ທ່ານ ບາຣັກ ໂອບາມາ ປະທານາທິບໍດີສະຫະລັດ ກໍາລັງປະເຊີນກັບ ຄວາມກົດດັນຢ່າງ
ບໍ່ລົດລະ ຈາກບັນດາຄູ່ຕໍາແໜ່ງຂອງທ່ານທີ່ກອງປະຊຸມສຸດຍອດຂອງກຸ່ມປະເທດໃນທະ
ວີບອາເມຣິກາ ທີ່ປະເທດໂຄລົມເບຍເພື່ອໃຫ້ໂຮມເອົາຄິວບາ ເຂົ້າໃນກອງປະຊຸມຂອງກຸ່ມ
ໃນອະນາຄົດ.
ທັງບັນດາປະເທດທີ່ອ່ຽງຊ້າຍແລະອະນຸລັກນິຍົມ ກໍາລັງຜັກດັນໃຫ້ປະເທດຄອມມີວນີສ
ຄິວບາໄດ້ເຂົ້າມາຮ່ວມນໍາ ໃນກອງປະຊຸມສຸດຍອດຄັ້ງຕໍ່ໆໄປ. ທ່ານ Juan Manuel
Santos ປະທານາທິບໍດີໂຄລົມເບຍ ຊຶ່ງເປັນເຈົ້າ ພາບກອງປະຊຸມ ບອກບັນດາຜູ້ເຂົ້າ
ຮ່ວມປະຊຸມວ່າ ໃນບັນຍາກາດຂອງ ປັດຈຸບັນນີ້ ມັນບໍ່ມີເຫດຜົນອັນໃດເລີຍ ທີ່ຈະບໍ່ໃຫ້
ຄິວບາເຂົ້າຮ່ວມກອງປະຊຸມນໍາ.
ທ່ານ Rafael Correa ປະທານາທິບໍດີ ອີຄວາດໍ ກໍໄດ້ບອຍຄ໊ອດບໍ່ຍອມໄປຮ່ວມກອງ
ຊຸມທີ່ເມືອງ Cartagena ນັ້ນ ເພື່ອປະທ້ວງຕໍ່ການຍົກເວ້ນຄິວບາ ຈາກກອງປະຊຸມ.
ຝ່າຍສະຫະລັດໄດ້ໂຕ້ແຍ້ງວ່າ ຄິວບາ ບໍ່ມີສິດເຂົ້າຮ່ວມ ເພາະວ່າຄິວບາຍັງບໍ່ມີປະຊາທິ
ປະໄຕ ແລະບໍ່ເຄົາລົບຕໍ່ສິດທິມະນຸດຂອງປະຊາຊົນຄິວບານໍາອີກ.
ບັນດາປະມຸກ ແລະລັດຖະບານຂອງຫລາຍກວ່າ 30 ປະເທດ ກໍາລັງ ປະກອບສ່ວນໃນ
ກອງປະຊຸມສຸດຍອດຄັ້ງທີ່ຫົກ ຂອງພວກປະເທດໃນຂົງເຂດອາເມຣິກາ ຊຶ່ງເປັນກອງປະຊຸມ
ສອງວັນ ແລະຈະສິ້ນສຸດລົງໃນວັນອາທິດມື້ນີ້.