ລິ້ງ ສຳຫລັບເຂົ້າຫາ

ວັນສຸກ, ໒໑ ມິຖຸນາ ໒໐໒໔

ຊູດານ ແລະຊູດານໃຕ້ ຢູ່ໃນພາວະສົງຄາມ


ທ່ານ Barnaba Benjamin Marial (ຂວາ) ໂອ້ລົມກັບ ໂຄສົກທະຫານ Philip Aguer (ຊ້າຍ)
ທ່ານ Barnaba Benjamin Marial (ຂວາ) ໂອ້ລົມກັບ ໂຄສົກທະຫານ Philip Aguer (ຊ້າຍ)

ສະພາຂອງ ຊຸດານ ​ໄດ້​ປະກາດ ​ໃຫ້ ຊຸດານໃຕ້ ​ເປັນ​ສັດຕູ ທ່າມກາງ​ການ ​ເພີ່ມ​ທະວີ​ຂຶ້ນ
ຂອງຄວາມ​ຮຸນ​ແຮງ​ຢູ່​ຕາມ​ຊາຍ​ແດນຂອງ​ປະ​ເທດ​ທັງ​ສອງ​ທີ່ຕິດ​ກັນ​ນັ້ນ.

ຫຼັງ​ຈາກໄດ້​ມີການ​ລົງ​ຄະ​ແນນສຽງ ໃນ​ວັນ​ຈັນ​ວານ​ນີ້ ທີ່ກຸງ Khartoum, ທາງ ທ່ານ
Barmaba Binjamin ລັດຖະມົນຕີກະຊວງຖະ​ແຫຼງຂ່າວ​ຂອງ​ຊູ​ດານ​ໃຕ້ ໄດ້ປະຕິ​ເສດ
ບໍ່ຮັບເອົາການຕັດສິນໃ​ຈດັ່ງກ່າວ ແລະກ່າວວ່າ ປະເທດຂອງທ່ານນັ້ນ ແມ່ນບໍ່ໄດ້ເປັນ
ສັດຕູກັບ Sudan.

ທ່ານ Rabie Abdelati Obeid ສະມາຊິກຄົນ​ສໍາຄັນຂອງພັກລັດຖະສະພາ​ແຫ່ງ​ຊາດ
ຊຶ່ງ​ເປັນ​ພັກ​ລັດຖະບານ​ຂອງ ຊຸດານ ​ໄດ້​ກ່າວ​ກັບ VOA ວ່າ ສະຖານະການລະຫວ່າງ
ສອງປະເທດໃນຂະນະນີ້ ແມ່ນຢູ່ໃນສະພາບສົງຄາມ.

ທ່ານຍັງກ່າວອີກວ່າ ຊຸດານໃຕ້ ແມ່ນບໍ່ໄດ້ນັບຖືຂໍ້​ຕົກລົງ​ສັນຕິພາບ​ສະບັບປີ 2005
ທີໄດ້ຍຸຕິສົງຄາມ​ກາງ​ເມືອງ​ລະຫວ່າງ​ຊູ​ດານ ​ແລະ​ຊູ​ດານ​ໃຕ້​ນັ້ນ.

ຊຸດານໃຕ້ ໄດ້ກ່າວວ່າ ເຮືອບິນລົບ​ຂອງ ຊຸດານ ໄດ້ຖິ້ມລະເບີດໃສ່ລັດ Unity ທີ່​ເຮັດ​ໃຫ້
ມີ​ຜູ້​ເສຍ​ຊີວິດ​ຢ່າງ​ນ້ອຍ 5 ຄົນ ​ແລະ​ບາດ​ເຈັບ 9 ຄົນ.

ນອກ​ນັ້ນ ຊຸດານໃຕ້ ຍັງໄດ້ກ່າວຫາ ຊຸດານ ວ່າ ໄດ້ຖິ້ມລະເບີດໃສ່​ເມືອງ Heglig
ຫົວ​ເມືອງທີ່​ຕັ້ງຢູ່​ໃນ​ບໍລິ​ເວນ​ຊາຍ​ແດນ​ທີ່​ມີ​ການ​ຂັດ​ແຍ້​ງທີ່​ທະຫານ ຊູ​ດານ​ໃຕ້​ໄດ້​ເຂົ້າຢຶດ
ເອົາຈາກ​ຊູ​ດານ ​ໃນ​ສັບປະດາ​ແລ້ວ. ທ່ານ Obeid ໄດ້ປະ ຕິເສດຕໍ່ການກ່າວຫາວ່າ
Sudan ໄດ້ໃຊ້ເຂດແດນດັ່ງກ່າວ ​ເປັນ​ຖານ​ທັບໃນການໂຈມຕີປະຊາຊົນທີ່ບໍ່ຕິດອາວຸດ
ໃນຊູ​ດານໃຕ້ນັ້ນ.



XS
SM
MD
LG