ຜູ້ວາງລະເບີດສະຫລະຊີບຄົນນຶ່ງ ໄດ້ໂຈມຕີລົດບັສຄັນນຶ່ງ ທີ່
ກຳລັງຂົນສົ່ງບັນດາພະນັກງານ ຈາກຫ້ອງການອະທິໄອຍະການ
ໃນນະຄອນຫລວງຂອງອັຟການິສຖານ.
ເຈົ້າໜ້າທີ່ກ່າວວ່າ ມີຄົນຜູ້ນຶ່ງເສຍຊີວິດ ແລະ ຢ່າງນ້ອຍອີກ
13 ຄົນ ໄດ້ຮັບບາດເຈັບ ໃນເຫດລະເບີດ ຢູ່ນະຄອນຫຼວງ Kabul
ເມື່ອຕອນເຊົ້າວັນຈັນມື້ນີ້.
ພວກ Taliban ໄດ້ອ້າງເອົາຄວາມຮັບຜິດຊອບ ສຳຫລັບ
ການໂຈມຕີດັ່ງກ່າວ.
ກະຊວງພາຍໃນ ອອກຖະແຫລງການສະບັບນຶ່ງ ທີ່ກ່າວວ່າ ການໂຈມຕີນັ້ນ ໄດ້ສະແດງ
ໃຫ້ເຫັນເຖິງ “ລະດັບທີ່ຮ້າຍກາດທີ່ສຸດຂອງການກໍ່ຄວາມໂຫດຮ້າຍ ຂອງພວກກໍ່
ການຮ້າຍຫົວຮຸນແຮງຈັດ ຕໍ່ພວກພົນລະເຮືອນທີ່ບໍລິສຸດ ແລະບໍ່ສາມາດປ້ອງກັນ
ໂຕເອງໄດ້ນັ້ນ.”
ລະເບີດ ທຳລາຍ ລົດບັສບັນທຸກພະນັກງານ ອັຟການິສຖານ
ການໂຈມຕີໃນມື້ນີ້ ແມ່ນເປັນຄັ້ງທຳອິດຢູ່ໃນນະຄອນຫຼວງ ນັບຕັ້ງແຕ່ ພວກ Taliban ໄດ້
ເປີດສາກ ທຳການບຸກໂຈມຕີປະຈຳປີ ໃນລະດູບານໃໝ່ຂອງຕົນ ເມື່ອເດື່ອນແລ້ວນີ້.
ການໂຈມຕີມີຂຶ້ນ ໃນຂະນະທີ່ ບັນດາເຈົ້າໜ້າທີ່ ຂອງອັຟການິສຖານ ແລະ ຕາລີບານ
ກຳລັງພົບປະກັນ ຢູ່ໃນປະເທດກາຕາ ສຳຫລັບການສົນທະນາຫາລື ຢ່າງບໍ່ເປັນທາງການ
ໃນຄວາມພະຍາຍາມຫຼ້າສຸດ ເພື່ອຈະຍຸດຕິ ສົງຄາມອັນຍາວນານ ຂອງອັຟການິສຖານ.
