ເຈົ້າໜ້າທີ່ໃນນະຄອນຫລວງປາຣີ ກ່າວວ່າ ນັກຂຽນແລະນັກເຄື່ອນໄຫວຫົວນິຍົມຂວາຈັດ ຊາວຝຣັ່ງຄົນນຶ່ງ ໄດ້ຂ້າຕົວຕາຍ ຢູ່ຕໍ່ໜ້າແທ່ນບູຊາຂອງວິຫານ Notre Dame ທີ່ລືຊື່ ຂອງປະເທດຝຣັ່ງ.
ເຈົ້າໜ້າທີ່ຍັງກ່າວວ່າ ມີຜູ້ຄົນທີ່ເຂົ້າໄປເບິ່ງວິຫານ 1,500 ຄົນ ຍ່າງຊົມຢູ່ໃນໂບດນັ້ນ ໃນວັນອັງຄານວານນີ້ ເວລາພໍ່ຕູ້ Dominique Venner ໄວ 78 ປີ ຍິງຕົວເອງຕາຍ ຢູ່ທີ່ຫົວ ຫຼັງຈາກທີ່ໄດ້ປະຈົດໝາຍສະບັບນຶ່ງ ໄວ້ເທິງແທ່ນບູຊາ.
ບໍ່ໄດ້ມີການເປີດເຜີຍເນື້ອໃນຂອງຈົດໝາຍນັ້ນ ໃຫ້ຮູ້ໃນທັນທີນີ້ເທື່ອ. ແຕ່ວ່າ ຂໍ້ຄວາມທີ່ຜູ້ກ່ຽວໄດ້ຂຽນລົງທາງອິນເຕີແນັດ ຢູ່ໃນໜ້າບ໊ລອກຂອງລາວ ມີຮວມທັງຄໍາຈົ່ມວ່າ ກ່ຽວກັບ ກົດໝາຍທີ່ຝຣັ່ງໄດ້ຮັບຜ່ານເອົາເມື່ອໄວໆມານີ້ ທີ່ອະນຸຍາດໃຫ້ຄົນເພດດຽວກັນແຕ່ງງານກັນໄດ້ ແລະກ່ຽວກັບເລື່ອງເຂົ້າເມືອງຂອງຊາວອາຟຣິກາ.
ພໍ່ຕູ້ Venner ເຄີຍຮັບໃຊ້ຊາດເປັນທະຫານ ໃນຊ່ວງສົງຄາມຂອງຝຣັ່ງ ໃນປະເທດ Algeria ແລະຍັງເປັນສະມາຊິກໃນອົງການປະກອບອາວຸດລັບ ຊຶ່ງເປັນກຸ່ມຈັດຕັ້ງເຄິ່ງທະຫານ ທີ່ຄັດຄ້ານການແຍກໂຕເປັນເອກກະລາດຈາກຝຣັ່ງ ຂອງ Algeria.
ໂບດກາໂຕລິກ Notre Dame ຊຶ່ງຕັ້ງຢູ່ເທິງເກາະນ້ອຍໆກາງແມ່ນໍ້າ ແຊນ ນັ້ນ ແມ່ນເປັນສະຖານທີ່ທ່ອງທ່ຽວທີ່ນິຍົມຫຼາຍທີ່ສຸດແຫ່ງນຶ່ງຂອງກຸງປາຣີ ທີ່ດຶງດູດຄົນໄປເບິ່ງໄປຊົມ ຫຼາຍກ່ວາ 13 ລ້ານຄົນໃນແຕ່ລະປີ. ປີນີ້ Notre Dame ສະຫຼອງຄົບຮອບ 850 ປີ.
ເຈົ້າໜ້າທີ່ຍັງກ່າວວ່າ ມີຜູ້ຄົນທີ່ເຂົ້າໄປເບິ່ງວິຫານ 1,500 ຄົນ ຍ່າງຊົມຢູ່ໃນໂບດນັ້ນ ໃນວັນອັງຄານວານນີ້ ເວລາພໍ່ຕູ້ Dominique Venner ໄວ 78 ປີ ຍິງຕົວເອງຕາຍ ຢູ່ທີ່ຫົວ ຫຼັງຈາກທີ່ໄດ້ປະຈົດໝາຍສະບັບນຶ່ງ ໄວ້ເທິງແທ່ນບູຊາ.
ບໍ່ໄດ້ມີການເປີດເຜີຍເນື້ອໃນຂອງຈົດໝາຍນັ້ນ ໃຫ້ຮູ້ໃນທັນທີນີ້ເທື່ອ. ແຕ່ວ່າ ຂໍ້ຄວາມທີ່ຜູ້ກ່ຽວໄດ້ຂຽນລົງທາງອິນເຕີແນັດ ຢູ່ໃນໜ້າບ໊ລອກຂອງລາວ ມີຮວມທັງຄໍາຈົ່ມວ່າ ກ່ຽວກັບ ກົດໝາຍທີ່ຝຣັ່ງໄດ້ຮັບຜ່ານເອົາເມື່ອໄວໆມານີ້ ທີ່ອະນຸຍາດໃຫ້ຄົນເພດດຽວກັນແຕ່ງງານກັນໄດ້ ແລະກ່ຽວກັບເລື່ອງເຂົ້າເມືອງຂອງຊາວອາຟຣິກາ.
ພໍ່ຕູ້ Venner ເຄີຍຮັບໃຊ້ຊາດເປັນທະຫານ ໃນຊ່ວງສົງຄາມຂອງຝຣັ່ງ ໃນປະເທດ Algeria ແລະຍັງເປັນສະມາຊິກໃນອົງການປະກອບອາວຸດລັບ ຊຶ່ງເປັນກຸ່ມຈັດຕັ້ງເຄິ່ງທະຫານ ທີ່ຄັດຄ້ານການແຍກໂຕເປັນເອກກະລາດຈາກຝຣັ່ງ ຂອງ Algeria.
ໂບດກາໂຕລິກ Notre Dame ຊຶ່ງຕັ້ງຢູ່ເທິງເກາະນ້ອຍໆກາງແມ່ນໍ້າ ແຊນ ນັ້ນ ແມ່ນເປັນສະຖານທີ່ທ່ອງທ່ຽວທີ່ນິຍົມຫຼາຍທີ່ສຸດແຫ່ງນຶ່ງຂອງກຸງປາຣີ ທີ່ດຶງດູດຄົນໄປເບິ່ງໄປຊົມ ຫຼາຍກ່ວາ 13 ລ້ານຄົນໃນແຕ່ລະປີ. ປີນີ້ Notre Dame ສະຫຼອງຄົບຮອບ 850 ປີ.
