ລິ້ງ ສຳຫລັບເຂົ້າຫາ

ວັນເສົາ, 03 ທັນວາ 2022

ຫຼາຍສິບຄົນ ເສຍຊີວິດ ໃນເຫດລະເບີດ ຢູ່ອີຣັກ


ແຜນທີ່ອີຣັກ ທີ່ສະແດງ ທີ່ຕັ້ງຂອງ ນະຄອນຫຼວງແບັກແດດ

ເຈົ້າໜ້າທີ່ຮັກສາຄວາມສະຫງົບໃນອີຣັກກ່າວວ່າ ການໂຈມຕີດ້ວຍ
ລະເບີດຫຼາຍໆຄັ້ງໃນອີຣັກໄດ້ສັງຫານຢ່າງໜ້ອຍ 34 ຄົນແລະມີຜູ້
ບາດເຈັບອີກຈຳນວນນຶ່ງ.

ໃນການໂຈມຕີບ່ອນທຳອິດ ຜູ້ໂຈມຕີສະຫຼະຊີບ ໄດ້ບີບຄະນວນລະ
ເບີດໃຫ້ແຕກຂຶ້ນຢູ່ຖະໜົນສາຍນຶ່ງ ທີ່ແອອັດໄປດ້ວຍຜູ້ຄົນເຮັດໃຫ້
ຢ່າງໜ້ອຍ 22 ຄົນເສຍຊີວິດ ແລະຫຼາຍສິບຄົນບາດເຈັບ.

ບໍ່ດົນຫຼັງຈາກການໂຈມຕີຢູ່ບ່ອນທຳອິດແລ້ວ ລະເບີດ 2 ລູກກໍໄດ້
ແຕກຂຶ້ນໃນບໍລິເລນຕະຫຼາດ Sharqa ຊຶ່ງເປັນທີ່ນິຍົມຂອງປະຊາ
ຊົນ.

ລະເບີດລູກທີສາມ ໄດ້ແຕກຂຶ້ນທີ່ນະຄອນຫຼວງ ເຮັດໃຫ້ຫຼາຍໆຄົນເສຍຊີວິດແລະໄດ້ຮັບ ບາດເຈັບ.

ການໂຈມຕີເຫຼົ່ານີ້ມີຂຶ້ນໃນມື້ດຽວກັນກັບທີ່ລັດຖະບານມີແຜນການຈະຍົກເລີກການຫ້າມ ອອກນອກເຮືອນໃນຍາມກາງຄືນຢູ່ໃນນະຄອນຫຼວງແບັກແດດທີ່ມີຜົນບັງຄັບໃຊ້ມາເປັນ ເວລາຫຼາຍໆປີແລ້ວນັ້ນ.

ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບ ໃນການໂຈມຕີສະຫຼະຊີບດັ່ງກ່າວນີ້ເທື່ອ.

ໃນເຫດການອີກດ້ານນຶ່ງນັ້ນ ສົບຂອງພວກ Yazidi ຊຶ່ງເປັນສາສະໜາກຸ່ມນ້ອຍຢູ່ໃນອີ ຣັກຢ່າງໜ້ອຍ 16 ສົບ ໄດ້ຖືກຄົ້ນພົບຢູ່ໃນຂຸມຝັງສົບຂະໜາດໃຫຍ່ຢູ່ໃນພາກເໜືອຂອງ ປະເທດອີຣັກ.

ພວກ Yazidi ເປັນກຸ່ມນຶ່ງຂອງຊາວເຄີດ ທີ່ສາສະໜາດັ້ງເດີມ ຊຶ່ງມີພະເຈົ້າອົງດຽວຂອງ ພວກເຂົາເຈົ້າ ແມ່ນມີສ່ວນພົວພັນກັບສາສະໜາ Zoroastrianism.

ພວກ Yazidi ໄດ້ຖືກຈຳແນກກີດກັນມາຊ້ຳແລ້ວຊ້ຳອີກເປັນເວລາຫຼາຍໆສັດຕະວັດ ສະ ເພາະແລ້ວແມ່ນໂດຍຊາວມຸສລິມອາຣັບ ທີ່ເຂົ້າໃຈຜິດກ່ຽວກັບສາສະໜາ ຂອງພວກເຂົາ ເຈົ້ານັ້ນ.

ທ່ານອາດຈະມັກເລື້ອງນີ້ຄືກັນ

XS
SM
MD
LG