ບັນດາເຈົ້າໜ້າທີ່ໃນພາກໃຕ້ອັຟການິສຖານກ່າວວ່າ ພວກໂຈມຕີດ້ວຍລະເບີດ
ສະລະຊີບ ໄດ້ສັງຫານພົນລະເຮືອນຢ່າງໜ້ອຍ 22 ຄົນ ຢູ່ບ່ອນຈອດລົດຂົນສົ່ງ
ທີ່ລໍຖ້າເພື່ອນໍາສົ່ງສໍາພາລະໃຫ້ແກ່ຖານທັບຂອງເນໂຕ້ທີ່ຕັ້ງຢູ່ໃກ້ໆນັ້ນ.
ບັນດາເຈົ້າໜ້າທີ່ກ່າວວ່າ ຜູ້ໂຈມຕີຄົນນຶ່ງທີ່ຂີ່ລົດຈັກມາ ໄດ້ບີບຄະນວນລະເບີດລູກ
ທໍາອິດໃຫ້ແຕກຂຶ້ນ ໃນວັນພຸດມື້ນີ້ ທີ່ເມືອງ Kandahar ໃນຂະນະທີ່ຝູງຊົນພາ
ກັນຟ້າວແລ່ນໄປຊ່ວຍເຫລືອຜູ້ທີ່ໄດ້ຮັບບາດເຈັບ ຜູ້ໂຈມຕີຄົນທີສອງທີ່ຍ່າງໄປກໍ
ບີບຄະນວນລະເບີດໃຫ້ແຕກຂື້ນ. ການໂຈມຕີທັງສອງບັ້ນນີ້ ເຮັດໃຫ້ຢ່າງໜ້ອຍ
50 ຄົນໄດ້ຮັບບາດເຈັບ.
ເຫດລະເບີດໄດ້ແຕກຂື້ນໃກ້ກັບເດີ່ນເຮືອບິນ ທີ່ເມືອງ Kandahar ຊຶ່ງເປັນຖານ
ທັບຂະໜາດໃຫ່ຍຂອງກຳລັງປະສົມ ພາຍໃຕ້ການນຳພາຂອງສະຫະລັດ.
ໃນເວລານີ້ ຍັງບໍ່ທັນມີການປະກາດອ້າງເອົາຄວາມຮັບຜິດຊອບໃນເລື້ອງນີ້ເທື່ອ.
