ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ສະ​ພາທະ​ຫານ ​ທີ່​ປົກ​ຄອງ​ປະ​ເທດຂອງ​ຊູ​ດານ ​ປະ​ກາດ​ວ່າ ຈະ​ມີ​ການ​ປ່ອນ​ບັດ​ເລືອກ​ຕັ້ງ ໃນ​ 9 ເດືອນຕໍ່​ໜ້ານີ້


ພວກປະທ້ວງ ພາກັນຖືທຸງຊູດານ ທີ່ສະແດງອອກຊຶ່ງໄຊຊະນະ ໃນຢາງລໍ້ທີ່ໄໝ້ຢູ່ ໃນຊາກຫັກພັງ ໃນຖະໜົນ 60 ໃກ້ໆກັບກອງ
ບັນຊາການທະຫານ ໃນນະຄອນກາຣ໌ທູມ, ກາຣ໌ທູມ, ຊູດານ, 03 ມິຖຸນາ 2019.
ພວກປະທ້ວງ ພາກັນຖືທຸງຊູດານ ທີ່ສະແດງອອກຊຶ່ງໄຊຊະນະ ໃນຢາງລໍ້ທີ່ໄໝ້ຢູ່ ໃນຊາກຫັກພັງ ໃນຖະໜົນ 60 ໃກ້ໆກັບກອງ ບັນຊາການທະຫານ ໃນນະຄອນກາຣ໌ທູມ, ກາຣ໌ທູມ, ຊູດານ, 03 ມິຖຸນາ 2019.

ສະ​ພາທະ​ຫານ​ທີ່​ປົກ​ຄອງ​ປະ​ເທດໃນ​ປັດ​ຈຸ​ບັນ​ຂອງ​ຊູ​ດານ ກ່າວ​ວ່າ ຕົນ​ໄດ້​ຍົກ​ເລີກ
​ຂໍ້​ຕົກ​ລົງ​ສະ​ບັບ​ກ່ອນ ກັບພວກປະ​ທ້ວງພົນ​ລະ​ເຮືອນ ​ຫຼັງຈາກການ​ໂຈມ​ຕີ​ຂອງວັນ​ຈັນ​
ວານ​ນີ້ ໂດຍກອງ​ກຳ​ລັງ​ຮັກ​ສາ​ຄວາມ​ປອດ​ໄພ​ຕໍ່​ສະ​ຖານ​ທີ່ປະ​ທ້ວງ ໃນ​ນະ​ຄອນຫຼວງ​
ຄາຣ໌​ທູມ ໄດ້​ຍັງ​ຜົນ​ໃຫ້​ມີ​ຜູ້​ເສຍ​ຊີ​ວິດ ຢ່າງ​ນ້ອຍ 30 ຄົນ​.

ນາຍ​ພົນ Abdel Fattah al-Burhan ປະ​ທານ​ສະ​ພາ​ການມອບ​ໂອນ​ອຳ​ນາດໃນ​ໄລ​ຍະ
​ຂ້າມ​ຜ່ານຝ່າຍທະ​ຫານ ໄດ້​ປະ​ກາດ​ໃນ​ວັນ​ອັງ​ຄານ​ມື້​ນີ້​ໃນ​ການ​ກ່າວຄຳປາ​ໄສທາງ​
ໂທ​ລະ​ພາບ ວ່າ ຈະ​ມີ​ການ​ປ່ອນ​ບັດ​ເລືອກ​ຕັ້ງ ໃນ​ 9 ເດືອນຕໍ່​ໜ້ານີ້. ນາຍ​ພົນ Burhan
​ໄດ້ກ່າວວ່າ​ ​ການ​ປ່ອນ​ບັດ​ເລືອກ​ຕັ້ງ ແມ່ນຈະ​ຈັດຂຶ້ນ​ ພາຍ​ໃຕ້ການ​ເບິ່ງ​ແຍງ​ດູ​ແລ​ຂອງ
ຂົງ​ເຂດ​ແລະສາ​ກົນ.

ການ​ໂຈມ​ຕີ​ສະ​ຖານ​ທີ່​ຂອງ​ພວກ​ປະ​ທ້ວງ ​ຢູ່ຂ້າງນອກກະ​ຊວງ​ປ້ອງ​ກັນ​ປະ​ເທດ
ແມ່ນ​ເຫດການ​ຫຼ້າ​ສຸດ ​ທີ່​ພາ​ໃຫ້ສາຍ​ພົວ​ພັນແຕກ​ຫັກ​ລົງ ລະ​ຫວ່າງ ​ພວກ​ທະ​ຫານ
ແລະ​ກຸ່ມ​ພັນ​ທະມິດ​ເພື່ອ​ເສລີ​ພາບ ​ແລະ​ການ​ປ່ຽນ​ແປງ, ​ຊຶ່ງ​ເປັນ​ກຸ່ມ​ແນວ​ໂຮມ​ຂອງ
ພວກ​ປະ​ທ້ວງ ແລະ​ຝ່າຍ​ຄ້ານ​ອື່ນໆ. ທັງ​ສອງ​ຝ່າຍໄດ້​ເຈ​ລະ​ຈາ​ກັນ ກ່ຽວ​ກັບ​ເລື້ອງ​
ການປະ​ກອບ​ສ່ວນເຂົ້າໃນລັດ​ຖະ​ບານໄລ​ຍະ​ຂ້າມ​ຜ່ານ ພາຍຫຼັງ ການ​ໂຄ່ນ​ລົ້ມປະ​ທາ
​ນາ​ທິ​ບໍ​ດີ​ Omar al-Bashir ໂດຍ​ພວກ​ທະ​ຫາ​ນໃນ​ເດືອນ​ເມ​ສາ​ຜ່ານ​ມາ​ນີ້ ຫຼັງ​ຈາກ
​ໄດ້​ມີ​ການ​ປະ​ທ້ວງຕໍ່​ຕ້ານການ​ປົກ​ຄອງ​ຜະ​ເດັດ​ການ​ຂອງ​ທ່ານ​ນັ້ນ.

