ສະຫະລັດໄດ້ປະນາມລັດຖະບານຊູແດນ ທີ່ໄດ້ສົ່ງທະຫານໄປໂຈມຕີແລະເຂົ້າຄວບຄຸມເມືອງ
ບໍ່ນໍ້າມັນແຫ່ງນຶ່ງ ທີ່ເຂດປົກຄອງຕົນເອງໃນພາກໃຕ້ຂອງຊູແດນ ໄດ້ອ້າງເອົາກໍາມະສິດນັ້ນ.
ທໍານຽບຂາວໄດ້ອອກຖະແຫລງການສະບັບນຶ່ງໃນວັນເສົາວານນີ້ປະນາມການບຸກໂຈມຕີ
ຂອງກອງທັບຊູແດນຕໍ່ເມືອງ Abyei ແລະດໍາລັດຂອງປະທານາທິບໍດີຊູແດນສະບັບນຶ່ງ ທີ່
ຍຸບລັດຖະບານເມືອງດັ່ງກ່າວນັ້ນ.
ຖະແຫລງການຂອງສະຫະລັດໄດ້ກ່າວຫາລັດຖະບານກາງຂອງຊູແດນ ທີ່ນະຄອນຫລວງ
ຄາທູມ (Khartoum) ວ່າ ເປັນການລະເມີດຢ່າງຈະແຈ້ງຂອງຂໍ້ຕົກລົງສັນຕິພາບທີ່ໄດ້ເຊັນ
ກັບເຂດປົກຄອງຕົນເອງໃນພາກໃຕ້ນັ້ນ ແລະບ່ອນທໍາລາຍຄໍາໜັ້ນສັນຍາທີ່ທັງສອງຝ່າຍ
ໄດ້ໃຫ້ໄວ້ທີ່ວ່າຈະຫລີກລ່ຽງການກັບຄືນໄປສູ່ສົງຄາມກາງເມືອງນັ້ນ. ລັດຖະບານໃນນະ
ຄອນຫລວງ Khartoum ແລະເຂດພາກໃຕ້ບໍ່ສາມາດຕົກລົງກັນໄດ້ກ່ຽວກັບວ່າ ຜູ້ໃດຫລື
ຝ່າຍໃດຄວນຄວບຄຸມເມືອງ Abyei ຫລັງຈາກທີ່ພາກໃຕ້ແຍກໂຕອອກໄປ ໃນວັນທີ 9 ກໍ
ລະກົດປີກາຍນີ້ ອັນເປັນສ່ວນນຶ່ງຂອງຂໍ້ຕົກລົງສັນຕິພາບນັ້ນ.
ໂທລະພາຍແຫ່ງລັດຊູແດນກ່າວວ່າ ກອງທັບຂອງພາກເໜືອຊູແດນໄດ້ຍຶດເອົາເມືອງ Abyei
ໃນເຊົ້າວັນເສົາວານນີ້ ຫລັງຈາກສູ້ລົບກັນກັບກໍາລັງຂອງພາກໃຕ້. ບັນດາເຈົ້າໜ້າທີ່ສະຫະ
ປະຊາຊາດໃນກຸງຄາທູມ ໄດ້ຢືນຢັນຂໍ້ກ່າວອ້າງທີ່ວ່ານີ້ ແລະກ່າວວ່າ ເວລານີ້ ມີລົດຖັງຂອງ
ພາກເໜືອຊູແດນ ຢ່າງນ້ອຍ 10 ຄັນ ທໍາການລາດຕະເວນຢູ່ໃນເມືອງດັ່ງກ່າວ. ທ່ານຄຸຍ
ເດີເຊີຣຸກ (Kouider Zerrouk) ໂຄສົກສະຫະປະຊາຊາດຍັງກ່າວອີກວ່າ ລູກປືນໃຫຍ່ລູກ
ນຶ່ງໄດ້ຕົກໃສ່ບໍລິເວນຂອງສະຫະປະຊາຊາດໃກ້ເມືອງ Abyei ນັ້ນ ແຕ່ບໍ່ໄດ້ສ້າງຄວາມເສຍ
ຫາຍຫລືຜູ້ບາດເຈັບເສຍຊີວິດ ແຕ່ປະການໃດ.
ທ່ານຟີລິບ ເອເກີ້ (Philip Aguer) ໂຄສົກກອງທັບພາກໃຕ້ຊູແດນ ກ່າວວ່າ ພວກເຮືອ
ບິນລົບຂອງພາກເໜືອໄດ້ຖິ້ມລະເບີດໃສ່ເມືອງ Abyei ເປັນມື້ທີສອງໃນວັນເສົາວານນີ້ໂດຍ
ຕົກຖືກ 4 ໝູ່ບ້ານດ້ວຍກັນ ແຕ່ທ່ານບໍ່ໄດ້ແຈ້ງຂ່າວໃຫ້ຊາບກ່ຽວກັບຄວາມເສຍຫາຍ ຜູ້
ບາດເຈັບແລະລົ້ມຕາຍ.
