ການໂຈມຕີດ້ວຍລະເບີດສະລະຊີບ ທີ່ເມືອງ Mardan ໃນປາ
ກິສຖານ ຍັງຜົນໃຫ້ມີຢ່າງນ້ອຍ 18 ຄົນເສຍຊີວິດ ແລະມີຜູ້ບາດ
ເຈັບອີກ ຫຼາຍກວ່າ 20 ຄົນ.
ເຫດລະເບີດທີ່ເມືອງ ຊຶ່ງຕັ້ງຢູ່ທາງພາກຕາເວັນຕົກສຽງເໜືອ
ຂອງນະຄອນ Islamabad ໄດ້ມີຂຶ້ນຢູ່ດ້ານນອກປະຕູຂອງ
ໂຮງການລັດຖະບານ ທີ່ເອີ້ນວ່າ ອົງການຂໍ້ມູນແຫ່ງຊາດ
ແລະລົງທະບຽນ ຫຼື NADRA ຊຶ່ງເປັນສຳນັກງານຄວບຄຸມ
ການອອກບັດປະຈຳຕົວ.
ຮອງຜູ້ກວດກາທົ່ວໄປຂອງເມືອງ Mardan ທ່ານ Saeed
Wazir ໄດ້ບອກກັບສື່ມວນຊົນທ້ອງຖິ່ນວ່າ ພວກທີ່ທຳການໂຈມຕີແມ່ນຂີ່ລົດຈັກ ແລະບີບ
ຄະນວນລະເບີດ ໃນເສື້ອໃຫຍ່ຂອງລາວ ເວລາລາວຂີ່ລົດຈັກເຂົ້າໄປຕຳໃສ່ປະຕູທາງເຂົ້າ. ທ່ານກ່າວເພີ້ມຕື່ມວ່າ ບັນດາເຈົ້າໜ້າທີ່ພວມທຳການສັນນະສູດເບິ່ງສົບຜູ້ໂຈມຕີ ແລະທຳການສືບສວນກ່ຽວກັບເລື້ອງນີ້ຢູ່.
ພວກຮັບມືກັບເຫດການສຸກເສີນຈຸທຳອິດ ໄດ້ປິດລ້ອມບໍລິເວນທີ່ເກີດເຫດ ແລະສົ່ງພວກທີ່
ບາດເຈັບ ໄປຍັງໂຮງພະຍາບານ ເພື່ອປິ່ນປົວຮັກສາ. ພວກທີ່ເຫັນເຫດການ ໄດ້ລາຍງານວ່າ ໄດ້ເຫັນສິ້ນສ່ວນຂອງສົບຄົນຕາຍ ເດຍລະດາດຢູ່ໃນບ່ອນທີ່ເກີດເຫດ. ພວກທີ່ໄດ້ຮັບບາດເຈັບບາງຄົນ ແມ່ນມີອາການສາຫັດ ແລະວ່າ ຈຳນວນຜູ້ທີ່ເສຍຊີວິດ ອາດຈະເພີ້ມສູງຂຶ້ນ.
ກຸ່ມ Jamaat ul Ahrar ຊຶ່ງເປັນສ່ວນນຶ່ງຂອງພັນທະມິດຂອງກຸ່ມລັດອິສລາມ ຕໍ່ຕ້ານລັດ ຖະບານ ທີ່ເອີ້ນວ່າ Tehreek-e-Taliban Pakistan ໄດ້ອອກມາອ້າງເອົາຄວາມຮັບຜິດ ຊອບຕໍ່ເຫດລະເບີດຄັ້ງນີ້.
ໃນລາຍງານສະບັບນຶ່ງ ທີ່ໄດ້ສົ່ງໃຫ້ VOA ໂຄສົກຂອງກຸ່ມ ໄດ້ກ່າວວ່າ ຕົນໄດ້ແນເປົ້າໝາຍ
ໃສ່ຫ້ອງການຂອງອົງການ NADRA ເພາະວ່າ ມັນແມ່ນສ່ວນນຶ່ງຂອງຄວາມພະຍາຍາມໃນການເຮັດສົງຄາມຕໍ່ຕ້ານພວກກໍ່ການຮ້າຍໃນປາກິສຖານ.