ພວກປະທ້ວງ ພາກັນຖືທຸງຊູດານ ທີ່ສະແດງອອກຊຶ່ງໄຊຊະນະ ໃນຢາງລໍ້ທີ່ໄໝ້ຢູ່ ໃນຊາກຫັກພັງ ໃນຖະໜົນ 60 ໃກ້ໆກັບກອງ ບັນຊາການທະຫານ ໃນນະຄອນກາຣ໌ທູມ, ກາຣ໌ທູມ, ຊູດານ, 03 ມິຖຸນາ 2019.
ພວກປະທ້ວງ ພາກັນຖືທຸງຊູດານ ທີ່ສະແດງອອກຊຶ່ງໄຊຊະນະ ໃນຢາງລໍ້ທີ່ໄໝ້ຢູ່ ໃນຊາກຫັກພັງ ໃນຖະໜົນ 60 ໃກ້ໆກັບກອງ ບັນຊາການທະຫານ ໃນນະຄອນກາຣ໌ທູມ, ກາຣ໌ທູມ, ຊູດານ, 03 ມິຖຸນາ 2019.

​ບັນ​ດາ​ພັກຝ່າຍ​ທັງ​ສອງ ໄດ້ຕົກ​ລົງ ທີ່​ຈະ​ປະ​ກອບ​ລັດ​ຖະ​ບານຊົ່ວ​ຄາວ ທີ່​ສາ​ມາດ​ປົກ​
ຄອງ​ຊູ​ດານ ໃນ 3 ປີ ກ່ອນ​ທີ່​ຈະ​ມອບ​ໂອນ​ອຳ​ນາດ​ໃຫ້​ລັດ​ຖະ​ບານ​ພົນ​ລະ​ເຮືອນ​ຢ່າງ​
ຖາ​ວອນ​ນັ້ນ. ແຕ່​ວ່າ ການ​ເຈ​ລະ​ຈາ​ໄດ້​ລົ້ມ​ແຫຼວ​ລົງ​ໃນເດືອນ​ແລ້ວ​ນີ້ ຍ້ອນ​ຄວາມແຕກ
​ຕ່າງ ໃນ​ການ​ນຳ​ພາ​ຂອ​ງ​ລັດ​ຖະ​ບານໄລ​ຍະ​ຂ້າມ​ຜ່ານ​ນັ້ນ​.

ໃນວັນ​ຈັນ​ວານ​ນີ້ ກອງ​ກຳ​ລັງ​ຊູ​ດານ ​ທີ່​ແຕ່ງ​ກາຍໃນ​ຊຸດ​ຕຳ​ຫຼວດ​ແລະ​ທະ​ຫານ
ໄດ້​ອ້ອມພວກ​ປະ​ທ້ວງ ໃກ້ໆ​ກັບ​ກອງ​ບັນ​ຊາ​ການ​ຂອງ​ພວກ​ທະ​ຫານ ແລະ​ໄດ້​ເລີ້ມ​
ບັງ​ຄັບ​ພວກ​ປະ​ທ້ວງໃຫ້​ອອກ​ໄປ. ໄດ້​ຍິນລະ​ເບີດ​ແລະປືນ​ກົນ​ດັງ​ຂຶ້ນແລະ​ພາບ​ວີ​ດີ​ໂອ​
ຂອງ​ສື່ມວນ​ຊົນ​ຫຼາຍໆ​ອົງການ​ແມ່ນສະ​ແດງໃຫ້​ເຫັນວ່າ ກອງ​ກຳລັງຊູ​ດານ​ແມ່ນ​ທຸບ​ຕີ
ພວກ​ປະ​ທ້ວງ​ທີ່​ພາ​ກັນ​ນອນ​ກົ້ມ​ໜ້າ​ລົງ​ດິນ. ພວກ​ປະ​ທ້ວງພາ​ກັນ​ກ່າວ​ວ່າ ໜ່ວຍ​ຕອບ
ຮັບ​ເຫດ​ການ​ຢ່າງວ່ອງ​ໄວ​ແລະ​ກຳ​ລັງ​ຮັກ​ສາ​ຄວາມ​ສະຫງົບ ແມ່ນ​ໄດ້​ອ້ອມ​ໂຮງ​ພະ​ຍາ​
ບານ 2 ແຫ່ງ ໃນ​ນະ​ຄອນ​ຄາຣ໌​ທູມ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

XS
SM
MD
LG