ກອງທັບຊູດານເວົ້າວ່າ ຕົນໄດ້ສັງຫານຜູ້ນໍາຂອງກຸ່ມກະບົດໃຫຍ່ ຢູ່ໃນເຂດດາຟົວ ທີ່ປະ
ສົບກັບໄພສົງຄາມນັ້ນ.
ຖະແຫລງການທີ່ນໍາອອກເຜີຍແຜ່ ໂດຍອົງການຂ່າວທາງການຂອງຊູດານໄດ້ກ່າວວ່າ ທ່ານ
Khalil Ibrahim ຜູ້ນໍາຂອງກຸ່ມກະບົດຂະບວນເຄື່ອນໄຫວເພື່ອຄວາມຍຸດຕິທໍາແລະຄວາມ
ສະເໝີພາບ ຫລື (JEM) ໄດ້ຖືກຂ້າຕາຍ ໃນລະຫວ່າງສູ້ລົບໃນວັນອາທິດມື້ນີ້ ຢູ່ໃກ້ກັບ
ເມືອງ Wad Banda ທີ່ລັດ Kordofan ເໜືອ.
ກອງທັບບໍ່ໄດ້ໃຫ້ລາຍລະອຽດເພີ້ມເຕີມ ແລະການເສຍຊີວິດຂອງທ່ານ Ibrahim ກໍບໍ່ໄດ້
ຮັບການຢືນຢັນຈາກອົງການຂ່າວທີ່ເປັນອິດສະຫຼະ.
ອົງການຂ່າວຂອງຊູດານີເວົ້າວ່າ ການປະທະກັນ ໄດ້ເກີດຂຶ້ນທີ່ລັດ Kordofan ເໜືອໃນວັນ
ສຸກແລ້ວນີ້. ກອງທັບຊູດານ ໄດ້ກ່າວຫາພວກກະບົດວ່າ ໄດ້ທໍາການໂຈມຕີພົນລະເຮືອນຢູ່
ໃນສາມເຂດ.
ໃນວັນພະຫັດແລ້ວນີ້ ກຸ່ມ JEM ເວົ້າວ່າ ກອງກໍາລັງຂອງຕົນ ໄດ້ເລີ້ມຕົ້ນເຄື່ອນໄຫວໄປຍັງ
ນະຄອນຫລວງ Khartoum ຂອງຊູດານ ໂດຍມີເປົ້າໝາຍຈະໂຄ່ນລົ້ມປະທານາທິບໍດີ Omar al-Bashir.
ກຸ່ມ JEM ໄດ້ໂຈມຕີນະຄອນຫລວງ ແລະເມືອງ Omdurman ຊຶ່ງເປັນເມືອງແຝດຂອງ
ນະຄອນຫລວງນັ້ນ ໃນເດືອນພຶດສະພາປີ 2008. ມີຫລາຍກວ່າ 200 ຄົນເສຍຊີວິດ
ກ່ອນທີ່ລັດຖະບານຈະສາມາດຂັບໄລ່ການໂຈມຕີ ໃຫ້ພວກກະບົດລ່າຖອຍໄປໄດ້.
