ການໂຈມຕີຖິ້ມລະເບີດທີ່ຕ້ອງສົງໄສໂດຍພັນທະມິດນຳພາໂດຍ ຊາອູດີອາເຣເບຍ ໄດ້ຕົກຖືກພິທີແຕ່ງງານແຫ່ງໜຶ່ງໃນປະເທດ
ເຢເມນ ທີ່ປະ ສົບກັບໄພສົງຄາມ, ອີງຕາມຜູ້ເຫັນເຫດການ ແລະ ບັນດາເຈົ້າໜ້າທີ່, ເຊິ່ງເຮັດໃຫ້ມີຢ່າງໜ້ອຍ 15 ຄົນເສຍຊີວິດ ແລະ ເຮັດໃຫ້ມີຜູ້ບາດເຈັບອີກຢ່າງໜ້ອຍ 25 ຄົນ.
ການໂຈມຕີຫຼາຍຄັ້ງໄດ້ຕົກໃສ່ເຮືອນຫຼັງໜຶ່ງໃນຕອນແລງຂອງວັນພຸດວານນີ້ ທີ່ຂົງເຂດ Sanban ໃນແຂວງ Dhamar, ເຊິ່ງພິທີຈັດ ໂດຍ ພວກກະບົດ Houthi ທີ່ນັບຖືນິກາຍ Shi’ite ໄດ້ເປັນເປົ້າ ໝາຍມາຫຼາຍເດືອນແລ້ວ ໃນການໂຈມຕີຖິ້ມລະເບີດຂອງ ພັນທະມິດ.
ພັນທະມິດທີ່ມີຖານທັບຕັ້ງຢູ່ນະຄອນຫຼວງ Riyadh ບໍ່ໄດ້ອອກມາໃຫ້ ຄຳເຫັນໃນທັນທີ ທັນໃດກ່ຽວກັບເຫດການດັ່ງກ່າວ.
ພັນທະມິດໄດ້ຖືກກ່າວຫາຊ້ຳແລ້ວຊ້ຳອີກ ໃນການດຳເນີນການໂຈມຕີທີ່ ຮ້າຍແຮງໃນ ເຢເມນ. ອົງການສະຫະປະຊາຊາດ ກ່າວວ່າ ປະຊາຊົນ ຫຼາຍເຖິງ 1,100 ຄົນ ໄດ້ຖືກຂ້າ ຕາຍ ຍ້ອນການໂຈມຕີທາງອາກາດ ໃນໄລຍະ 6 ເດືອນຜ່ານມານີ້.
ມັນເປັນຄັ້ງທີ 2 ພາຍໃນ 10 ມື້ ທີ່ກຸ່ມພັນທະມິດໄດ້ຖືກກ່າວຫາໃນ ການແນເປົ້າໝາຍໃສ່ ການແຕ່ງງານ. ກຸ່ມພັນທະມິດໄດ້ປະຕິເສດຕົນບໍ່ຮັບຮັບຜິດຊອບໃນການໂຈມຕີເມື່ອວັນທີ 28 ກັນຍາຜ່ານມາທີ່ໄດ້ ເຮັດໃຫ້ຫຼາຍກວ່າ 130 ຄົນໃນພິທີແຕ່ງງານຢູ່ໃກ້ກັບຊາຍຝັ່ງທະເລ ແດງເສຍຊີວິດ, ໃນເຫດການໂຈມຕີຄັ້ງດຽວທີ່ຮ້າຍແຮງທີ່ສຸດຕັ້ງແຕ່ ບັນຫາຂັດແຍ້ງໄດ້ເລີ່ມ ຂຶ້ນ.
ກຸ່ມພັນທະມິດຊາອຸດີ, ເຊິ່ງລວມມີປະເທດອາຣັບອື່ນໆອີກ 9 ປະເທດ ແລະໄດ້ຮັບການ ສະໜັບສະໜູນໂດຍ ສະຫະລັດ, ໄດ້ເລີ່ມການຕໍ່ສູ້ກັບ ພວກກະບົດໃນເດືອນມີນາທີ່ຜ່ານ ມາ, 2 ເດືອນຫຼັງຈາກພວກ Houthi ໄດ້ຂັບໄລ່ລັດຖະບານອອກຈາກອຳນາດ ແລະ ໄດ້ເຂົ້າ ຄວບຄຸມນະຄອນຫຼວງ Sana’a.
