ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປະຕິກິລິຍາ ຈາກລັດ ແຄລີຟໍເນຍ ກ່ຽວກັບ ການຕັດສິນ ຂອງສານສູງສຸດ (ສະໄລດ໌ກັບວີດີໂອ)


ໃນມື້ວັນຈັນຜ່ານມານີ້ ສານສູງສຸດຂອງສະຫະລັດ ໄດ້ປະກາດລົບລ້າງ ຂໍ້ກຳນົດທີ່ສຳຄັນ ຈຳນວນນຶ່ງ ຢູ່ໃນກົດໝາຍຄົນເຂົ້າເມືອງ ຂອງລັດອາຣີໂຊນາ ແລະທັງສອງຝ່າຍໃນການ ອະພິປາຍບັນຫານີ້ ຕ່າງກໍໄດ້ອ້າງເອົາໄຊຊະນະ ເປັນບາງສ່ວນ ກ່ຽວກັບເລື່ອງນີ້. Mike O’Sullivan ຜູ້ສື່ຂ່າວຂອງວີໂອເອ ລາຍງານມາຈາກ ນະຄອນ Los Angeles ວ່າ ທັງ ພວກສະໜັບສະໜຸນ ແລະພວກທີ່ຄັດຄ້ານຕໍ່ກົດໝາຍຂອງລັດອາຣີໂຊນາ ຕ່າງກໍເວົ້າວ່າ ບັນຫາທີ່ເກີດຂຶ້ນ ຈາກກົດໝາຍສະບັບນີ້ ຍັງມີຢູ່ຕໍ່ໄປໃນທົ່ວປະເທດ

ສານ​ສູງ​ສຸດ​ຂອງ​ສະຫະລັດໄດ້​ປະກາດ​ເປັນ​ໂມຄະ​ສາມ​ວັກ ​ຂອງ​ກົດໝາຍ SB 1070 ຂອງ
​ລັດ​ອາຣີ​ໂຊ​ນາທີ່​ແນ​ໃສ່​ພວກ​ຄົນ​ເຂົ້າ​ເມືອງ​ຜິດ​ກົດໝາຍ​ນັ້ນ​ໂດຍ​ກ່າວວ່າ ມັນ​ເປັນ​ການ​ລ່ວງ​
ລະ​ເມີດ​ຕໍ່​ອຳນາດ​ຂອງ​ລັດຖະບານ​ກາງກ່ຽວ​ກັບ​ເລື່ອງຄົນ​ເຂົ້າ​ເມືອງ. ​ແຕ່​ສານ​ສູງ​ສຸດ​ສະຫະ
ລັດ ​ຍັງ​ຮັກສາ​ໄວ້​ຂໍ້​ກຳນົດ​ນຶ່ງ​ ທີ່​ເປັນ​ບັນຫາ​ຖົກ​ຖຽງ​ໂຕ້​ແຍ້​ງ ທີ່​ບັງຄັບ​ໃຫ້​ຕຳຫຼວດກວດ​ກາ
​ເບິ່ງ​ຖານະ​ຄົນ​ເຂົ້າ​ເມືອງຂອງພວກ​ທີ່​ເຂົາ​ເຈົ້າຢຸດ​ລົດ ເພື່ອກວດ​ຍ້ອນ​ເຫດຜົນ​ເລື່ອງ​ອື່ນໆຖ້າ
​ຕຳຫຼວດຫາກ​ສົງ​ໄສ​ວ່າ ​ເຂົາ​ເຈົ້າ​ໄດ້​ເຂົ້າມາ​ໃນ​ສະຫະ​ລັດ​ຢ່າງ​ຜິດ​ກົດໝາຍ.

