວກນາຍພາສາກັບພວກພະນັກງານຊ່ວຍເຫລືອ ກຳລັງພະຍາຍາມຫາທາງໃຫ້ເຂົ້າໃຈເລື້ອງລາວກ່ຽວກັບອົບພະຍົບພວກນີ້ຢູ່ນັ້ນ ເຈົ້າໜ້າທີ່ຈາກປະເທດຈີນ
ກັບເທີກີ ກໍໄດ້ໄປຢ້ຽມຢາມ ເພື່ອຊ່ວຍເຫລືອເຈົ້າໜ້າທີ່ກຳກັບນຳຄົນເຂົ້າເມືອງຂອງໄທ.
ແຕ່ສຳຫລັບທີ່ປຶກສາເອກ ຂອງສະຖານທູດເທີກີປະຈຳໄທ ທ່ານ Ahmet Idem Akay ນັ້ນ ຈຸດເພັ່ງເລັງຂອງເພິ່ນແມ່ນການຄ້ຳປະກັນ ໃຫ້ຄົນພວກນີ້ໄດ້ຮັບການດູແລເບິ່ງແຍງ
ຢ່າງຖືກຕ້ອງເໝາະສົມ ຫລາຍກ່ວາການພິສູດວ່າ ພວກເຂົາເຈົ້າແມ່ນໃຜ ມາຈາກໃສ. ທ່ານ Ahmet Idem Akay ເວົ້າວ່າ:
“ມີຫລາຍກ່ວາ 200 ຄົນຢູທີ່ນີ້. ຫລາຍກ່ວາເຄິ່ງນຶ່ງກໍແມ່ນເດັກນ້ອຍ ອາຍຸ
ບໍ່ຮອດ 18 ປີຊ້ຳ. ເດັກເລັກເດັກແດງກໍມີຫລາຍ ແມ່ມານກໍມີ.”
ຂະນະດຽວກັນ ເອກອັກຄະລັດຖະທູດຈີນ ກັບທີມຮັກສາຄວາມປອດໄພຄະນະນຶ່ງ ກໍໄດ້
ໄປຢ້ຽມຢາມບ່ອນກັກກັນພວກຜູ້ຊາຍ ເປັນເວລາສັ້ນໆ.
ບັນດາກຸ່ມສິດທິຢ້ານວ່າ ຖ້າຫາກມີການລະບຸວ່າ ຄົນກຸ່ມນີ້ເປັນຊາວວີເກີ້ແລ້ວ ພວກເຂົາເຈົ້າກໍແມ່ນສາມາດປະສົບກັບການຖືກລົງໂທດໄດ້ ຖ້າຫາກວ່າເຂົາເຈົ້າຖືກສົ່ງກັບຄືນໄປຈີນ. ທ່ານ Zhang Yimin ເອກອັກຄະລັດຖະທູດຈີນປະຈຳໄທ ກ່າວວ່າ ການຢ້ຽມຢາມຂອງທ່ານແມ່ນການກະທໍາ ທີ່ສະແດງເຖິງເຈດຕະນາດີ. ທ່ານ Zhang ເວົ້າວ່າ:
“ພວກເຮົາບໍ່ຕ້ອງການໃຫ້ປະເທດອື່ນໃດ ເຂົ້າມາແຊກແຊງໃນທຸລະກິດຂອງ
ພວກເຮົາ. ພວກເຮົາຄວບຄຸມມັນໄດ້. ປະເທດອື່ນໆພຽງແຕ່ພະຍາຍາມຈະ
ກົດດັນບັນຫານີ້ ເພື່ອໃຫ້ສາມາດນຳໃຊ້ມັນໄດ້ ເພື່ອເຫດຜົນທາງການເມືອງ
ເທົ່ານັ້ນ.”
ໃນລະຫວ່າງນີ້ ພວກຊາວມຸສລິມທີ່ຖືກກັກໂຕໄວ້ນັ້ນ ກໍປະເຊີນໜ້າກັບອະນາຄົດທີ່ບໍ່
ຮູ້ວ່າຈະເປັນແນວໃດ ຮ່ວມກັບຊາວໂຣຮິງຢາ ແລະພວກຊອກລີ້ໄພຄົນອື່ນໆອີກ ທີ່ມີ
ຈຳນວນຫລາຍຂຶ້ນນັບມື້ ແລະດຳລົງຊີວິດຢູ່ໃນສະພາບທີ່ບໍ່ມີຄວາມແນ່ນອນ ຢູ່ໃນປະ
ເທດໄທນັ້ນ.
