ອົງການ UNICEF ກ່າວວ່າ ຢ່າງໜ້ອຍ ມີເດັກນ້ອຍ 129 ຄົນ
ໄດ້ເສຍຊີວິດໃນລະຫວ່າງການບຸກໂຈມຕີຂອງລັດຖະບານ ຕໍ່
ກຳລັງກະບົດໃນຊູດານໃຕ້ ເມື່ອເດືອນແລ້ວນີ້.
ຜູ້ອຳນວຍການອົງການ UNICEF ທ່ານ Anthony Lake
ກ່າວວ່າ ບັນດາຜູ້ລອດຊີວິດມາໄດ້ ລາຍງານວ່າ ພວກເດັກ
ນ້ອຍຜູ້ຊາຍໄດ້ຖືກຕອນ ແລະປ່ອຍໃຫ້ເລືອດໄຫລອອກ ໃນ
ຂະນະທີ່ເດັກນ້ອຍຜູ້ຍິງທີ່ມີອາຍຸຕ່ຳເຖິງ 8 ປີ ໄດ້ຖືກຂົ່ມຂືນ
ໝູ່ ແລະຂ້າຖິ້ມ.
ທ່ານກ່າວວ່າ ພວກເດັກນ້ອຍອຶ່ນໆ ມີລາຍງານວ່າ ໂຍນເຂົ້າ
ຕຶກທີ່ຖືກໄຟໄໝ້.
ທ່ານ Lake ກ່າວວ່າ “ເພື່ອເຫັນແກ່ມະນຸດສະທຳ ແລະຄວາມເໝາະສົມໂດຍ ທົ່ວໄປ
ແລ້ວ ການກໍ່ຄວາມຮຸນແຮງຕໍ່ຜູ້ໄຮ້ດຽງສາຕ້ອງໄດ້ຢຸດເຊົາ.”
ຊູດານໃຕ້ ໄດ້ສູ້ລົບກັບພວກກະບົດ ນຳພາໂດຍ ອະດີດຮອງປະທານາທິບໍດີ ນັບແຕ່
ເດືອນທັນວາ ປີ 2013 ເປັນຕົ້ນມາ ເວລາມີການແຕກແຍກລະຫວ່າງກອງທັບໃນນະ
ຄອນຫລວງ Juba ຕໍ່ມາໄດ້ມີການນອງເລືອດຢ່າງຮຸນແຮງເພີ້ມຂື້ນຢູ່ໃນທົ່ວປະເທດ.
ອົງການ UNICEF ກະປະມານວ່າ ມີເດັກນ້ອຍຈຳນວນ 13,000 ຄົນໄດ້ຖືກບັງຄັບ
ໃຫ້ເຂົ້າຮ່ວມບັນຫາຂັດແຍ້ງ.
ທ່ານ Lake ກ່າວວ່າ “ວາດພາບເບິ່ງວ່າ ດ້ານຈິດຕະວິທະຍາ ແລະຜົນສະ ທ້ອນທາງ
ດ້ານຮ່າງກາຍຕໍ່ພວກເດັກນ້ອຍເຫລົ່ານີ້ ບໍ່ພຽງແຕ່ຄວາມຮຸນແຮງທີ່ໄດ້ມີຕໍ່ພວກເຂົາ
ເຈົ້າ ແຕ່ຍັງມີຄວາມຮຸນແຮງທີ່ ເຂົາເຈົ້າຖືກບັງຄັບໃຫ້ເຮັດແກ່ຄົນອື່ນໆດ້ວຍ.”
ບັນດາກຸ່ມສີ້ງຊອມ ໄດ້ກ່າວຫາທັງສອງຝ່າຍວ່າ ຕ່າງກໍໄດ້ລະເມີດສິດທິມະນຸດ ຢ່າງ
ຮ້າຍແຮງຕໍ່ພົນລະເຮືອນ.
