ບັນດາເຈົ້າໜ້າທີ່ກອງທັບໃນຄອນຫຼວງ ຊານາອາ ກ່າວວ່າ ມືລະເບີດສະຫຼະຊີບຄົນໜຶ່ງ ໄດ້ສັງຫານທະຫານ ເຢເມນຕາຍ ຢ່າງໜ້ອຍ 30 ຄົນຢູ່ ເມືອງທ່າເຮືອ ເອເດັນ ຕັ້ງຢູ່ພາກ ໃຕ້ຂອງປະເທດໃນວັນອາທິດມື້ນີ້.
ບັນດາເຈົ້າໜ້າທີ່ກ່າວວ່າ ພວກທະຫານໄດ້ເຕົ້າໂຮມກັນຢູ່ຖານທັບດັ່ງກ່າວ ເພື່ອຮັບເງິນ ເດືອນຂອງພວກເຂົາເຈົ້າ.
ກອງທັບກ່າວວ່າ ທະຫານຄົນອື່ນໆຫຼາຍກວ່າ 10 ຄົນກໍໄດ້ຮັບບາດ ເຈັບໃນເຫດການດັ່ງ ກ່າວເຊັ່ນກັນ.
ຍັງບໍ່ມີກຸ່ມໃດອອກມາອ້າງເອົາຄວາມຮັບຜິດຊອບໃນທັນທີທັນໃດສຳລັບການໂຈມຕີຄັ້ງນີ້ ເທື່ຶອ.
ລະເບີດດັ່ງກ່າວໄດ້ແຕກຂຶ້ນໜຶ່ງສັບປະດາ ຫຼັງຈາກການລະເບີດທີ່ຄ້າຍຄືກັນ ທີ່ໄດ້ເຮັດ ໃຫ້ທະຫານເສຍຊີວິດຢ່າງໜ້ອຍ 45 ຄົນ ແລະ ບາດເຈັບຫຼາຍກວ່າສິບຄົນອີກ ເຊິ່ງອ້າງ ເອົາຄວາມຮັບຜິດຊອບໂດຍພວກລັດ ອິສລາມ.
