ກະຊວງການຕ່າງປະເທດຂອງ Sudan ຖະແຫລງວ່າ
ພະນັກງານຊ່ອຍເຫລືອຊາວອະເມຣິກັນຄົນນຶ່ງ ທີ່ໄດ້
ຖືກລັກພາຕົວໄປແລະກັກຂັງໄວ້ ດົນກ່ວາ 100 ມື້
ໃນເຂດ Darfur ນັ້ນໄດ້ຖືກປ່ອຍແລ້ວ.
ຜູ້ກ່ຽວ ຊຶ່ງເປັນພະນັກງານຊ່ອຍຜູ້ຍິງຂອງກຸ່ມສາສະຫນາ
ຄຣີດ Samaritan’s Purse ໄດ້ຖືກລັກພາຕົວໄປໃນ
ເດືອນພິດສະພາແລ້ວນີ້ທີ່ບ້ານ Abu Ajura ໃນເຂດ
Darfur ໃຕ້.
ໃນອີກດ້ານນຶ່ງນັ້ນ ໂຄສົກຂອງກອງທັບ Sudan ກ່າວໃນ
ວັນຈັນມື້ນີ້ວ່າ ພວກນັກບິນຊາວຣັດເຊຍສອງຄົນໄດ້ຖືກ
ລັກພາຕົວໄປໃນຕອນບ່າຍຂອງວັນອາທິດວານນີ້ ທີ່
Nyala ເມືອງຫຼວງຂອງເຂດ Darfur ໃຕ້. ພວກເຫັນເຫດການເວົ້າວ່າ ຄົນຮ້າຍໄດ້
ຈີ້ນັກບິນສອງຄົນນັ້ນ ໃຫ້ຂຶ້ນລົດຈິບໄປກັບພວກເຂົາ. ພວກກ່ຽວເປັນນັກປິນຂອງ
ການບິນ Badr ຂອງ Sudan ທີ່ລໍາລຽງ ສຳພະລະແລະຜູ້ໂດຍສານ ຂອງໂຄງການ
ຊ່ອຍເຫຼືອນາໆຊາດຕ່າງໆ.
ເທື່ອນີ້ເປັນເທື່ອທີສອງ ທີ່ຊາວຕ່າງປະເທດຖືກລັກພາໂຕໄປໃນເຂດ Darfur ໃນໄລຍະ
ເວລາບໍ່ຮອດນຶ່ງເດືອນ.
