ທ່ານໂອບາມາ ໄປຮ່ວມ ກອງປະຊຸມສຸດຍອດ ກຸ່ມປະເທດ ໃນທະວີບອາເມຣິກາ

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ແມ່ນ​ຮວມຢູ່​ໃນ​ບັນດາ​ປະມຸກ ຂອງ​ປະ
ເທດ​ຕ່າງໆຫຼາຍສິບ​ທ່ານ ທີ່​ໄປ​ຮວມກອງ​ປະຊຸມ​ສຸດ​ຍອດ​ຂອງ​ບັນດາ​ປະເທດ​ໃນ​ທະວີບ
ອາເມຣິກາ​ ຢູ່​ໂຄ​ລົມ​ເບຍ.

ປະທານາທິບໍດີ ​ແລະ​ນາຍົກລັດຖະມົນຕີ 33 ທ່ານ ຈາກ​ກາ​ນາ​ດາ ສະຫະລັດ ບັນດາ​ປະ
ເທດ​ໃນ​ແຖບ​ທະ​ເລ​ຄາຣິບຽນແລະ​ອາ​ເມຣິກາ​ລາ​ຕິນ ກຳລັງ​ປະຊຸມ​ກັນທີ່​ເມືອງ​ຕາກ​ອາກາດ
Cartagena.

ເປັນ​ທີ່​ຄາດ​ກັນ​ວ່າ ປະທານາທິບໍດີໂອ​ບາ​ມາ ​ຈະ​ໃຊ້​ກອງ​ປະຊຸມ​ສຸດ​ຍອດ​ໃນ​ຄັ້ງນີ້​ເປັນ​ໂອ
ກາດ​ໃນ​ການ​ກ່າວ​ຢໍ້າ​ເຖິງ​ຄວາມ​ສຳຄັນ ​ໃນ​ການ​ຂະຫຍາຍ​ຄວາມ​ສຳພັນທາງ​ດ້ານ​ເສດຖະ
ກິດ​ແລະ​ໃນ​ດ້ານ​ອື່ນໆຢູ່​ໃນ​ທົ່ວ​ຂົງ​ເຂດ.

ເຖິງແມ່ນປະທາ​ທິບໍດີ​ສະຫະລັດ​ຍັງ​ສືບ​ຕໍ່​ໄດ້​ຮັບ​ຄວາມ​ນິຍົມ​ຢູ່​ໃນ​ທົ່ວ​ຂົງ​ເຂດກໍຈິງ ​ແຕ່​
ທ່ານ​ກໍ​ໄດ້​ປະ​ເຊີນ​ກັບຄວາມ​ບໍ່ພໍ​ໃຈ ​ທີ່​ມີ​ເພີ່ມ​ຂຶ້ນ ກ່ຽວ​ກັບ​ບັນຫາ​ຈຳນວນ​ນຶ່ງ ຮວມທັງ​
ການ​ປາ​ບປາມ​ການ​ຄ້າ​ຢາ​ເສບ​ຕິດ​ທີ່​ຜິດ​ກົດໝາຍ ​ທີ່​ໄດ້​ດຳ​ເນີນ​ມາ​ເປັນ​ເວລາ​ຫຼາຍໆ​ທົດ​
ສະ​ວັດ​ຂອງ​ວໍ​ຊິງ​ຕັນ ແລະ​ການ​ສືບ​ຕໍ່ ​ບໍ່​ມີ​ໜ້າ​ຂອງ​ຄິວ​ບາ​ ຢູ່ໃນ​ກອງ​ປະຊຸມ​ສຸດ​ຍອດ​ດັ່ງ
ກ່າວ.

ມີ​ພວກ​ຜູ້ນຳຂອງ​ປະ​ເທດ​ຕ່າງໆ ​ໃນ​ຈຳນວນ​ຫຼາຍຂຶ້ນ ຮວມທັງ​ເຈົ້າພາບ​ຈັດ​ກອງປະຊຸມ​
ສຸດ​ຍອດປະທານາທິບໍດີ Juan Manuel Santos ​ແຫ່ງ​ໂຄ​ລົມ​ເບຍ ​ໄດ້​ຮຽກຮ້ອງໃຫ້
ການຄ້າຢາ​ເສບ​ຕິດ ​ເປັນ​ເລື່ອງ​ທີ່​ບໍ່​ຜິດ​ກົດໝາຍ ​ເພື່ອ​ຈະ​ຫຼຸດຜ່ອນ ຄວາມ​ຮຽກຮ້ອງ
ຕ້ອງການທີ່​ຂັບ​ດັນ ​ໃຫ້​ເກີດ​ຄວາມ​ຮຸນ​ແຮງ​ ລະຫວ່າງ​ ກຸ່ມ​ການ​ຄ້າຢ​າ​ເສບ​ຕິດ. ທ່ານ
Dan Restrepo ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ ຂອງທ່ານ​ໂອ​ບາ​ມາ ຮັບຜິດ
ຊອບ​ກ່ຽວ​ກັບ​ອາ​ເມຣິກາ​ລາ​ຕິນ ກ່າວ​ວ່າ ປະທານາ ທິບໍດີີ​ສະຫະລັດ​ບໍ່ໄດ້​ໃຫ້ການ​ສະ
ໜັບສະໜຸນ​ກ່ຽວ​ກັບ​ເລື່ອງ​ນີ້.

