ຜູ້ວາງລະເບີດສະລະຊີຍຄົນນຶ່ງ ໄດ້ໂຈມຕີລົດເມຄັນໜຶ່ງ ທີ່
ບັນທຸກທະຫານອັຟການິສຖານ ຢູ່ໃນນະຄອນຫລວງ Kabul
ເຮັດໃຫ້ທະຫານເສຍຊີວິດ ຫົກຄົນ.
ບັນດາເຈົ້າໜ້າທີ່ ກ່າວວ່າຜູ້ວາງລະເບີດ ກຳລັງຍ່າງຢູ່ບົນ
ຖະໜົນ ເວລາທຳການໂຈມຕີໃນຕອນເຊົ້າວັນພະຫັດມື້ນີ້.
ລະເບີດທີ່ແຕກຂຶ້ນ ເຮັດໃຫ້ 10 ຄົນໄດ້ຮັບບາດເຈັບ ຮວມທັງ
ພົນລະເຮືອນຈຳນວນນຶ່ງ.ພວກທາລິບານ ໄດ້ອ້າງເອົາຄວາມຮັບ
ຜິດຊອບ ໃນການໂຈມຕີຄັ້ງນີ້.
ພວກຫົວຮຸນແຮງໄດ້ເພີ້ມການໂຈມຕີຂຶ້ນ ໂດຍສະເພາະຢູ່ໃນນະຄອນຫລວງ Kabul ໂດຍ
ໄດ້ແນເປົ້າໝາຍ ໃສ່ທັງກຳລັງຮັກສາຄວາມປອດໄພອັຟການິສຖານ ແລະ ກຳລັງທະຫານ
ນາໆຊາດ ພ້ອມດ້ວຍເປົ້າໝາຍການທູດ.
ກຳລັງ NATO ພວມຈະສີ້ນສຸດການປະຕິບັດງານສູ້ລົບ ໃນອັຟການິສຖານ ຫລັງຈາກ 13
ປີ ແລະກຳລັງຢູ່ໃນໄລຍະຂ້າມຜ່ານ ໄປສູ່ການປະຕິບັດງານ ແບບໃໝ່ ໃນເດືອນມັງກອນ
ຈະມາເຖິງນີ້ ທີ່ແນ່ໃສ່ການເຝິກແອບ ແລະໃຫ້ຄຳແນະນຳ ແກ່ທະຫານອັຟການິສຖານ.
