ຢ່າງນ້ອຍ 12 ຄົນ ເສຍຊີວິດ ໃນການໂຈມຕີ ສະລະຊີບ ຢູ່ອັຟການິສຖານ (ສະໄລດ໌)

ທີ່ອັຟການິສຖານ ຄົນວາງລະເບີດສະລະຊີບຄົນນຶ່ງໄດ້ໂຈມຕີ
ລົດຕູ້ຂະໜາດນ້ອຍຄັນນຶ່ງ ທີ່ບັນທຸກຊາວຕ່າງຊາດ ຢູ່ໃກ້ໆກັບ
ເມືອງຫຼວງຂອງປະເທດ ຊຶ່ງໄດ້ສັງຫານຢ່າງນ້ອຍ 12 ຄົນ.

ຕໍາຫຼວດກ່າວວ່າ ມີພະນັກງານຕ່າງຊາດ ຢ່າງນ້ອຍ 9 ຄົນ ກັບ
ຄົນຂັບລົດແລະຊາວອັຟການີສຖານ ອີກ 2 ຄົນ ເສຍຊີວິດໃນ
ການໂຈມຕີໃນວັນອັງຄານມື້ນີ້ ໃກ້ໆກັບສະໜາມບິນ ເມືອງ
ຫລວງ Kabul.

ຄົນຮ້າຍໄດ້ຈຸດຂະນວນລະເບີດ ທີ່ຫ້າງໄວ້ເຕັມ ລົດທີ່ຕົນຂັບມາ
ຢູ່ໃກ້ໆກັບລົດຕູ້ຂະໜາດນ້ອຍນັ້ນ ຢູ່ຖະໜົນໃຫຍ່ທາງໄປສະໜາມ
ບິນ. ທາງການອັຟການີສຖານກ່າວວ່າ ຊາວຕ່າງຊາດ ອັນມີຮວມ
ທັງຊາວອາຟຣິກາໃຕ້ແລະຣັດເຊຍ ເຮັດວຽກໃຫ້ບໍລິສັດເອກະຊົນ
ທີ່ມີສໍານັກງານຢູ່ໃນສະໜາມບິນ.

ກຸ່ມກະບົດ Hezb-e-Islami ໄດ້ອອກມາອ້າງເອົາຄວາມຮັບຜິດຊອບ ໃນການໂຈມຕີຄັ້ງນີ້
ແລະກ່າວວ່າ ຄົນວາງລະເບີດສະລະຊີບແມ່ນແມ່ຍິງ ເພື່ອຕອບໂຕ້ຕໍ່ຮູບເງົາທີ່ ຕໍ່ຕ້ານສາສະ
ໜາອິສລາມ. ຮູບເງົາວີດີໂອແບບຫຍາບໆທີ່ຄົນອາເມຣິກັນເປັນຜູ້ສ້າງນັ້ນ ໄດ້ໝິ່ນປະມາດຕໍ່
ພະເຈົ້າ Muhammad ແລະພາໃຫ້ມີການລຸກຮືຂຶ້ນປະທ້ວງ ໃນທົ່ວໂລກ ຮວມທັງໃນອັຟກາ
ນີສຖານນໍາ.



ພ້ອມດຽວກັນ ອົງການເນໂຕ ໄດ້ຢືນຢັນກັບ VOA ໃນວັນອັງຄານມື້ນີ້ວ່າ ຕົນໄດ້ລຸດຜ່ອນ
ການປະຕິບັດງານຮ່ວມມືກັນກັບກອງກໍາລັງຮັກສາຄວາມປອດໄພ ຂອງອັຟການີສຖານນັ້ນລົງ
ທ່າມກາງທີ່ມີການໂຈມຕີພາຍໃນຂຶ້ນຢູ່ເລື້ອຍໆໃນຫວ່າງມໍ່ໆມານີ້ແລະການປະທ້ວງຮູບເງົາ
ວີດີໂອທີ່ຕໍ່ຕ້ານກັບສາສໜາມຸສລິມນັ້ນ.