ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ກຳລັງ ອີຣັກ ພົບເຫັນ ພວກ IS ຕໍ່ຕ້ານ​ໜັກຂຶ້ນ ໃນເມືອງ ຣາມາດີ


ກອງກຳລັງຮັກຄວາມໝັ້ນຄົງ ອີຣັກ ເຕົ້າໂຮນກັນໃກ້ກັບຂົວຊົ່ວຄາວສ້າງຂຶ້ນໂດຍທະຫານວິຊະວະກອນໃນທະຫານບົກ ອີຣັກ ທາງພາກໃຕ້ຂອງເມືອງ ຣາມາດີ ໃນລະຫວ່າງ ການຢ້ຽມຢາມໂດຍນາຍົກລັດຖະມົນຕີ ທ່ານ Haider al-Abadi ໃນວັນທີ 29 ທັນວາ 2015.
ກອງກຳລັງຮັກຄວາມໝັ້ນຄົງ ອີຣັກ ເຕົ້າໂຮນກັນໃກ້ກັບຂົວຊົ່ວຄາວສ້າງຂຶ້ນໂດຍທະຫານວິຊະວະກອນໃນທະຫານບົກ ອີຣັກ ທາງພາກໃຕ້ຂອງເມືອງ ຣາມາດີ ໃນລະຫວ່າງ ການຢ້ຽມຢາມໂດຍນາຍົກລັດຖະມົນຕີ ທ່ານ Haider al-Abadi ໃນວັນທີ 29 ທັນວາ 2015.

ກອງກຳລັງ ອີຮັກ ທີ່ພວມ​ທຳ​ການກວດ​ລ້າງເມືອງ ຣາມາດີ ຫຼັງ ຈາກໄດ້ຍຶດຄືນ ເມືອງດັ່ງກ່າວຈາກພວກຫົວຮຸນແຮງ ລັດອິສລາມ ແມ່ນກຳລັງ​ໄດ້​ຮັບການຕໍ່ຕ້ານ ທີ່ໜັກຂຶ້ນກວ່າທີ່ຄາດຄິດໄວ້ໃນ ຕອນທຳອິດ.

ບັນດາເຈົ້າໜ້າທີ່ ສະຫະລັດ ໃນເບື້ອງຕົ້ນໄດ້ກ່າວວ່າ “ຈຳນວນ ຕົວເລກແມ່ນ ນ້ອຍ” ເມື່ອຖືກຖາມກ່ຽວກັບ ຈຳນວນຂອງພວກ ນັກຮົບ IS ທີ່ຍັງເຫຼືອຢູ່ໃນເມືອງ ຫຼັງຈາກກອງກຳລັງ ອີຣັກ ໄດ້ ເຄື່ອນເຂົ້າ​ໄປໃນເຂດສຳຄັນຂອງເມືອງຫຼວງ ແຂວງ Anbar ໃນ ວັນຈັນທີ່ຜ່ານມາ. ໃນວັນພຸດວານນີ້, ແນວໃດກໍຕາມ, ບັນດາເຈົ້າ ໜ້າທີ່ກ່າວວ່າ ກອງກຳລັງ ອີຣັກ ໄດ້ປະເຊີນໜ້າກັບ “ກຸ່ມຕໍ່ຕ້ານ” ແລະ ການໂຈມຕີ ບາງຄັ້ງບາງຄາວ, ເຊິ່ງສະແດງໃຫ້ວ່າ ມີຢູ່ຢ່າງກວ້າງຂວາງ.

ເຈົ້າໜ້າທີ່ ສະຫະລັດ ກ່າວຕໍ່ວີໂອເອ ໂດຍບໍ່ປະສົງອອກນາມວ່າ “ພວກເຂົາຍັງຢູ່ ໃນທີ່ນັ້ນ, ພວກເຂົາກຳລັງຂະຫຍາຍກົນລະຍຸດການແຈກກະຈາຍເພື່ອຍືດ ເວລາ ແລະ ເນື້ອທີ່.”

ເຈົ້າໜ້າທີ່ຈະບໍ່ໃຫ້ຕົວເລກວ່າ ມີພວກນັກຮົບຂອງສັດຕູຍັງເຫຼືອຢູ່ໃນເມືອງ ຣາມາດີ, ແຕ່ໄດ້ ລະບຸວ່າ ມີຫຼາຍກວ່າສອງສາມຮ້ອຍຄົນເຊື່ອວ່າໄດ້ປ້ອງກັນເມືອງ ດັ່ງກ່າວໄວ້.

ນອກ​ນັ້ນເຈົ້າໜ້າທີ່ກໍຍັງບໍ່ໄດ້ກຳນົດແນ່ນອນກ່ຽວກັບຄວາມເປັນໄປໄດ້ວ່າ ຈຳນວນຂອງພວກ ຫົວຮຸນແຮງ IS ສາມາດ​ເພີ້ມຂຶ້ນ ໃນຂະນະທີ່ປະຕິບັດງານ​ກວດ​ລ້າງໄດ້ຫຍັບເຂົ້າໃກ້ເຂດໃໝ່, ລວມທັງບາງເຂດໃນພາກເໜືອ ແລະ ພາກຕາ ເວັນອອກຂອງເມືອງ, ໃກ້ກັບແມ່ ນ້ຳ Euphrates.

ບັນດາເຈົ້າໜ້າທີ່ ສະຫະລັດ ໄດ້ກ່າວວ່າ ພວກເຂົາເຈົ້າໄດ້ພົບເຫັນນັກຮົບຂອງ ພວກ ລັດອິສ ລາມ ຫຼົບໜີເຂົ້າ​ໄປໃນເຂດດັ່ງກ່າວ, ເຊິ່ງຮູ້ກັນ​ໃນຊື່ “ຫູສະຫຼາມ” ຍ້ອນຮູບຮ່າງຂອງມັນ, ໃນ ຂະນະທີ່ພວກນັກຮົບ IS ດັ່ງກ່າວນັ້ນໄດ້ຫາທາງຫຼົບໜີ ຈາກກອງກຳລັງ ອີຣັກ.

ໃນການຖະແຫຼງຂ່າວ​ເປັນ​ເວລາ​ສັ້ນໆ ໃນຕອນເຊົ້າຂອງວັນພຸດວານນີ້ທີ່ນະຄອນຫຼວງ ແບກ ແດັດ, ເຈົ້າໜ້າທີ່ສືບລັບຂອງພັນທະມິດຄົນໜຶ່ງໄດ້ໃຫ້ຕົວເລກຂອງ ພວກນັກຮົບ ລັດອິສລາມ ທີ່ຍັງເຫຼືອຢູ່ປະມານ 700 ຄົນ, ເຊິ່ງເພີ່ມຂຶ້ນ​ເປັນສອງ ເທົ່າຂອງການຄາດຄະເນກ່ອນໜ້ານີ້.

Iraqi Forces Rescue Civilians Trapped by IS Extremists in Ramadi
please wait

No media source currently available

0:00 0:01:53 0:00

XS
SM
MD
LG