ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມີຄົນເບິ່ງ ການແຂ່ງຂັນ Super Bowl ປີນີ້ ຫຼາຍເປັນປະຫວັດການ


ແຟນຂອງທິມ Seahawks ຈາກນະຄອນ Seattle ທ້າວ Dustin Pittis ກຳລັງຊີ້ມືໃສ່ໂທລະພາບ ດ້ວຍຄວາມຕື່ນຕົກໃຈ..
ແຟນຂອງທິມ Seahawks ຈາກນະຄອນ Seattle ທ້າວ Dustin Pittis ກຳລັງຊີ້ມືໃສ່ໂທລະພາບ ດ້ວຍຄວາມຕື່ນຕົກໃຈ..

ການຖ່າຍ​ທອດ​ໂທລະພາບ ການແຂ່ງຂັນຊິງແຊັມສັນນິບາດ
ຟຸດບອນແຫ່ງ​ຊາດອາເມຣິກັນ ຫລື NFL ທີ່ເອີ້ນວ່າ Super
Bowl ໃນ​ແລງ​ວັນ​ອາທິດ​ທີ່​ຜ່ານ​ມານີ້ ເປັນ​ລາຍການ​ທີ່ມີ​ຄົນ
​ເບິ່ງ​ຫລາຍ​ທີ່​ສຸດ​ເປັນ​ປະຫວັດ​ການ​ຂອງສະຫະລັດ.

​ໄຊຊະນະ​ຢ່າງ​ໜ້າຕື່ນເຕັ້ນ 28 ຕໍ່ 24 ​ໂດຍ​ທີມ Patriots ຂອງ
ເຂດ New England ຕໍ່ທີມ Seahawks ຈາກນະຄອນ Seat-
tle ​ມີຊາວ​ອາ​ເມຣິກັນ 114 ລ້ານ 4 ​ແສນ​ຄົນ ໄດ້ເບິ່ງກັນ ອີງ​
ຕາມໂທລະພາບ NBC ທີ່​ໄດ້​ຖ່າຍ​ທອດ​ການ​ແຂ່ງຂັນດັ່ງກ່າວ
ຢູ່​ນອກ​ນະຄອນ Phoenix ໃນລັດ Arizona ນັ້ນກໍຄື ​ມີ 2 ລ້ານ
2 ​ແສນ​ຄົນ ຫລາຍ​ກວ່າ​ການແຂ່ງຂັນ Super Bowl ຄັ້ງ​ກ່ອນ
ຊຶ່ງມີຜູ້ເບິ່ງຜູ້ຊົມຫລາຍເປັນປະຫວັດການຄືກັນ ​ເວລາທີມ Seahawks ​ໄດ້​ໄຊຊະນະທີມ Bronco ຂອງນະຄອນ Denver ຢູ່​ນອກ​ນະຄອນ New York.

ປະທານ​ກຸ່ມ​ກິລາ ​ໂທລະພາບ NBC ທ່ານ Mark Lazarus ກ່າວ​ວ່າ ປີ​ນີ້ມີ 600,000
ຄົນ ​ເບິ່ງ​ການ​ແຂ່ງຂັນ ທີ່ມີການປະກາດເປັນ​ພາ​ສາສະ​ແປ​ນິສ ຢູ່​ໃນ ຕາໜ່າງເຄເບີລ
ຂອງໂທລະພາບ NBC Universal.

​ເຈັດ​ໃນຈຳນວນແປດລາຍການ ທີ່ມີ​ຄົນ​ເບິ່ງຫລາຍ​ທີ່​ສຸດຢູ່ໃນປະຫວັດ​ສາດ ສະຫະລັດ
ແມ່ນ Super Bowl.

​ ເພາ​ະວ່າ ມີບັນດາ​ຜູ້ຄົນ​ເບິ່ງ​ Super Bowl ຫລາຍທີ່​ສຸດ​ນັ້ນ ການໂຄສະນາ ສຳຫລັບ
ປີນີ້ຈຶ່ງສູງເປັນປະຫວັດການຄື ​4 ລ້ານ 5 ​ແສນ​ໂດ​ລາ ຕໍ່ 30 ວິນາທີ.

HashtagVOA: The Super Bowl: Sports, Ads, and Dollars
please wait

No media source currently available

0:00 0:29:59 0:00

XS
SM
MD
LG