200 ຄົນທີ່ເຂົ້າເມືອງມາ ໂດຍທີ່ຍັງບໍ່ຮູ້ວ່າ ເຂົາເຈົ້າແມ່ນໃຜ
ມາຈາກໃສ ເພາະເຂົາເຈົ້າບໍ່ຍອມບອກ ພຽງແຕ່ເວົ້າວ່າເຂົາ
ເຈົ້າຕ້ອງການໄປຕັ້ງຖິ່ນຖານຢູ່ປະເທດເທີກີ. ຫລາຍໆຄົນສົງ
ໄສວ່າ ເຂົາເຈົ້າເປັນມຸສລິມວີເກີ້ ມາຈາກຈີນ ແລະພວກກຸ່ມ
ສິດທິກໍກຳລັງກົດດັນເຈົ້າໜ້າທີ່ໄທ ບໍ່ໃຫ້ສົ່ງເຂົາເຈົ້າກັບໄປ
ຈີນ ຂະນະທີ່ທາງການໄທກໍກຳລັງພະຍາຍາມຊອກຮູ້ວ່າ
ເຂົາເຈົ້າແມ່ນພວກໃດ ແລະຄວນຈະສົ່ງເຂົາເຈົ້າຕໍ່ໄປໃສ.
ດາຣາມີລາຍລະອຽດ ຈາກລາຍງານທີ່ Steve Sandford
ນັກຂ່າວວີໂອເອ ສົ່ງມາຈາກຫາດໃຫຍ່ ປະເທດໄທ.
ເບິ່ງວີດີໂອລາຍງານນີ້ ເປັນພາສາລາວ:
ຢູ່ຫາດໃຫຍ່ ພາກໃຕ້ຂອງປະເທດໄທ ເກມລໍຖ້າຍັງດຳເນີນສືບຕໍ່ມາ ສຳຫລັບຊາວມຸສລິມ
ກຸ່ມນຶ່ງ ທີ່ລັກລອບເຂົ້າເມືອງມາ ອ້າງວ່າມີເຊື້ອສາຍເທີກີ ແລະຖືກເຈົ້າໜ້າທີ່ໄທກັກໂຕໄວ້
ໃນຂະນະທີ່ປະຊາຄົມມຸສລິມທ້ອງຖິ່ນ ພາກັນສະໜອງການຊ່ວຍເຫລືອໃຫ້ເຂົາເຈົ້າ.
ບໍ່ຄືກັບພວກມຸສລິມໂຣຮິງຢາ ຈຳນວນຫລາຍພັນຄົນ ທີ່ເດີນທາງມາທາງເຮືອ ຫລົບໜີ
ການປະຫັດປະຫານຢູ່ໃນມຽນມາ ປະກົດວ່າຄົນກຸ່ມນີ້ໄດ້ຈ້າງພວກລັກລອບຄ້າມະນຸດ
ໃຫ້ພາເຂົາເຈົ້າຫລົບໜີມາ ທາງບົກ.
ພວກກຸ່ມສິດທິສົງໄສວ່າ ເຂົາເຈົ້າເປັນຊາວວີເກີ້ ທີ່ຫລົບໜີມາຈາກເຂດຊິນຈຽງ ທາງ
ພາກຕາເວັນຕົກຂອງຈີນ ບ່ອນທີ່ພວກຊົນເຜົ່າພື້ນເມືອງໄດ້ພາກັນຈົ່ມວ່າ ມາດົນນານ ກ່ຽວກັບການຈຳແນກກີດກັນ ແລະການກົດຂີ່ທາງສາສະໜາຂອງພວກເຈົ້າໜ້າທີ່ຈີນ
ຕໍ່ເຂົາເຈົ້າ.
ແຕ່ວ່າ ຊາວມຸສລິມກຸ່ມນີ້ບໍ່ເຕັມໃຈທີ່ຈະບອກຫຍັງເລີຍ ອິງຕາມທ່ານ Ismail Mat-
Adam ຫົວໜ້າສະມາຄົມຊາດອິສລາມແຫ່ງປະເທດໄທ ທີ່ສາມາດສື່ສານໄດ້ກັບບາງຄົນ
ໂດຍໃຊ້ພາສາອາຫຣັບພື້ນເມືອງ. ທ່ານ Mat-Adam ເວົ້າວ່າ:
“ພວກເຮົາສື່ສານກັບເຂົາເຈົ້າ ໂດຍຜ່ານນາຍພາສາ ແລະຮູ້ວ່າ ເຂົາເຈົ້າຢາກ
ໄປປະເທດເທີກີ. ເຂົາເຈົ້າບໍ່ຍອມໃຫ້ຂໍ້ມູນຫຍັງຕື່ມອີກ. ພວກເຮົາຢ້ານວ່າ
ເຂົາເຈົ້າກຳລັງກັກຂໍ້ມູນໄວ້ຈາກກພວກເຮົາ. ມັນເປັນເຫດຜົນທີ່ພວກເຂົາເຈົ້າ
ບໍ່ສະດວກໃຈ ທີ່ຈະລົມນຳພວກເຮົາ.”