ນອກ​ນັ້ນ ຍັງ​ມີ​ການ​ຮຽກຮ້ອງ​ຫຼາຍຂຶ້ນ ​ໃຫ້​ສະຫະລັດ​ຍຸ​ຕິການ​ຂວໍ້າ​ບາດ​ທາງ​ດ້ານເສດ
ຖະກິດ​ເປັນ​ເວລາ​ 5 ທົດ​ສະ​ວັດ​ຂອງ​ສະຫະລັດ​ຕໍ່​ຄິວ​ບາ ​ແລະ​ອະນຸຍາດ​ໃຫ້ປະ​ເທດ​ດັ່ງ
ກ່າວ​ກັບ​ຄືນ​ເຂົ້າມາ​ຮ່ວມ ​ອົງການ​ຈັດຕັ້ງ ຂອງ​ບັນດາ​ປະ​ເທດ ​ໃນ​ທະວີບອາ​ເມຣິກາ​ຄືນ​
ໃໝ່. ປະທານາທິບໍດີ​ເອກ​ວາ​ດໍທ່ານ Rafael Correa ບໍ່​ຍອມໄປ​ຮ່ວມ​ກອງ​ປະຊຸມ​ສຸດ​
ຍອດຄັ້ງນີ້ເພື່ອ​ເປັນ​ການ​ປະ​ທ້ວງ​ຕໍ່​ການ​ບໍ່​ໄດ້​ເຂົ້າຮ່ວມຂອງ​ຄິວ​ບາແລະ​ຜູ້ນຳ​ຄົນ​ອື່ນໆ​
ກໍ​ເຕືອນ​ວ່າຄວນ​ຈະ​ເປັນ​ກອງ​ປະຊຸມ​ສຸດ​ຍອດ​ເທື່ອ​ສຸດ​ທ້າຍ​ທີ່​ບໍ່​ມີ​ປະ​ເທດ​ຄອມ​ມູນິສຄິວ
ບາ​ເຂົ້າຮ່ວມ​ນຳ.

ນອກ​ນັ້ນ ຍັງ​ເປັນ​ທີ່​ຄາດ​ກັນ​ວ່າ ປະທານາທິບໍດີ​ໂອ​ບາ​ມາ​ ຈະ​ເປັນ​ພວກ​ຜູ້ນຳ​ກຸ່ມນ້ອຍ
ໃນ​ການ​ຄັດຄ້ານ​ຂອງ​ທ່ານ​ຕໍ່​ການ​ອ້າງ​ກຳມະ​ສິດ​ຂອງ​ອາ​ເຈັນ​ຕິ​ນາ​ເອົາ​ໝູ່ ​ເກາະ Falk-
land ທີ່​ອັງກິດ​ຄວບ​ຄຸມ​ຢູ່​ໃນ​ເວລາ​ນີ້.

ອິດ​ທິພົນ​ຂອງ​ວໍ​ຊິງ​ຕັນ​ ໃນ​ອາ​ເມຣິກາ​ລາ​ຕິນ ຄ່ອຍໆ​ເສື່ອ​ມລົງ​ ນັບ​ແຕ່​ກອງ​ປະຊຸມສຸດ​
ຍອດ​ເທື່ອ​ແລ້ວ​ໃນ​ປີ 2009 ຂະນະ​ທີ່​ຂົງ​ເຂດ​ດັ່ງກ່າວ​ມີ​ຄວາມ​ສຳພັນ ​ທາ​ງດ້ານ​ເສດຖະ
ກິດ​ແລະ​ການ​ທູດ​ເພີ່ມ​ຂຶ້ນກັບ​ບັນດາ​ປະ​ເທດ​ທີ່​ມີ​ເສດຖະກິດ​ພຸ່ງ​ພົ້ນ​ໃໝ່ ​ເຊັ່ນ​ຈີນ ​ແລະ​
ອິນ​ເດຍ​ເປັນຕົ້ນ.