ນັ້ນຄື​ສຽງ​ອະທິບາຍ​ເປັນ​ພາສາ​ສະ​ເປັນ ​ໃຫ້​ພວກ​ຄົນ​ງານ​ທີ່​ສູນ​ກາງ​ແຮງ​ງານ​ລາຍ​ວັນແຫ່ງ​
ນຶ່ງ ​ໃນ​ນະຄອນ Los Angeles ຊຶ່ງ​ພວກ​ເຂົາ​ເຈົ້າ​ໄດ້​ຕິດຕາມ​ເບິ່ງ​ການ​ອະພິປາຍກ່ຽວກັບ​
ເລື່ອງ​ນີ້ຢ່າງ​ໃກ້ຊິດ.

ພວກ​ເຂົາ​ເຈົ້າ​ເປັນ​ຄົນ​ລັດ​ແຄ​ລີ​ຟໍ​ເນຍ ດັ່ງນັ້ນກົດໝາຍ​ດັ່ງກ່າວ​ຈຶ່ງ​ບໍ່​ມີ​ຜົນ​ກະທົບ​ແນວ​ໃດ​ຕໍ່
​ພວກ​ເຂົາ​ເຈົ້າ. ​ແຕ່​ທ້າວ Saul Linas ​ແຮງ​ງານ​ຊົ່ວຄາວ​ຄົນ​ນຶ່ງ​ເວົ້າວ່າ ລາວ​ຢ້ານ​ວ່າ​ ກົດ
ໝາຍ​ຂອງ​ລັດ​ອາຣີ​ໂຊ​ນານີ້ ​ເປັນ​ສ່ວນ​ນຶ່ງ​ຂອງແນວ​ໂນ້ມ ຫຼືທ່າ​ອຽງ​ແຫ່ງ​ຊາດ​ຢູ່​ໃນ​ສະຫະ
ລັດ.

ທ້າວ Linas ເວົ້າວ່າ "ຂ້ອຍ​ຮູ້ສຶກ​ເສຍ​ໃຈ​ ຍ້ອນ​ວ່າ ມັນ​ເປັນ​ສິ່ງ​ ທີ່​ກຳລັງ​ເກີດ​ຂຶ້ນຕໍ່​ພວກ
​ຂ້ອຍທີ່​ມາ​ຈາກ​ອາ​ເມຣິກາ​ລາ​ຕິນ ​ແລະ​ຂ້ອຍ​ຮູ້ສຶກ​ເສຍ​ໃຈ​ຍ້ອ​ນມັນ​ເປັນສິ່ງ​ທີ່​ບໍ່​ຄວນ​ເກີດ
​ຂຶ້ນ​ເລີຍ. ມັນ​ຄວນ​ຈະ​ມີ​ຄວາມ​ສະ​ເໝີ​ພາບ​ກັນ​ສຳ​ຫຼັບທຸກໆ​ຄົນ ສຳ​ຫຼັບທຸກໆ​ຄົນ​ໃນປະ
​ເທດ​ນີ້ ​ທີ່​ເຮັດ​ວຽກ​ເຮັດ​ການ.”

ພວກ​ທີ່​ລັກລອບ​ເຂົ້າມາ​ໃນ​ສະຫະລັດ​ແບບ​ຜິດ​ກົດໝາຍນັ້ນ ຕ້ອງ​ໄດ້​ຖືກ​ເນລະ​ເທດໂດຍ
​ເຈົ້າໜ້າ​ທີ່​ລັດຖະບານ​ກາງ.

ທ້າວ Aaron Pineda ອາຍຸ 36 ປີໄດ້ຖືກ​ພາ​ເຂົ້າ​ມາ​ຢູ່​ນະຄອນ Los Angeles ຕັ້ງ​ແຕ່
ຍັງ​ນ້ອຍ​. ລາວ​ບໍ່​ມີ​ເອກ​ກະສາ​ນ​ຫຼືໜັງສື​ຄົນ​ເຂົ້າ​ເມືອງ​ໃດໆ​ເລີຍ ​ແລະ​ກໍ​ມີ​ຄວາມ​ວິຕົກ​ກັງ
ວົນຢ້ານ​ຈະ​ຖືກ​ເນລະ​ເທດ​ໄປ​ຍັງ​ເມັກ​ຊິ​ໂກ.

