ປະທານາທິບໍດີ Salva Kiir ແຫ່ງຊູດານໃຕ້ກ່າວວ່າ ການເຄື່ອນໄຫວຂອງຊູດານ ປະ
ເທດເພື່ອນບ້ານ ເວົ້າຮວມແລ້ວແມ່ນເປັນການປະກາດສົງຄາມກັນ.
ຖ້ອຍຖະແຫຼງດັ່ງກ່າວຂອງທ່ານມີຂຶ້ນໃນວັນອັງຄານມື້ນີ້ ໃນລະຫວ່າງ ການໂອ້ລົມສົນ
ທະນາກັນກັບທ່ານຫູຈິນເຖົາ ປະທານປະເທດຈີນທີ່ກຸງປັກກິ່ງ. ທ່ານ Kiir ກໍາລັງຢູ່ໃນ
ລະຫວ່າງການຢ້ຽມຢາມຈີນເປັນເວລາ 5 ມື້ ທີ່ຈະຮວມທັງການໄຂສະຖານທູດໃໝ່
ຂອງຊູດານໃຕ້ຂຶ້ນ ໃນຈີນນັ້ນ.
ສະຫະລັດ ຈີນ ແລະປະເທດມະຫາອໍານາດອື່ນໆ ໄດ້ຮຽກຮ້ອງໃຫ້ຊູດານແລະຊູດານ
ໃຕ້ຢຸດທໍາການສູ້ລົບກັນແລະເລີ້ມທໍາການເຈລະຈາສັນຕິພາບກັນຄືນ.
ທ່ານ Omar al-Bashir ປະທານາທິບໍດີຊູດານ ກ່າວໃນວັນຈັນວານນີ້ວ່າ ຈະບໍ່ມີການ
ໂອ້ລົມສົນທະນາກັນຕື່ມອີກ ແລະວ່າ ຊູດານໃຕ້ເຂົ້າໃຈພຽງແຕ່ພາສາປືນແລະລູກກະ
ສູນເທົ່ານັ້ນ.
ບັນດາເຈົ້າໜ້າທີ່ຊູດານໃຕ້ ກ່າວໃນວັນອັງຄານມື້ນີ້ວ່າ ມື້ຄືນຜ່ານມານີ້ຝູງເຮືອບິນລົບ
ຂອງຊູດານໄດ້ຖິ້ມລະເບີດໃສ່ເມືອງ Panakwach.
ໃນວັນຈັນວານນີ້ ພວກເຈົ້າໜ້າທີ່ແລະພວກທີ່ເຫັນເຫດການໃນຊູດານໃຕ້ກ່າວວ່າ ຊູດານ
ໄດ້ຖິ້ມລະເບີດໃສ່ລັດ Unity ຂອງຊູດານໃຕ້ໂດຍ ໄດ້ສັງຫານປະຊາຊົນຢ່າງໜ້ອຍ 3
ຄົນ ຮວມທັງເດັກນ້ອຍຜູ້ຊາຍຄົນນຶ່ງ. ລະເບີດໄດ້ຕົກໃສ່ທັງໃນຕົວເມືອງແລະເຂດອ້ອມ
ແອ້ມເມືອງຊາຍ ແດນ Bentiu ນັ້ນ.
ທ່ານພັນກິມູນ ເລຂາທິການໃຫຍ່ສະຫະປະຊາຊາດໄດ້ປະນາມການ ຖິ້ມລະເບີດໂຈມ
ຕີຂອງຊູດານ ແລະຮຽກຮ້ອງໃຫ້ລັດຖະບານຊູດານ ຍຸຕິທຸກການກະທຳທີ່ເປັນປໍລະປັກ
ໃນທັນທີ.
ສະຫະລັດກໍໄດ້ປະນາມໃນອັນທີ່ສະຫະລັດເອີ້ນວ່າ ເປັນການບຸກລຸກທາງທະຫານ.
ທ່ານນາງ Victoria Nuland ໂຄສົກປະຈໍາກະຊວງການຕ່າງປະເທດສະຫະລັດກ່າວ
ວ່າ ສະຫະລັດຮັບຮູ້ສິດທິຂອງຊູດານໃຕ້ເພື່ອປ້ອງກັນຕົນເອງ ແຕ່ຮຽກຮ້ອງໃຫ້ Juba
ໃຊ້ຄວາມຍັບຍັ້ງໃນການຕອບໂຕ້ຂອງຕົນດ້ວຍການຖິ້ມລະເບີດນັ້ນ.