ການລົງຄະແນນໄດ້ເປີດຂຶ້ນອີກໃນວັນຈັນມື້ນີ້ ເປັນມື້ທີ່ສອງ
ຂອງການລົງປະຊາມະຕິຄັ້ງປະວັດສາດໃນພາກໃຕ້ຂອງ
Sudan. ໃນການລົງຄະແນນສຽງ 1 ອາທິດນັ້ນ ຄາດວ່າ
ຈະເປັນຂີດໝາຍຂອງການມີບາດກ້າວທີ່ຍັບເຂົ້າໃກ້ບາດນຶ່ງ
ເຖິງການເປັນປະເທດໃໝ່ປະເທດນຶ່ງຂອງໂລກ.
ການລົງຄະແນນສຽງຄັ້ງປະວັດການທີ່ວ່ານີ້ໄດ້ເລີ່ມມາ
ຕັ້ງແຕ່ວັນອາທິດວານນີ້ ຊຶ່ງພວກເຫັນເຫດການເວົ້າວ່າ
ໄດ້ມີຄວາມປື້ມປິຕິຍັນດີແລະແລະກໍມີຫຼາຍຄົນພາກັນອອກ
ມາລົງຄະແນນສຽງ.
ປະທານາທິບໍດີຂອງ Sudan ໃຕ້ ທ່ານ Salva Kiir ໄດ້ລົງຄະແນນສຽງໃນວັນອາທິດ
ວານນີ້ ໃນນະຄອນຫຼວງ Juba. ທ່ານ Kiir ກ່າວວ່ານີ້ຄືວາລະອັນເປັນປະວັດການທີ່ຜູ້ຄົນ
ໃນ Sudan ໃຕ້ ລໍຄອຍ.
ການລົງຄະແນນສຽງແມ່ນໄດ້ດໍາເນີນໄປຢ່າງຮຽບຮ້ອຍ, ເຖິງແມ່ນເຈົ້າໜ້າລາຍງານວ່າ
ໄດ້ມີການປະທະກັນລະຫວ່າງ Misseriya ກັບຊາວເຜົ່າ Ngok Dinka ໃນເຂດ
Abyei ທີ່ມີການຖົກຖຽງກັນກ່ຽວກັບນໍ້າມັນກໍຕາມ.
ລາຍງານຍັງກ່າວຕື່ມວ່າອາດມີຫຼາຍຄົນຖືກຂ້າຕາຍ.
ປະທານາທິບໍດີ ສຫຣ ທ່ານ Obama ກ່າວໃນຖ້ອຍຖະແຫລງໃນວັນອາທິດວານນີ້ວ່າ
ພວກປະຊາຄົມນາໆຊາດແມ່ນຍືດໝັ້ນວ່າທຸກພັກຝ່າຍໃນ Sudan ຈະປະຕິບັດໜ້າທີ່
ຢ່າງເດັດດ່ຽວຂອງເຂົາເຈົ້າ.
ການລົງປະຊາມະຕິນີ້ແມ່ນສ່ວນນຶ່ງຂອງຂໍ້ຕົກລົງສັນຕິພາບປີ 2005 ທີ່ເຮັດໃຫ້ສົງຄາມ
ເປັນເວລາ 21 ປີລະຫວ່າງພວກມຸສລິມ Sudan ຊົນກຸ່ມໃຫ່ຽໃນພາກເໝືອແລະພວກ
ຊາວຄຣີສແລະພວກນັບຖືຜີໃນພວກໃຕ້ນັ້ນສິ້ນສຸດລົງ.