ທ້າວ Pineda ​ເວົ້າວ່າ “ຄື​ກັນ​ກັບ​ພວກ​ເຂົາ​ເຈົ້າສົ່ງ​ຂ້ອຍ​ໄປ​ຕ່າງປະ​ເທດ​ນີ້​ແລ້ວ. ຂ້ອຍ​
ບໍ່​ຢາກ​ໄປ​ເມັກ​ຊິ​ໂກ. ​ເມຍ​ຂອງ​ຂ້ອຍ ລູກ​ຂອງ​ຂ້ອຍ​ 6 ຄົນແມ່ນ​ຢູ່​ນີ້ ພວກເຂົາພາກັນ
​ໄ​ປ​ໂຮງຮຽນ ແລະ​ກໍ​ໄດ້​ຮັບ​ຄະ​ແນນ​ດີໆ. ມັນ​ຈະ​ສ້າງຄວາມຫຍຸ້ງຍາກຢ່າງ​ໃຫຍ່ຫລວງ
ຖ້າ​ພວກ​ເຂົາ​ເຈົ້າຕ້ອງການ​ຢາກ​ສົ່ງ​ຂ້ອຍ​ໄປ​ເມັກ​ຊິ​ໂກ. ຂ້ອຍ​ບໍ່​ມີ​ຫຍັງ​ຢູ່​ທີ່​ນັ້ນ.”

ຜູ້​ປົກຄອງ​ລັດ​ອາຣີ​ໂຊ​ນາ ທ່ານ​ນາງ Jan Brewer ກ່າວ​ວ່າ ກົດໝາຍ​ສະບັບ​ນີ້ຂອງລັດ
ທ່ານ​ນາງ ​ເວລາ​ນີ້ມີ​ຜົນ​ບັງຄັບ​ໃຊ້​ແລ້ວ ​ເຖິງ​ແມ່ນ​ບໍ່​ມີ​ຂໍ້​ກຳນົດ​ຕ່າງໆ​ທີ່​ສານ​ສູງ​ສຸດໄດ້​ປະ
ກາດ​ເປັນ​ໂມຄະ​ໄປນັ້ນ ​ກໍ​ຕາມ.”

ທ່ານ​ນາງ Brewer ​ເວົ້າວ່າ “ສານ​ໄດ້​ຕັດສິນ​ເ​ຫັນ​ພ້ອມ​ ກ່ຽວ​ກັບ​ຄວາມ​ສາມາດ ​ໃນ
​ການ​ປະຕິບັດ​ກົດໝາຍ​ ຂອງ​ເຈົ້າໜ້າ​ທີ່​ທ້ອງ​ຖິ່ນ ​ເພື່ອ​ໃຫ້​ຄວາມ​ຊ່ອຍ​ເຫຼືອ​ແກ່ລັດຖະ
ບານ​ກາງ​ ໃນ​ດ້ານ​ກົດໝາຍ​ຄົນ​ເຂົ້າ​ເມືອງ ຊຶ່ງ​ໝາຍ​ຄວາມ​ວ່າ ພວກ​ເຈົ້າໜ້າ​ທີ່​ເຫຼົ່ານີ້
ຖ້າ​ຫາກ​ເຂົາ​ເຈົ້າ​ມີ​ຄວາມ​ສົງ​ໄສ ​ທີ່​ສົມ​ເຫດ​ສົມ​ຜົນນັ້ນ ​ກໍ​ແມ່ນ​ມີ​ສິດ​ສອບ​ຖາມ​ບຸກຄົນ​
ໃດ​ບຸກຄົນ​ນຶ່ງ ທີ່​ຖືກ​ຈັບ​ຢູ່​ແລ້ວນັ້ນ​ໄດ້ ເພື່ອ​ຢັ້ງຢືນ​ວ່າ​ ພວກ​ເຂົາເຈົ້າມີ​ຖານະ​ທາງ​ກົດ
ໝາຍ​ຢູ່​ໃນ​ລັດ​ອາຣີ​ໂຊ​ນາຫຼືບໍ່.”