ການຮັກສາຄວາມປອດໄພແມ່ນເຄ່ງຄັດ ຢູ່ບ່ອນພັກເຊົາທີ່ແມ່ຍິງກັບເດັກນ້ອຍ ຈຳນວນ
150 ຖືກກັກໄວ້ຕ່າງຫາກ ແຍກຈາກພວກຜູ້ຊາຍ.
ໃນຂະນະທີ່ພວກນາຍພາສາກັບພວກພະນັກງານຊ່ວຍເຫລືອ ກຳລັງພະຍາຍາມຫາທາງໃຫ້ເຂົ້າໃຈເລື້ອງລາວກ່ຽວກັບອົບພະຍົບພວກນີ້ຢູ່ນັ້ນ ເຈົ້າໜ້າທີ່ຈາກປະເທດຈີນ
ກັບເທີກີ ກໍໄດ້ໄປຢ້ຽມຢາມ ເພື່ອຊ່ວຍເຫລືອເຈົ້າໜ້າທີ່ກຳກັບນຳຄົນເຂົ້າເມືອງຂອງໄທ.
ແຕ່ສຳຫລັບທີ່ປຶກສາເອກ ຂອງສະຖານທູດເທີກີປະຈຳໄທ ທ່ານ Ahmet Idem Akay ນັ້ນ ຈຸດເພັ່ງເລັງຂອງເພິ່ນແມ່ນການຄ້ຳປະກັນ ໃຫ້ຄົນພວກນີ້ໄດ້ຮັບການດູແລເບິ່ງແຍງ
ຢ່າງຖືກຕ້ອງເໝາະສົມ ຫລາຍກ່ວາການພິສູດວ່າ ພວກເຂົາເຈົ້າແມ່ນໃຜ ມາຈາກໃສ. ທ່ານ Ahmet Idem Akay ເວົ້າວ່າ:
“ມີຫລາຍກ່ວາ 200 ຄົນຢູທີ່ນີ້. ຫລາຍກ່ວາເຄິ່ງນຶ່ງກໍແມ່ນເດັກນ້ອຍ ອາຍຸ
ບໍ່ຮອດ 18 ປີຊ້ຳ. ເດັກເລັກເດັກແດງກໍມີຫລາຍ ແມ່ມານກໍມີ.”
ຂະນະດຽວກັນ ເອກອັກຄະລັດຖະທູດຈີນ ກັບທີມຮັກສາຄວາມປອດໄພຄະນະນຶ່ງ ກໍໄດ້
ໄປຢ້ຽມຢາມບ່ອນກັກກັນພວກຜູ້ຊາຍ ເປັນເວລາສັ້ນໆ.
ບັນດາກຸ່ມສິດທິຢ້ານວ່າ ຖ້າຫາກມີການລະບຸວ່າ ຄົນກຸ່ມນີ້ເປັນຊາວວີເກີ້ແລ້ວ ພວກເຂົາເຈົ້າກໍແມ່ນສາມາດປະສົບກັບການຖືກລົງໂທດໄດ້ ຖ້າຫາກວ່າເຂົາເຈົ້າຖືກສົ່ງກັບຄືນໄປຈີນ. ທ່ານ Zhang Yimin ເອກອັກຄະລັດຖະທູດຈີນປະຈຳໄທ ກ່າວວ່າ ການຢ້ຽມຢາມຂອງທ່ານແມ່ນການກະທໍາ ທີ່ສະແດງເຖິງເຈດຕະນາດີ. ທ່ານ Zhang ເວົ້າວ່າ:
“ພວກເຮົາບໍ່ຕ້ອງການໃຫ້ປະເທດອື່ນໃດ ເຂົ້າມາແຊກແຊງໃນທຸລະກິດຂອງ
ພວກເຮົາ. ພວກເຮົາຄວບຄຸມມັນໄດ້. ປະເທດອື່ນໆພຽງແຕ່ພະຍາຍາມຈະ
ກົດດັນບັນຫານີ້ ເພື່ອໃຫ້ສາມາດນຳໃຊ້ມັນໄດ້ ເພື່ອເຫດຜົນທາງການເມືອງ
ເທົ່ານັ້ນ.”
ໃນລະຫວ່າງນີ້ ພວກຊາວມຸສລິມທີ່ຖືກກັກໂຕໄວ້ນັ້ນ ກໍປະເຊີນໜ້າກັບອະນາຄົດທີ່ບໍ່
ຮູ້ວ່າຈະເປັນແນວໃດ ຮ່ວມກັບຊາວໂຣຮິງຢາ ແລະພວກຊອກລີ້ໄພຄົນອື່ນໆອີກ ທີ່ມີ
ຈຳນວນຫລາຍຂຶ້ນນັບມື້ ແລະດຳລົງຊີວິດຢູ່ໃນສະພາບທີ່ບໍ່ມີຄວາມແນ່ນອນ ຢູ່ໃນປະ
ເທດໄທນັ້ນ.
