ຊາວຊູດານ ປະທ້ວງ ລັດຖະບານ ທີ່ບໍ່ໃຫ້ ຄວາມຄຸ້ມກັນ ເຂົາເຈົ້າ

ພວກ​ປະ​ທ້ວງ​ຫລາຍຮ້ອຍ​ຄົນ ທີ່​ລັດ​ພາກ​ເໜືອ Kodafan ພາ
ກັນ​ແກວ່ງກ້ອນ​ຫີນ​ໃສ່ຂະ​ບວນລົດ​ຂອງ​ລັດຖະບານ ຫລັງ​ຈາກ​
ໄດ້​ກ່າວ​ຫາ​ວ່າ ບັນດາ​ເຈົ້າ​ໜ້າ​ທີ່​ລັດຖະບານ​ຫລົ້ມ​ແຫລວໃນ
ການ​ປ້ອງ​ກັນເຂົາ​ເຈົ້າ ​ຈາກການ​ໂຈມ​ຕີຂອງພວກ​ກະບົດໃນ​ມື້​
ນຶ່ງ​ກ່ອນ​ໜ້ານັ້ນ.

ຊາວ​ໜຸ່ມ​ປະມານ 300 ຄົນ​ພາກັນ​ເຕົ້າ​ໂຮມ​ກັນ​ຢູ່​ໃນ​ເມືອງ Um
Rawada ​ເພື່ອປະ​ທ້ວງການ​ຢ້ຽມຢາມຜູ້​ປົກຄອງ​ລັດ ທ່ານ
Murghani Hussein Zaki-Adeen ຜູ້​ມາ​ກວດກາ​ເມືອງ ທີ່
​ຖືກ​ໂຈມ​ຕີ​ໃນ​ວັນເ​ສົາຜ່ານ​ມາ.

ພວກ​ປະ​ທ້ວງ​ພາກັນ​ເອົາ​ໄຟ​ຈູດ ຕຶກ​ຂອງ​ລັດຖະບານ​ຫລາຍ​ຫລັງ. ບໍ່​ມີ​ລາຍງານ​ວ່າມີ
​ຜູ້​ໄດ້​ຮັບ​ບາດ​ເຈັບສາຫັດ ຈາ​ກ​ເຫ​ດການ​ດັ່ງກ່າວ.

ພວກ​ກະບົດຈາກ ຊູ​ດານ ປະ​ເທດ​ທີ່ເພພັງ​ຈາກ​ສົງຄາມ ​ໃນ​ຂົງເຂດ Dafur ​ເຂົາ​ເຈົ້າ​ກ່າວ​
ວ່າ ​ຕົນໄດ້​ໂຈມ​ຕີ​ໃນ​ວັນ​ເສົາ ​ໂດຍເປັນ​ພາກສ່ວນ​ຂອງແຜນ ​ໂຄນ​ລົ້ມ​ລັດຖະບານ ຊູ​ດານ.

​ເມືອງ Um Rawaba ຕັ້ງ​ຢູ່​ພາກ​ເໜືອ​ຂອງ​ເມືອງ Kodafan ​ຊຶ່ງ​ເປັນເມືອງ​ໃຫຍ່​ທີ່​ສອງ.
ລັດ​ດັ່ງກ່າວ​ບໍ່​ໄດ້​ຖືກ​ລົບກວນ​ຈາກ ການ​ປະຕິບັດ​ງານ​ຂອງ​ພວກ​ກະບົດ ທີ່​ເກີ​ດຂື້ນ​ໃນ​
Darfur ທີ່​ຕັ້ງ​ຢູ່ທາງ​ພາກ​ຕາ​ເວັນ​ຕົກ ​ແລະ​ Kordofan ໃຕ້ ທີ່​ຕັ້ງ​ຢູ່​ພາກ​ໃຕ້ພວກ​ຊາວ​
ເມືອງ Um Rawala ກ່າວ​ວ່າ ພວກ​ກໍ່​ການ​ຮ້າຍ​ຕິດ​ອາວຸດ ພາກັນ​ບຸກ​ເຂົ້າ​ໄປ​ລັກ​ປຸ້ນຕະ
ຫລາດ ຫລັງ​ຈາກ​ໄດ້​ເຂົ້າ​ມາ​ໃນ​ເມືອງດ້ວຍ​ລົດ​ຢ່າງ​ໜ້ອຍ 20 ຄັນ.

ທະຫານຊູ​ດານ ໄດ້​ກ່າວ​ຫາ​ພວກ​ກໍ່​ການ​ຮ້າຍ ທໍາລາຍຕຶກ​ສູງ​ສື່ສານ ​ໂຮງໄຟຟ້າ ​ແລະ​ຢ່າງ
​ໜ້ອຍ​ສາງ​ນໍ້າມັນ​ນຶ່ງ​ສາງ.