ສ່ວນ​ນັກ​ດາລາສາດ Benjamin Zuckerman ຈາກ​ມະຫາວິທຍະ​ລາ​ໄລລັດ​ແຄ​ລີຟໍ​ເນຍ
ທີ່​ນະຄອນ Los Angeles ກ່າວ​ວ່າ ທ່ານ​ມີ​ຄວາມ​ກັງວົນ​ໃຈ​ ກ່ຽວ​ກັບ​ຜົນກະທົບ​ຈາກ​
ການ​ເຕີບ​ໂຕ​ຂອງ​ປະຊາກອນ ​ທີ່​ມີ​ຕໍ່​ສະພາບ​ແວດ​ລ້ອມ ​ແລະ​ການ​ເຂົ້າເມືອງ​ທີ່​ບໍ່​ມີ​ການ
ຄວບຄຸມຂອງ​ປະ​ເທດ. ທ່ານ​ Zuckerman ເປັນ​ສະມາຊິກ​ຂອງ​ກຸ່ມ​ທີ່​ມີ​ຊື່​ວ່າ ຊາວ​ແຄ​ລີ
ຟໍ​ເນຍ​ເພື່ອສະຖຽນ​ລະ​ພາບ​ດ້ານປະຊາກອນ.

ທ່ານ Zuckerman ​ເວົ້າວ່າ “​ເວລາ​ນີ້ ມີ​ຊາວ​ອາ​ເມຣິກັນ 20 ລ້ານ​ຄົນຫຼືປະມານ​ນັ້ນ
ພວມ​ຫວ່າງ​ງານ​ຢູ່ ຫຼາຍໆ​ຄົນ​ໃນ​ຈຳນວນ​ນີ້​ ແມ່ນ​ເປັນ​ຊາວ​ອາ​ເມຣິກັນ​ຜິວ​ດຳ ​ແລະ
​ພວກ​ຮິ​ສ​ແປ​ນິກ ຊຶ່ງ​ພວກ​ຄົນ​ທັງ​ສອງ​ກຸ່ມ​ນີ້ ​ເປັນ​ພົນລະ​ເມືອງ​ຫລື​ບໍ່ກໍໄດ້​ເຂົ້າມາ​ຢູ່ໃນ
​ສະຫະລັດ​ຢ່າງ​ຖືກຕ້ອງ​ຕາມ​ກົດໝາຍ ພວກ​ເຮົາຈຶ່ງ​ບໍ່​ຢາກ​ເຫັນ​ຜູ້​ຄົນ​ໃນ​ຈຳນວນ​ເພີ່ມ
​ຂຶ້ນ ​ເຂົ້າມາ​ໃນ​ສະຫະລັດ​ຢ່າງ​ຜິດ​ກົດໝາຍ ຍ້ອນ​ພວກ​ເຂົາ​ຈະມາຍາ​ດ​ແຍ່ງ​ແຂ່ງ​ດີ ກັບ
ພວກ​ຄົນ​ທີ່ຢູ່​ທີ່​ນີ້​ແລ້ວ ​ແລະ​ກໍຕ້ອງການ​ວຽກ​ເຮັດ​ງານ​ທຳນັ້ນ.”

ທັງ​ສອງ​ຝ່າຍ​ຂອງ​ການ​ອະພິປາຍ ​ຕ່າງ​ກໍ​ເບິ່ງ​ໄປ​ຍັງລັດຖະບານ​ກາງ​ສະຫະລັດ​ເພື່ອໃຫ້​
ແກ້​ໄຂ​ບັນຫາ​ພວກ​ຄົນ​ເຂົ້າ​ເມືອງ​ຜິດ​ກົດໝາຍ​ ຈຳນວນ​ຫຼາຍໆ​ລ້ານ​ຄົນ ທີ່ຢູ່​ໃນ​ສະຫະ
ລັດ​ແລ້ວນັ້ນ.

XS
SM
MD
LG